O 
xoves 31 de maio, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o libro As rapazas de Xan, de Manuel Iglesias Turnes, publicado en Xerais. No acto, xunto ao autor, participan Pablo Vaamonde García, Suso de Toro, Che Turnes e Manuel Bragado.
Arquivo da categoría: Narrativa
Pedro Feijoo: “A finalidade desta novela é abrirnos de novo á nosa propia historia”
Entrevista
a Pedro Feijoo en Tempo de Lecer Ourense:
“Pedro Feijóo (Vigo, 1975) foi baixista dos grupos Los Feliz e Lamatumbá e o seu primeiro contacto co mundo da literatura foi no ano 1997, aínda que daquela dáballe ao ensaio. Agora, o músico e escritor vén de publicar a súa primeira novela, unha obra titulada Os fillos do mar e que está a ter unha moi boa aceptación entre o público. Falamos con Pedro Feijóo sobre este libro e sobre o seu protagonista, un arquitecto chamado Simón Varela ao que o seu autor define como “un personaxe entrañable, un valente despistado, un amante abandonado, unha persoa normal e corrente á que de verdade me gustaría atopar pola rúa para darlle a aperta que se merece”. Falamos tamén con el da trama e do lugar no que esta se desenvolve, Vigo, “unha cidade chea de historias por contar”. (…)”
A Coruña: presentación de Chamádeme Simbad, de Francisco Castro
O 
martes 29 de maio, ás 18:00 horas, na Biblioteca Ágora da Coruña (Rúa Ágora, s/n.), preséntase o libro Chamádeme Simbad, de Francisco Castro, publicado en Galaxia. No acto estará acompañado por Eva Vieites e Xavier Campos.
Muxía: presentación de A narrativa mariña de Gonzalo López Abente
O
sábado 26 de maio, ás 19:30 horas, na Biblioteca Municipal de Muxía, preséntase o libro A narrativa mariña de Gonzalo López Abente, publicado en Xerais con edición de Xesús Sambade. No acto participan, xunto ao editor, Félix Porto, Manuel Bragado e Ramón Nicolás.
Allariz: presentación de O sabre do francés, de Miguel Anxo Fernández
O 
venres 25 de maio, ás 20:30 horas, na Fundación Vicente Risco (Rúa San Lourenzo, 3) de Allariz, Miguel Anxo Fernández presenta a nova edición de O sabre do francés, con dous relatos novos, publicada en Galaxia.
A Pobra do Caramiñal: presentación de Dark Butterfly, de Rexina Vega
O 
venres 25 de maio, ás 20:30 horas, na Tenda Escola Deán (Rúa Rafael Calleja, 11-13), a Asociación Cultural Barbantia, La Voz de Galicia, Edicións Xerais de Galicia e a Libraría LER da Pobra do Caramiñal presentan o número 75 do suplemento cultural A Voz de Barbantia, así como á presentación do libro Dark Butterfly, de Rexina Vega. No acto, xunto á autora, participan Manuel Bragado, Agustín Agra e Amparo Cerecedo.
Santiago: coloquio sobre A vida fóra, con Miguel Sande
O 
martes 22 de maio, ás 20:00 horas, na Libraría Lila de Lilith (Rúa da Travesa, 7) de Santiago de Compostela, Miguel Sande falará sobre a súa novela A vida fóra, publicada en Galaxia, cos membros do clube de lectura Implicados.
Moraña: conferencia de Xosé Monteagudo
O 
martes 22 de maio, ás 16:00 horas, no CPI Santa Lucía de Moraña, Xosé Monteagudo compartirá unha charla-coloquio co alumnado de terceiro e cuarto de educación secundaria arredor da súa obra Un tipo listo, publicada en Galaxia.
Pedro Feijoo, cun «Quixote» no peto e Woody Allen na retina, entrevista de Ramón Nicolás
Entrevista 
de Ramón Nicolás a Pedro Feijoo, no seu blogue Caderno da crítica:
“Feijoo destapouse como un narrador excelente. A súa novela Os fillos do mar, editada en Xerais, converteuse nun dos libros máis destacados da tempada. Pedro Feijoo (Vigo, 1975) posúe unha formación filolóxica, pero exerceu profesionalmente como músico no grupo «Lamatumbá» durante algúns anos. Publicou un ensaio titulado Cousas do <<Galicia>>, por Castelao (1997) e Viva ou Fu Remol! (2005). Na actualidade traballa nun estudio musical e compaxina este labor coa creación literaria. Nesta, que é a súa primeira novela, presenta unha trepidante trama que nos fai viaxar dende os tesouros dos Galeóns de Rande ata a actualidade. (…)”
Lugo: actos destacados do venres 18 e sábado 19 na Feira do Libro
Continúa 
a Feira do Libro de Lugo (na Praza Maior) con horarios de 12:00 a 14:00 h. e de 17:30 a 21:00 h. As actividades máis destacadas do venres 18 e sábado 19 son as seguintes:
* Venres 18:
– 20:00 h. Presentación do libro Hotel Cidade Sur, de Xerardo Quintiá, publicado por Galaxia.
* Sábado 19:
– 20:00 h. Charla coloquio Segredos da novela histórica, coa participación de Xosé Miranda e Fran Zabaleta.
