As 
rulas de Bakunin, novela de Antón Riveiro Coello publicada en Galaxia, e xa traducida para o portugués, o castelán e o italiano, foi seleccionada para o Panel Outono/Inverno 2010 do proxecto de Venda de Dereitos no Reino Unido do New Spanish Books, proxecto promovido polo ICEX (Instituto Español de Comercio Exterior) para fomentar a tradución da literatura publicada en España no Reino Unido. Dos 228 títulos propostos polas editoras para esta edición do panel, 11 obras foron as escollidas por un comité independente de expertos polo seu interese e atractivo para seren traducidas no Reino Unido. O Panel poderá ser consultado neste enlace.
Arquivo da categoría: Internacional
Marilar Aleixandre nomeada para o Comité Executivo do IBBY
A Asemblea Xeral do 
32 Congreso Internacional do IBBY en Compostela non podía rematar cunha nova mellor: acordou nomear a escritora Marilar Aleixandre como membro do Comité Executivo desta organización internacional. Grazas a este nomeamento a lingua, a literatura e a cultura galega medrarán en visibilidade a nivel internacional. As actuacións e programas de IBBY son definidas polo Comité Executivo, composto por dez persoas de distintos países e elexidas bianualmente polas seccións nacionais na Asamblea Xeral. Nesta asamblea tamén se destacou o grande éxito deste congreso felicitando a GALIX, sección en Galicia de OEPLI, pola boa organización do mesmo. Por outra banda, nomeouse na mesma asamblea a editora española María Jesús Gil como nova presidenta do xurado dos premios Hans Christian Andersen.
As Médulas preseleccionada para traducila ao alemán
A obra As Médulas, de Silvia Bardelás, chama a atención dos expertos alemáns
(Xornal)
Visita dos gañadores do premio literario Urruzuno ao Roteiro Fiz Vergara Vilariño
O luns
6 de setembro visitarán o roteiro literario-artístico pola Lóuzara de Fiz Vergara Vilariño os gañadores da última edición do prestixioso premio literario vasco URRUZUNO, convocado polo goberno vasco entre os alumnos de secundaria para coidar a calidade da lingua e a literatura en euskera. Virán acompañados do escritor e bertsolari Xabier Paya e percorreran as terras do Fiz na procura de comprender o seu universo literario desde o espazo físico que o acompañou durante a maior parte da súa vida. E poderán descubrir as interpretacións que dos lugares e dos poemas do Fiz realizaron os trece artistas plásticos que instalaron as súas obras nese museo ao ar libre no que se converteu Lóuzara.
Manuel Rivas e Quico Cadaval na Feira Internacional de Literatura de Bos Aires
Manuel Rivas 
e o actor e director teatral Quico Cadaval serán os grandes representantes galegos na segunda edición do Festival Internacional de Literatura de Bos Aires, que reúne até o próximo domingo na capital arxentina destacados autores chegados de todo o mundo.
Quico Cadaval será o primeiro deles en intervir o sábado coa súa actuación Fantasmas Familiares. Con este espectáculo, Cadaval levará até as rúas de Bos Aires unha peza oral artellada ao redor dos relatos populares sobre fantasmas. O actor e director teatral afonda na épica que procede da tradición tabernaria. O resultado que amosa o actor en Fantasmas familiares é un tecido narrativo onde se dan a man a cultural popular, os contos tradicionais e o singular sentido do humor e da narrativa de Cadaval. Na súa intervención aparecerán personaxes tan diversos como son os mariñeiros vingativos, os raptores de menores, os mecánicos supersticiosos ou os cándidos borrachos.
Pola súa banda, Manuel Rivas participará nunha mesa redonda con outros autores para disertar sobre a importancia da trama no argumento das obras literarias. Baixo o título La trama es lo que cuenta, Rivas amosará o seu punto de vista de como se planifica a arquitectura dunha obra literaria.
Desde o Xornal de Galicia.
Carlos Quiroga entre clássicos universais
‘A obra
narrativa Inxalá, de Carlos Quiroga, foi, por primeira vez, distribuída maciçamente entre público português, ao formar parte da ‘Biblioteca de Verão’ de Diário de Notícias e Jornal de Notícias. A tiragem do livro poderia ter atingido entre cem e cento vinte mil leitores no 27 de Julho passado. Inxalá apareceu na coleçom de clássicos universais em que foram integrados autores como Lewis Carroll, Oscar Wilde, Victor Hugo, Joseph Conrad, Henry James, Bram Stoker, Poe, Eça, Herculano, Tolstoi, Dostoievsky ou Borges, entre outros.’ Máis información no Portal Galego da Língua).
Barcelos (Portugal): tertulia sobre Letras da Galiza na Feira do Livro
O luns 12 de xullo ás 21:30 h. (hora local), no marco da Feira do Livro de Barcelos (Avenida da Liberdade), desenvolverase unha tertulia sobre Letras da Galiza, onde participarán Francisco Castro, Marta Dacosta, Antía Otero, Xavier Queipo e Carlos Quiroga. O moderador será Vergílio Alberto Vieira.
Éxito da tradución de Made in Galiza, de Séchu Sende, no Curdistán
A Coruña: homenaxe internacional da cineasta Isabel Coixet a John Berger
É unha exposición e unha homenaxe internacional da cineasta Isabel Coixet a John Berger. A partir do libro de John Berger From A to X, no que unha muller escribe cartas ao seu marido preso, Isabel Coixet crea unha instalación coa colaboración da arquitecta Benedetta Tagliabue e a complicidade dalgunhas das actrices máis importantes do cinema actual. A instalación mergúllanos nunha atmosfera envolvente onde a luz e o son lévannos sucesivamente polas distintas cartas do libro, que son lidas por prestixiosas actrices e artistas, como Monica Bellucci, Sophie Cale, Patricia Clarkson, Penélope Cruz, Julie Delpy, Isabelle Huppert, Maria de Medeiros, Sarah Polley, Tacha Swinton e Leonor Watling. Paralelamente poderán verse os retratos fotográficos que Isabel Coixet fixo durante a gravación das lecturas e unha entrevista filmada por ela a John Berger.
A inauguración ás 20:00 do 10 de xuño no antigo Cárcere Provincial. Até o 11 de xullo.
