O mércores 28 de xullo, ás 20:30 h., na sala de exposicións “Xosé Rey Lago”, dos Muíños de Acea de Ama (O Burgo, Culleredo), inaugúrase, coa participación de Celestino Poza e Carlos Pereira, a exposición colectiva Feito en Culleredo II, organizada pola Concellería de Cultura do Concello de Culleredo, que permanecerá aberta até o 3 de setembro, cun horario de luns a venres de 18 a 21 h., e sábados de 12 a 14 e de 16 a 20 h. Nesta exposición participan os poetas Pablo Bouza, Luz Campello e Miguel Anxo Fernán-Vello, xunto ao ceramista Rafael Magán, o autor de cómic Xurxo García Penalta, as escultoras Soledad Penalta e Iria Rodríguez, os fotógrafos Luís M. Iglesias, Xurxo Lobato, Román Montesinos e Pedro Pastor, e os pintores Charo Arriaza, Diana Atchinson, Lola Beade, Tim Behrens, Lidia Carrión, Miguel Anxo Lamela, Vanessa Lodeiro, María Martínez, Miguel Melero, Carlos Montero, Nuria Mosqueira, Carlos Pereira, Isabel Pintado, Tino Poza, Carmen Quiñoá, Beatriz Ruiz, Gosia Trebacz e Luisa Valdés.
Arquivo da categoría: Arte
Santiago: actividades da Fundación Uxío Novoneyra e Rei Zentolo no Festigal
A Fundación Uxío Novoneyra e Rei Zentolo, da cal a marca galega é patrona, únense para festexar o día da Patria Galega durante toda a fin de semana. Instalarán un stand na zona de Feira do Festigal 2010 no que se pasarán diferentes documentais e documentos sonoros e audiovisuais de Uxío Novoneyra, presentarase a fundación recén nada e o seu proxecto de desenvolvemento, e venderanse packs de camisolas de Novoneyra, da súa camisola de homenaxe de Rei Zentolo, xunto a libros do poeta. A Fundación Novoneyra distribuirá as diferentes obras do poeta, ademais de expor e vender a carpeta de “HOMENAXE A UXÍO NOVONEYRA” co gallo das letras galegas deste ano 2010 e unha serie de reproducións de gravados do propio autor courelao, faceta súa, ate hoxe, case inédita. Todos os beneficios das vendas das súas obras (cedidas polas diferentes editoriais: Galaxia, Espiral Maior, Toxosoutos, Alvarellos, …) doaranse á Fundación.
A Coruña: Encontros en Milpedras, recital de poesía, música e pintura en directo
Este venres 23 de xullo, ás 20:30 h., desenvolverase no Taller de Litografía Milpedras, na rúa Brasil, nº 3, baixo, da Coruña, a primeira edición de Encontros en Milpedras, unha proposta para unir en diálogo libre, ao vivo e en directo, poesía, música e artes plásticas. Actuarán recitando poemas Xoán Abeleira, Pedro Casteleiro, François Davó e Ramiro Torres, co músico Dúbi Baamonde e o artista plástico sirio Ali Ali.
Vigo: recital “Poesía Alimentaria”, con poesía, música e pintura
O sábado 10 de xullo, ás 21:30 h., en La Galería Jazz (Ronda de Don Bosco, 21) de Vigo, celébrase un recital poético acompañado de música e pintura en directo baixo o nome de Poesía Alimentaria, con Lucía Aldao, Ledicia Costas e María Lado, entre os participantes. Máis información aquí.
Lugo: mesa redonda co tema “Vixencia de Castelao 60 anos despois da súa norte”
Hoxe, xoves, 10 de xuño, a partir das 19.30 horas, dentro do programa de actividades complementarias da exposición “Castelao. A derradeira lección do mestre”, mesa redonda co tema “Vixencia de Castelao 60 anos despois da súa norte”. Interveñen: Francisco Rodríguez, Felipe Senén López Gómez, María Pilar García Negro, Manuel Rei Romeu e Aurelia Balseiro como moderadora.
Máis información no Museo Provincial de Lugo.
Lóuzara: convocan para o roteiro literario do Fiz Vergara Vilariño
Lóuzara: roteiro literario do Fiz
Máis info no blogue da Agrupación Cultural Ergueitos.
A Coruña: exposición e libro de artista Natureza Haiku
A exposición permanecerá aberta até o próximo día 5.
Culleredo: III Encontro de pintura e poesía
Baixa aquí o programa en PDF.
Maruja Mallo, de Ramón Gómez de la Serna, en galego
«Editorial Trifolium, dentro da súa colección Contextos, ven de sacar do prelo a tradución ao galego do texto Maruja Mallo, do que é autor Ramón Gómez de la Serna.
“Meiguiña nova”, chamaba Ramón Gómez de la Serna a Maruja Mallo (Viveiro, Lugo 1902; Madrid, 1995), porque, e así o escribe, “tiña algo de feiticeiro no que facía e era como unha meiga recente que baixaba do Norte despois de compor as cores nas olas de barro da súa misteriosa cociña da aldea…” Artista revolucionaria, ousada e xenial, Maruja Mallo formou parte dos movementos de vangarda, xunto aos grandes nomes do momento, como Federico García Lorca, Rafael Alberti, Luis Buñuel ou Salvador Dalí, á vez que mantivo fortes lazos con Ortega y Gasset, María Zambrano e Pablo Neruda. Cercana ao surrealismo, transgresora da Xeración do 27, foi Maruja Mallo inxustamente valorada, ensombrecida polo seu doloroso exilio e seguramente, tamén, por ser unha muller adiantada ao seu tempo.»
