O 
sábado 13 de novembro, a partir das 22:30 h., no Café Uf Negra Sombra (Rúa Pracer, 19) de Vigo, preséntase o libro Penúltimo acto. No acto participará Antonio Alonso Fontán (poeta de Meder).
Arquivo da categoría: Poesía
Convocado o III Premio de Poesía María Mariño
A Asociación Teenses pola Igualdade (Teo, A Coruña), convoca o III Premio de Poesía María Mariño, coas seguintes
BASES:
1. Poderán participar todas as persoas maiores de idade que o desexen calquera que sexa asúa nacionalidades sempre que o seu traballo sexa escrito en galego.
2. Os poemas que se presenten deberán ser orixinais, inéditos e non presentados noutros concursos, sendo libres o tema e maila forma.
3. III Premio María Mariño de Poesía estará dotado cun: Primeiro Premio de 500 € e un Segundo Premio de 300 €.
4. Cada concursante participará cun só poema, que non deberá exceder os CEN versos mecanografados a dobre espazo en formato DIN-A4, por una soa cara e por quintuplicado.
5. Os poemas deberánse presentar baixo lema, indicando no sobre: “PARA O III PREMIO DE POESÍA MARÍA MARIÑO”. No interior do sobre que conteña o traballo, achegarase en sobre aparte, pechado e lacrado cos seguintes datos: nome, apelidos, DNI ou pasaporte, enderezo e teléfono, da persoa autora do traballo así como un resumo dos seus datos biográficos que non deberá exceder as quince liñas.
6. O Xurado cualificador estará integrado por cinco personalidades das letras e da cultura galegas actuando coma secretari@ con voz e sen voto una persoa, elixida pola directiva da asociación.
7. O fallo do Xurado será inapelable, a súa composición así como o nome dos galardoados darase a coñecer a través dos medios de comunicación. Os galardoados recibirán comunicación directa por parte da organización.
8. A entrega dos Premios terá lugar nun acto poético en día a sinalar dentro da Semana das Letras Galegas 2011.
9. O prazo para a entrega dos traballos é improrrogable, rematando ás 12 horas do 16 de Abril do 2011.
10. Os poemas remitiránse a:
ASOCIACIÓN TEENSES POLA IGUALDADE
ESCOLA DE VILANOVA, 1º ANDAR. RECESENDE.
15895- TEO- A CORUÑA
11. Os traballos gañadores quedarán en poder da Asociación Teenses pola Igualdade que se reserva os dereitos sobre os mesmos.
12. Os traballos presentados non premiados deberán ser retirados polos autores previa identificación, no prazo de dous meses, dende a entrega do Premio. Transcorrido dito prazo procederáse a súa destrucción.
13. A participación neste concurso implica a total aceptación das presentes Bases. Tódalas incidencias non previstas nas mesmas serán resoltas pola Directiva ou polo Xurado cando éste quede constituído.
Teo, a 8 de Novembro do 2010.
A Directiva.
A Coruña: recitais do ciclo Poetas di(n)versos
O 
ciclo Poetas Di(n)versos, dirixido por Yolanda Castaño, do último trimestre do ano comezará o vindeiro luns 20 de decembro coa participación de Andrés Neuman e Olga Novo, retomando as actividades coas que arrancara o ano pasado, e que contaron cun gran éxito de público. O obxectivo desta iniciativa céntrase en achegar a poesía ao público en xeral amosando outra forma de disfrutar a poesía dun xeito case escénico a través do que se busca animar a todo o mundo a achegarse a ela. O recital previsto para o domingo 14 de novembro con Gioconda Belli e Claudio Rodríguez Fer cancélase tras comunicar a poeta nicaraguana a anulación da súa visita á Coruña por motivos persoais.
As datas e autores previstos son:
– 20 de decembro:
– Andrés Neuman. O último Premio Alfaguara de Novela foi e será sempre, ademais, un lúcido poeta que se prodiga en múltiples formas dende o haiku ata o aforismo. Este arxentino-granadino, tamén autor de contos e microensaios, xa foi sinalado como un dos nomes clave da literatura do s. XXI por mestres como Bolaño.
– Olga Novo. Autora de culto das últimas xeracións galegas e unha das poéticas máis desacougantes do panorama contemporáneo, o seu traballo como profesora na Universidade da Bretaña Sur fainos escasas as ocasións de escoitar a forza vivencial e o erotismo.
– 17 de xaneiro:
– Rosa Alice Branco. Unha das poetas portuguesas máis importantes de hoxe, a súa obra ten participado en multitude de antoloxías e festivais poéticos de todo o mundo. Profesora de Estética e Teoría da percepción, a súa radical sensibilidade ponse de manifesto nos seus 8 poemarios entre os que consta o Premio Espiral Maior do pasado ano.
– Xavier Seoane. Nado e residente na nosa cidade, o dono dunha das poéticas máis rigorosas e fondas da Xeración dos 80 é tamén un fino e sagaz crítico literario e de arte. Profesor de Lingua e Literatura, ten tamén unha traxectoria como fndamentado xestor e dinamizador cultural.
A Coruña: presentación de Prenderei a lareira, de Vicente Reboleiro
O xoves 11 de novembro, a partir das 20:30 h., na Asociación Cultural Alexandre Bóveda (Rúa Olmos, 16-18, 1º) da Coruña, preséntase o libro de poemas Prenderei a lareira, publicado por Baía Edicións. No acto, acompañando ao autor, participa Xosé Ramón Freixeiro Mato.
Vilaboa, Culleredo: presentación de Do ventre da cóbrega, de Xavier Seoane
O 
mércores 10 de novembro, ás 20:00 h, na Biblioteca de Poesía Uxío Novoneyra, en Vila Melania (Vilaboa, Culleredo), no marco do III Outono das Letras organizado polo Concello de Culleredo, preséntase o libro Do ventre da cóbrega, de Xavier Seoane, publicado en Espiral Maior. No acto, acompañando ao autor, participan Celestino Poza e Miguel Anxo Fernán-Vello.
A Fundación Barrié e a Real Academia Galega publicarán 15 textos inéditos de Manuel Antonio
A Coruña: V Encontro de Escritores/as novos/as ante vellas preocupacións
O 
sábado 6 de novembro, no Palacio de Exposicións Kiosko Alfonso da Coruña, terá lugar o V Encontro de Escritores/as novos/as ante vellas preocupacións, organizado pola Asociación de Escritores en Lingua Galega, co patrocinio do Centro Español de Dereitos Reprográficos (CEDRO), a Deputación Provincial da Coruña e a Concellaría de Cultura da Coruña, co seguinte programa:
10:00 a 11:30 h.
Mesa redonda: Que ten a poesía que ninguén a le pero todos a precisamos.
Con Celso Fernández Sanmartín, Óliver Laxe e Álvaro Negro.
Coordinación de Antía Otero.
11:30-12:00 h.
Descanso.
12:00-14:00 h.
Mesa redonda: Pero tan importantes son os premios literarios?
Con Ledicia Costas, Olalla Cociña e Lucía Novas.
Coordinación de Francisco Castro.
Xantar.
17:00-18:30 h.
Mesa redonda: Recóllote i érgote no verbo inteiro. A literatura galega de hoxe ante o seu idioma.
Con María Lado, Olalla Tuñas e Xosé Daniel Costas.
Coordinación de Marta Dacosta.
19:00-20:00
Recital e clausura.
Toda a información está disponíbel neste enlace á páxina do V Encontro. O acceso será libre até completar capacidade. En sucesivos días iremos poñendo á disposición do público máis información sobre as intervencións preliminares dos/as escritores/as participantes.
A Coruña: recital poético no V Encontro de Escritores/as Novos/as ante vellas preguntas
Como colofón do V Encontro de Escritores/as novos/as ante vellas preocupacións, organizado pola Asociación de Escritores en Lingua Galega, co patrocinio do Centro Español de Dereitos Reprográficos (CEDRO), a Deputación Provincial da Coruña e a Concellaría de Cultura da Coruña, o sábado 6 ás 19:00 h. terá lugar un recital poético onde intervirán Arsenio Iglesias Pazos, Dores Tembrás, Gonzalo Hermo, Susana Sánchez Arins e David Rodríguez.
O Laxeiro fabulador
Londres: Yolanda Castaño participa no International Poetry
O
domingo 7 de novembro escoitarase poesía en galego en Londres na voz de Yolanda Castaño, quen recitará na capital británica no marco do Poetry International 2010. Será en St. Paul’s Pavilion – Royal Festival Hall, Southbank Center, e estará acompañada por Antonella Anedda, Emmanuel Moses e Haris Vlavianos.
