O
venres 5 de xuño, ás 20:00 horas, na Libraría Couceiro de Santiago de Compostela (Praza de Cervantes, 6), preséntase o libro Entrar na casa, de Eduardo Estévez (poemas) e Ignacio Castro, “Nachok” (fotografías), publicado por Estaleiro. No acto, xunto aos autores, participa Alba Viñas.
Arquivo da categoría: Fotografía
Ourense: actos destacados do xoves 4 na Feira do Libro
O
xoves 4 de xuño continúa a Feira do Libro de Ourense (na Rúa do Paseo), organizada pola Federación de Librarías de Galicia, con horarios de 11:00 a 14:00 h. e de 18:00 a 22:00 h., cos seguintes actos literarios destacados para ese día:
– 19:30 h. Alfonso Vázquez Monxardín, Patricia Chachero e outros autores presentan Ramón Otero Pedrayo. Unha fotobiografía, da Fundación Otero Pedrayo. Participa Víctor Fernández Freixanes.
– 20:30 h. Ramón Caride presenta O frío azul, da colección Alcaián, de Urco Editora.
A Coruña: Converxencias, recital con poesía, música e fotografía
O
sábado 9 de maio, ás 12:00 horas, en Maquinaria Pesada (Avenida Linares Rivas, 45, locais 24-25), na Coruña, terá lugar o espectáculo Converxencias, recital con poesía e música a cargo de In nave civitas, acompañado polas fotografías de José R. Montero.
A Coruña: inauguración da exposición Labirinto Líthico, con poemas de Francisco X. Fernández Naval e fotografías de Gustavo García Roig
Galería de fotos do Paseo pola Coruña Literaria do 25 de abril, sobre Luísa Villalta, con María Casar
Deixamos aquí parte das fotos do Paseo pola Coruña Literaria sobre Luísa Villalta, da man de María Casar, que tivo lugar o pasado 25 de abril. A Galería de Fotos completa pódese ver aquí.
Crónica fotográfica do 2015, ano Lois Pereiro, que tivo lugar o sábado 11 de abril en Monforte
Estas son algunhas das fotografías do acto 2015, ano Lois Pereiro, que tivo lugar o sábado 11 de abril en Monforte. Pódese ver a galería completa aquí.
Ourense: mesa redonda sobre Carlos Casares e a fotografía
O
xoves 9 de abril, ás 20:00 horas, na Sala de Tertulia de Liceo de Ourense, terá lugar unha mesa redonda sobre Carlos Casares e a fotografía, onde participan Vítor Vaqueiro e Luís González Tosar, coa moderación de Gustavo Adolfo Garrido.
Galería de fotos do Paseo pola Coruña Literaria do 14 de marzo, con Manuel Rivas
Deixamos aquí parte das fotos do Paseo pola Coruña Literaria da man de Manuel Rivas, que tivo lugar o pasado 14 de marzo. A Galería de Fotos completa pódese ver aquí.
Ourense: presentación de Muller de papel, de Rochi Nóvoa
O
mércores 11 de marzo, ás 20:30 horas, no Café Cultural Auriense (Praza do Correxedor, 11, baixo) de Ourense, preséntase o libro Muller de papel, de Rochi Nóvoa. No acto presentarase tamén a exposición que acompaña a obra de Chus Láuzara, e os fotógrafos Pepe Escano, José Ramón Araújo e Roberto García Sanchez. Estarán presentes tamén en directo os músicos: Dani Soldevilla, Nacho Martínez, Servando Barreiro, Castor Pérez, e Antonio Iglesias Fernández acompañando ademais ao recital.
Compostela: presentación de Català-Roca en Compostela 1956-1965
