O 
próximo venres 22 e o sábado 23 de outubro terán lugar, no Liceo Recreo Ourensán, o VII Encontro de Escritores/as de Ourense, continuación dos Encontros iniciados polo Clube Alexandre Bóveda e que continuaron da man de Marcos Valcárcel e da Sección de Literatura do Liceo, nunha nova xeira na que Liceo, Gremio LiterAuria de Escritores, Libreiros e Editores, e a AELG, dan continuidade e reformulación aos Encontros neste ano 2010, coa colaboración, nesta ocasión, do Círculo Poético Ourensán. Todos os escritores ourensáns de residencia, adopción ou afección están especialmente convidados a participar nas actividades previstas, que inclúen un coloquio inaugural, unha sesión musical, a librería do encontro (cunha ampla selección de temáticas e autores ourensáns), a serie de “presentacións express” de libros editados en Ourense ou de temática ourensá editados no 2010, un mercado de manuscritos, a escritura, edición e posta á venda dun libro en 24 horas (Relato Express) en complicidade co público, e un recital poético onde o protagonista será Víctor Campio. Todo o programa pode ser consultado neste arquivo: Programa do VII Encontro de escritores-as de Ourense 2010.
Arquivo da categoría: Encontros e Xornadas
Alonso Montero: “Luis Seoane era un galeguista españolista”
(Xornal)
O Clúster do Libro comeza a súa andaina cunhas xornadas de formación para o sector
Ponteceso: presentación do Outono Pondaliano
A 
Fundación Eduardo Pondal de Ponteceso presentou o proxecto lingüístico e cultural Outono Pondaliano, proposta dirixida a toda a poboación da comarca, tanto escolar como adulta, e desenvolverase todos os martes do vindeiro mes de novembro en horario de mañá e tarde. Na presentación deste proxecto, que se desenvolverá na Fundación Eduardo Pondal, participaron o presidente desta entidade e alcalde de Ponteceso, José Luis Fondo; o xefe territorial da Consellería de Cultura e Turismo da Xunta de Galicia, Manuel Varela; o subdirector xeral de Política Lingüística, Xoán Rivas; o director de AGADIC, Juan Carlos Fernández Fasero; a directora do Centro Coreográfico de Galicia, Mercedes Fernández Suárez; o patrón da Fundación Eduardo Pondal José María Varela; e mais os directores e directoras dos centros educativos de Ponteceso. Outono Pondaliano artéllase en seis ciclos de actividades: Creatividade pondaliana, Aula viaxeira pondaliana, Encontros pondalianos, XIV Simposio Pondaliano, Libros pondalianos e Cestería viva, e nel participan, entre outros, Xesús Ferro Ruibal, Anxo Angueira e Darío Xohán Cabana.
Últimas prazas para o Foro Mugardos
O Culturgal celebrarase na Coruña entre o 10 e o 12 de decembro
A feira das industrias culturais galegas ten previsto celebrarse do 10 ao 12 de decembro na Coruña. O presidente da recentemente creada Asociación Culturgal, Xulio Amigo, reuniuse onte coa concelleira de Cultura coruñesa, María Xosé Bravo, acompañado polos tres membros da executiva de Culturgal: o vicepresidente da asociación, Ernesto Chao, o secretario, Cándido Meixide e a tesoureira, Beatriz Sieira, para comezar a andaina da que ten que ser a gran cita referencial da cultura galega. Polo de agora, o Concello da Coruña e Agadic (Axencia Galega das Industrias Culturais) son os únicos apoios económicos garantidos para patrocinar o Culturgal, un encontro da industria da cultura que, en palabras do presidente da Asociación Culturgal, Xulio Amigo, “debe de estar sempre por enriba de circunstancias políticas” de tal xeito que o apoio se manteña independentemente de quen detente o poder no país.
A literatura de viaxes monopoliza a literatura do 20 ao 27 de xuño
Culleredo: III Encontro de pintura e poesía
Baixa aquí o programa en PDF.
Conferencia de Alberto Manguel Manguel no III Encontro Cidade da Coruña
Organizado conxuntamente pola Asociación de Escritores en Lingua Galega e a Concellaría de Cultura do Concello da Coruña, mañá martes día 11 do mes que andamos, ás 20,00 horas, terá lugar na sede da Real Academia Galega (Rúa Tabernas 11, A Coruña) a cuarta conferencia inscrita no III Encontro Cidade da Coruña, nesta ocasión a cargo do escritor, tradutor e editor arxentino Alberto Manguel, baixo título “O camiño da lectura”. O escritor arxentino será presentado por Manuel Rivas.
O III Encontro Cidade da Coruña, baixo lema “Literatura e viaxe”, contou xa coa presenza do poeta arxentino Juan Gelman, do escritor galego Miguel Anxo Murado, da escritora portuguesa Hélia Correia (5 de maio) e pechará o vindeiro 19 de maio coa intervención do escritor galego Xavier P. Docampo.
Alberto Manguel
Nado en Buenos Aires en 1948, viviu en Italia, Reino Unido, Tahití e Canadá. Na actualidade reside en Francia. Ten cultivado o mundo das letras practicamente en todas as súas facetas –o ensaio, a novela, a crítica literaria, a antoloxía, a tradución e a edición-, acadando unha moi notable reputación internacional.
Manguel ten reflexionado por escrito sobre a importancia do lector e o seu propio acto de ler, desde a perspectiva de este se converter en destino e orixe de toda creación literaria, ao tempo que acredita en que ler non será só no futuro un acto de rebeldía, senón un acto de supervivencia.
Entre os títulos destacados da súa obra, poderiamos citar: Una historia de la lectura, En el bosque del espejo, Noticias del extranjero, Leer imágenes, Diario de lecturas, Con Borges e Guía de lugares imaginarios.
