O 
martes 29 de marzo, ás 20:00 h., na Libraría Couceiro (Praza de Cervantes, 6) de Santiago, preséntase o libro de poesía as desfeitas do día, de Pedro P. Riobó, publicado en Edicións Morgante. No acto terá lugar un recital audiovisual realizado por Sara Riobó con pinturas de Nuria Pahino dunha duración aproximada de vinte minutos, no que intervirán, ademais do propio autor, Lucrecia Carril e Alberto Álvarez.
Arquivo da categoría: Presentacións de libros
Santiago: presentación de A nacionalización do pasado irlandés: 1845-1937, de Xavier R. Madriñán
O 
luns 28 de marzo, a partir das 20:00 h., na Libraría Couceiro (Praza de Cervantes, 6) de Santiago de Compostela, preséntase o libro A nacionalización do pasado irlandés: 1845-1937, de Xavier R. Madriñán, publicado pola Xunta de Galicia. O acto contará coa presenza de Ramón Villares, Ramón Maíz e o autor.
Lugo: presentación de En castellano no hay problema, de Carlos Callón
O 
luns 28 de marzo, ás 20:00 h., no Centro Social Municipal Uxío Novoneyra (Rúa Quiroga Ballesteros, 1 A) de Lugo, preséntase o libro En castellano no hay problema, de Carlos Callón, publicado en Xerais. O acto está coorganizado pola editorial e a Mesa pola Normalización Lingüística.
Ourense: presentación de Deus xogando aos dados, de Fernando Méndez
O 
mércores 23 de marzo, ás 20:15 h., no Auditorio Municipal de Ourense, terá lugar a presentación da novela gañadora do Premio Vicente Risco de Creación Literaria 2010, Deus xogando aos dados, do xornalista e escritor Fernando Méndez, publicada en Sotelo Blanco.
Pontevedra: presentación de As palabras que move o mar, de Xaime Toxo
O 
xoves 24 de marzo, ás 20:00 h., no Auditorio do Café Moderno (Centro de Maiores Novacaixagalicia) de Pontevedra, preséntase o libro de relatos As palabras que move o mar, de Xaime Toxo. O acto contará coa participación de Ramón Rozas (xornalsta e crítico de arte), Antón Sobral (artista plástico), Marta Quinta (intérprete de harpa celta e cantante) e o director de Xerais, Manuel Bragado.
A Coruña: presentación de Galeguismo e liberdade, de Carlos Vázquez Padín
O 
xoves 24 de marzo ás 20:00 h., na Librería Arenas (Cantón Pequeno, 25) da Coruña, preséntase o libro Galeguismo e liberdade. Propostas para o século XXI, de Carlos Vázquez Padín, publicado en 2.0 Editora. O acto contará coa presenza de Fernando del Río, Marcos Lema e o propio autor.
A Coruña: presentación de A poutada do Oso, de Lois Diéguez
O mércores 
23 de marzo, ás 20:00 h., na sede de Portas Ártabras (Rúa Sinagoga, 22, baixo) da Coruña, a Asociación de Amigos dos Museos de Galicia e Edicións Laiovento presentan a novela de Lois Diéguez A poutada do Oso. Esta actividade iniciarase coa proxección do dvd De Albre de espranza á Poutada do Oso. Deseguido intervirán: Felipe Castro (axente facultativo medioambiental), Francisco Pillado (director da editorial Laiovento), Felipe-Senén López (arqueólogo e museólogo), e o autor. Desde as 19:00 h., o autor asinará exemplares dos seus libros, na compaña de Felipe Senén.
Santiago: presentación de Loita de clases e represión franquista no mar (1864-1939), de Dionísio Pereira
O 
martes 22 de marzo, ás 20:00 h., na Libraría Couceiro (Praza de Cervantes) de Santiago de Compostela, preséntase o libro Loita de clases e represión franquista no mar (1864-1939), de Dionísio Pereira, publicado en Xerais. O acto contará coa participación de Lourenzo Fernández Prieto, Manuel Bragado e o autor.
Cedeira: presentación de En castellano no hay problema, de Carlos Callón
O venres 18 de marzo, ás 19:30 h., no Palacete Municipal de Cedeira (Avenida de Castelao, s/n.), preséntase o libro En castellano no hay problema, de Carlos Callón, publicado en Xerais. No acto, coorganizado pola editorial e a Mesa pola Normalización Lingüística, intervirá Fernando Iglesias, acompañando ao autor.
A Coruña: presentación de Ser auga, darse en auga de Bernardino Graña
O venres 
18 de marzo, no Centro Social Novacaixagalicia (Avenida da Mariña, esquina Rúa Fama) da Coruña, a partir das 20:30 h., preséntase o libro Ser auga, darse en auga, de Bernardino Graña, publicado na Colección Arte de Trobar do Centro PEN Galicia. No acto intervirán Miro Villar, Xavier Seoane, Estíbaliz Espinosa e o autor. Os asistentes recibirán un exemplar do libro, agasallo de Novacaixagalicia e o Centro PEN Galicia.
