O martes 25 de maio ás 19:00 horas terá lugar a presentación do libro de Ricardo Gurriarán Inmunda escoria. A universidade franquista e as mobilizacións estudantís en Compostela. 1939-1968, no Centro Social Caixanova da Coruña (Rúa Rego de Auga). O acto, organizado pola Unión Comarcal de CC.OO da Coruña, a Fundación 10 de marzo e Xerais, coa colaboración da Asociación Cultural Namentras, contará coa participación de Pancho Fontenla, Anxo Guerreiro, Víctor Santidrián, Manuel Bragado e o autor.
Arquivo da categoría: Historia
Ourense: III Jornadas de História da Galiza
«De 15 a 24 de abril decorrerám na cidade de ourense as III Jornadas de História da Galiza. O prazo de inscriçom começou no passado dia 3 e encerrá a dia 14. O preço é de 30 euros para o público geral, e 15 € para desempregados/as, sócias/os da AGAL e das outras entidades organizadoras.
O evento está orgnanizado pola Associaçom Galega da Língua, A Esmorga, a Associação Sócio-Pedagógica Galaico-Portuguesa e o Instituto Galego de Estudos Celtas com a colaboraçom do departamento de Cultura da Câmara de Ourense e da Universidade de Vigo.
As Jornadas som computáveis por 19 horas com um diploma da Universidade de Vigo, válido para todo tipo de concursos -excepto sexénios-, e será entregue na última palestra. Ainda, na seqüência do evento haverá actividades lúdicas até 8 de maio.» (Portal Galego da Língua)
A Coruña: presentación dun libro de Victorino Pérez Prieto
O libro de Victorino Pérez Prieto Prisciliano na cultura galega. Un símbolo necesario preséntase mañá mércores 17 de marzo na Biblioteca de Estudos Locais ás 20 horas, con entrada libre. No acto participarán a Concelleira de Cultura, María Xosé Bravo; o director xeral da Editorial Galaxia, Víctor F. Freixanes; a catedrática da Universidade da Coruña e autora do prólogo, Pilar García Negro, e o propio autor do libro, Victorino Pérez Prieto.
A Coruña: conferencia de Justo Beramendi
O vindeiro martes 9 de marzo, o historiador Justo Beramendi González falará sobre O nacionalismo galego nos finais do franquismo dentro do ciclo Economia, História e C.C. Sociais organizado pola Agrupaçom O Facho. Será ás oito do serán na aula de cultura Caixa Galicia (Médico Rodríguez nº 2, esquina Juan Flórez) na Coruña.
A Coruña: presentación de Moncho Reboiras e o nacionalismo dos anos 70
Mañá mércores 3 de marzo preséntase o libro Moncho Reboiras e o nacionalismo dos anos 70, editado pola Fundación Bautista Álvarez de Estudos Nacionalistas. O acto terá lugar ás 8 da tarde na Casa Museo Casares Quiroga (rúa Panadeiras 12), e contará coa presenza de Lois Diéguez Vázquez, director de Programación de Cursos e Publicacións da Fundación Bautista Álvarez; e Francisco Rodríguez Sánchez, doutor en Filoloxía Románica e autor dunha ampla obra investigadora e de ensaio en temas culturais e políticos.
A Coruña: Lourenzo Fernández Prieto presenta o seu novo libro
O próximo mércores 20 de xaneiro ás oito do serán preséntase na sala de prensa da Fundación Caixa Galicia (Cantón Grande, 21-24) o libro Facendo Historia con memoria de Lourenzo Fernández Prieto. No acto intervirán Ernesto Sánchez Pombo –xornalista–, Manolo Martínez Barreiro –analista político e autor do limiar–, X. Amancio Liñares Giraut –director editorial de 3C3– e o propio autor.
A Coruña: estrea do documental Memorias rotas. A balada do Comandante Moreno
Hoxe xoves 7 de xaneiro ás 20 horas estréase no Teatro Rosalía de Castro da Coruña o documental Memorias rotas (A balada do Comandante Moreno), dirixido por Manane Rodríguez e producido por Xamalú Filmes. A entrada é libre e gratuíta.
Memorias rotas está centrada na historia de José Moreno Torres, comandante do Batallón Galicia. A primeira parte do documental trata da súa militancia na Coruña e do seu papel como organizador da resistencia ao golpe de estado. Desde o balcón do Rosalía, o 18 de xullo de 1936, Moreno chamou aos cidadáns da Coruña a resistir contra os golpistas. Podedes descargar o flyer do documental picando nesta ligazón.
Lugo: presentación das Cartas de republicanos… de Xesús Alonso Montero
O libro Cartas de republicanos galegos condenados a morte (1936-1948) de Xesús Alonso Montero será presentado en Lugo o vindeiro venres 4 de decembro nun acto que contará coa participación do autor acompañado polo editor Manuel Bragado. Será a partir das 20,00 horas na Galería Sargadelos (Praza de Santo Domingo, 4) de Lugo.
Ferrol: Xosé Ramón Barreiro presenta o seu novo libro
Hoxe luns 30 de Novembro ás 20.00 na Galería Sargadelos de Ferrol preséntase o libro Historia social da guerra da independencia en Galicia, de Xosé R. Barreiro Fernández. Acompañará ao autor o director de Xerais, Manuel Bragado.
Santiago: Xosé R. Barreiro presenta o seu novo libro
O ensaio Historia social da Guerra da Independencia en Galicia de Xosé R. Barreiro Fernández será presentado o vindeiro mércores, 25 de novembro, ás 20,00 horas, na Galería Sargadelos (rúa Nova, 16) de Santiago de Compostela. O acto contará coa participación de D. Xosé Manuel Beiras Torrado, catedrático de Estrutura Económica da Universidade de Santiago de Compostela, D. Xusto Beramendi González, catedrático de Historia Contemporánea da Universidade de Santiago de Compostela, D. Manuel Bragado, director de Xerais e do Excmo. Sr. D. Xosé R. Barreiro Fernández.
