Arquivo da categoría: Homenaxes

A Estrada: acto de homenaxe e recordo a Xoseme (Xosé Manuel Mosquera Carbón)

Publicado o por

O domingo 10 de outubro celebrarase un acto de homenaxe e recordo a Xoseme (Xosé Manuel Mosquera Carbón), poeta da Estrada nacido en 1960 e morto en 1982, autor do poemario Dame a túa man, na editorial A Fouce. O programa está formado por:
18:00 h. Cemiterio de Moreira (A Estrada). Ofrenda floral e recordo. Intervención poética e execución musical a cargo do gaiteiro Xián Herrera.
19:30 h. Sala Caixanova (A Estrada):
– Saúdo, benvida e agredecemento por parte da Presidenta da AC Vagalumes Clara Iglesias.
– Proxeccíón de DVD sobre Xoseme.
– Recitado de poemas alumnos do IES nº1 da Estrada.
– Intervención de: Paulo Porta, Xoán Herrera, Amancio Liñares, Xosé Manuel Malheiro, Olimpio Arca.
– Testemuñas de amizade (compañeir@s de Xoseme).
– Intervención musical do grupo Penadona (ao que pertenceu Xoseme).
– Intervención de familiares de Xoseme.
– Intervención da Vpte da Asociación de Escritores en Lingua Galega, Antía Otero.

Organizado pola Asociación Cultural Vagalumes, da Estrada.

A Coruña: recital poético-musical na entrega dos premios do I Certame de Curtas para Rosalía

Publicado o por

O luns2010 09 convite rosalia 20 de setembro, a partir das 20:30 h., no Teatro Rosalía de Castro da Coruña, celébrase a entrega de premios do I Certame de Curtas para Rosalía de Castro, organizada pola Asociación Socio-Pedagóxica Galega. No acto haberá un recital poético-musical en homenaxe á poeta coa participación de Anxo Angueira, Abe Rábade e Guadi Galego.

A Coruña: homenaxe a Manuel María en Monte Alto

Publicado o por

Dentro das Festas do barrio de Monte Alto, organizadas pola Asociación de Veciños, onde viviu os seus últimos anos na Coruña Manuel María, este sábado 11 a partir das 12:00 h. celébrase unha homenaxe popular ao poeta, que inclúe o descubrimento dunha placa conmemorativa e un recitado de poemas ao pé da casa onde estivo vivindo (na rúa Javier Fonte, 1).

Rábade e Outeiro de Rei: actos de homenaxe a Manuel María

Publicado o por

Baixo o título Memoria da chaira enteira, a Irmandade Manuel María celebrará o vindeiro 8 de setembro en Penas de Rodas -cerca de Rábade- a homenaxe ao poeta chairego, falecido no 2004. A homenaxe, que comeza 17:00 h., coincide coa axilización dos trámites para constituír a Fundación Manuel María, que terá a súa sede na Terra Chá, na mesma casa onde nacera no 1929. A deputación de Lugo e concellos como o de Monforte, onde pasou parte da súa vida, están directamente involucrados neste proxecto, presentado xa en distintas cidades de Galicia pola súa viúva, Saleta Goi. En Penas de Rodas, distintos poetas recitarán versos de Manuel María como limiar da ofrenda floral, ás 18:00, no cemiterio de Outeiro de Rei, onde está enterrado. Alí, ademais dunhas palabras de lembranza que pronunciará Valentín Arias, haberá tamén unha lectura de textos.
Posteriormente, ás 19:00, na Carballeira de Santa Isabel, realizarase un ritual no que unha personalidade vinculada ao autor de Muiñeiro de brétemas recibe a Navalla de Manuel, coa que cortará o queixo e o pan que comerán os asistentes, este ano acompañados por viño da Ribeira Sacra. A primeira persoa en recibir a ración é, sempre, Saleta Goi. Noutras ocasións, a navalla recaeu, entre outros, en Alfonso Blanco Torrado, Xulio Xiz, Camilo Torres ou Darío Xohán Cabana. Neste último acto, que se celebra nas proximidades da casa natal, participarán Mini e Mero, Miro Casabella e Tino Baz.

A Coruña: Lúas de outono. Homenaxe a Manuel María

Publicado o por

O martescartaz manuel maria 7 de setembro no Teatro Rosalía de Castro da Coruña, a partir das 20:30 h., celébrase unha cálida homenaxe á figura de Manuel María, LÚAS DE OUTONO, que quere ser a rememoración dunha vida e dunha obra e a reivindicación da súa vixencia, comemorando o sexto aniversario do pasamento do poeta. Nesta gala de homenaxe Uxía cantará poemas do autor chairego, acompañando un recital no que participan Pilar Pallarés, Luz Pozo Garza, Cesáreo Sánchez Iglesias e Miguel Anxo Fernán Vello. O acto está organizado pola Fundación Manuel María e a Concellaría de Cultura do Concello da Coruña.

Homenaxe a Francisco Fernández del Riego no seu domicilio

Publicado o por

Amigos e responsables da Fundación Penzol e de Galaxia, acompañados do Presidente da Real Academia Galega, homenaxearon o pasado venres 23 de xullo a Francisco Fernández del Riego, visitándoo na súa casa para, nun acto sinxelo pero pleno de emotividade, entregarlle unha placa pero, sobre todo, para entregarlle o agarimo, as apertas de todo un país e, moi en especial, para facerlle saber do profundo agradecemento que todos sentimos pola súa vida, exemplar, ao servizo do noso país e da nosa cultura. Durante todo o acto, o presidente da Real Academia Galega, Xosé Luís Méndez Ferrín, mantívose ao carón de don Paco, nunha xornada que o protagonista definiu como “inesquencible” e como “un agasallo”. Nun discurso pleno de emoción explicou como durante estes anos xa fora receptor de moitas homenaxes, pero que aquela, dos seus amigos, era sen dúbida a máis importante e a que máis dentro lle chegara. Máis información aquí.

Santiago: actividades da Fundación Uxío Novoneyra e Rei Zentolo no Festigal

Publicado o por

A Fundación Uxío Novoneyra e Rei Zentolo, da cal a marca galega é patrona, únense para festexar o día da Patria Galega durante toda a fin de semana. Instalarán un stand na zona de Feira do Festigal 2010 no que se pasarán diferentes documentais e documentos sonoros e audiovisuais de Uxío Novoneyra, presentarase a fundación recén nada e o seu proxecto de desenvolvemento, e venderanse packs de camisolas de Novoneyra, da súa camisola de homenaxe de Rei Zentolo, xunto a libros do poeta. A Fundación Novoneyra distribuirá as diferentes obras do poeta, ademais de expor e vender a carpeta de “HOMENAXE A UXÍO NOVONEYRA” co gallo das letras galegas deste ano 2010 e unha serie de reproducións de gravados do propio autor courelao, faceta súa, ate hoxe, case inédita. Todos os beneficios das vendas das súas obras (cedidas polas diferentes editoriais: Galaxia, Espiral Maior, Toxosoutos, Alvarellos, …) doaranse á Fundación.