A presentación de Pan e coitelo (Galaxia), de Bieito Iglesias, terá lugar o xoves 29 de maio ás 20:30 na Fundación Torrente Ballester (Rúa do Vilar, 7, Santiago). O acto contará coa presenza de Víctor Freixanes, Paulino Vázquez e o autor.
Arquivo da categoría: Presentacións de libros
Luis Rei Núñez na Biblioteca de Estudos Locais da Coruña
O mércores 28 de maio Luis Rei Núñez charlará cos participantes do obradoiro de escritura da Biblioteca Municipal de Estudos Locais e dos clubes de lectura das Bibliotecas Municipais da Coruña sobre a súa novela Urbano Lugrís e a negra sombra, Premio Nacional da Crítica en 2007.
Alberte Momán en Montealto
No Centro Social Gomes Gaioso de Montealto terá lugar a presentación d’ O alento da musa, de Alberte Momán.Será o venres, 30 de maio, ás 20:30 horas. O autor tamén lerá uns textos do seu último libro Ferrol e o que queda por chover.
Presentación libro Para dicir abril, de Xosé Vázquez Pintor
A presentación será ás 20:00 do xoves 22 de maio na Galería Sargadelos de Pontevedra, coa presenza de Mercedes Vázquez, da Asociación “Máis libros” Ánxela Gracián, de Sotelo Blanco Edicións e Xosé Vázquez Pintor.
Presentación en Ferrol do libro de Ceferino Díaz A esforzada conquista da autonomía. 1979-1981
O xoves 22 ás 20:00 a Galería Sargadelos Ferrol e a A. C. Fuco Buxán organizan a presentación do libro de Ceferino Díaz A esforzada conquista da autonomía. 1979-1981 (Galaxia). No acto intervirán o autor do libro, Ceferino Díaz, e Manuel Cendán. (Galería Sargadelos de Ferrol)
Presentación na Coruña do libro Historia da Asociación Cultural Alexandre Bóveda
O mércores 21 terá lugar a presentación do libro Historia da Asociación Cultural Alexandre Bóveda de Dna. Begoña Álvarez Bravo, acompañada polo presidente da Asociación, D. Roberto Catoira e do Vicepresidente da Deputación da Coruña, D. Pablo Villamar, ás 20:30, no local da asociación.
Preséntase na Coruña Corpo baleiro, de Berta Dávila
A Galería Sargadelos e Edicións Espiral Maior organizan a presentación do libro Corpo baleiro, de Berta Dávila. O acto, que contará coa participación de Miguel Anxo Fernán Vello, Xulio López Valcárcel e Berta Dávila, terá lugar o venres 9 de maio ás 20:00 na Galería Sargadelos da Coruña (Rúa Real, 56).
Presentación na Coruña do libro/cd/dvd Xosé María Álvarez Blázquez: entre o Miño e mar de Vigo, de Eloi Caldeiro
A Galería Sargadelos e Sons Galiza Comunicación organizan a presentación do libro/cd /dvd Xosé María Álvarez Blázquez: entre o Miño e mar de Vigo, de Eloi Caldeiro. O acto, que contará coa participación de Celso Álvarez Cáccamo, Miguel Mato e Eloi Caldeiro, terá lugar o xoves, 8 de maio, ás 20:00 na Galería Sargadelos (Rúa Real, 56) da Coruña.
Presentación do libro Safo: cantos e fragmentos
A presentación do libro Safo: cantos e fragmentos terá lugar o próximo día 8 de maio, ás 19:00 na biblioteca Anxel Casal de Santiago (Rúa Xoán XIII). Intervirán Francisco Macías, de Edicións Positivas, Mª Teresa Amado, profesora de Grego da USC e tradutora, Pilar Buela, escritora, e Raúl Gómez Pato, tradutor desta obra e escritor. Poranlle calor, arte e música ao acto Carmen Dor e Tino Baz.
Presentación en Marín da novela Unha falsa luz, de Xavier Alcalá
O venres 18 ás 20:00 no Museo Manuel Torres de Marín terá lugar a presentación da novela Unha falsa luz, de Xavier Alcalá, terceira parte da triloxía “Evanxélica memoria”. No acto acompañarán ao autor Esther Crespo Iglesias (Concelleira de Cultura de Marín), Xulio Torres (pastor evanxélico) e Marta Piñeiro (colaboradora do programa “Nacer de novo” da TVG).
