Manuel López Rodrígue gaña o XXXVI Premio de poesía Eusebio Lorenzo Baleirón

“O poeta Manuel López Rodríguez obtén coa súa obra As palabras do sur o XXXVI Premio de Poesía Eusebio Lorenzo Baleirón, convocado polo Concello de Dodro.
O xurado do certame decidiu, de forma unánime, concederlle o galardón ao traballo As palabras do sur pola consistencia do proxecto, tanto a nivel estrutural como polo que respecta a cada poema en particular, así como unha complexidade que dá pé a varios niveis de lectura.
Esta edición do premio estivo coordinado pola poeta Elvira Ribeiro e formaron parte do xurado as escritoras Chus Nogueira, Lorena Souto e Brenda Mondelo, xunto co alcalde e o concelleiro de Cultura de Dodro, Francisco Xabier Castro Tourís e Ramón Abuín Gómez.
O acto oficial de entrega do certame terá lugar o vindeiro, 9 de decembro, no CPI de Dodro. As palabras do sur de Manuel López Rodríguez será publicada no ano 2024, nunha editorial de recoñecido prestixio.”
A foto do autor é de Ogalego.gal, publicada na Wikipedia.

Compostela: Festival Alguén que respira 2023

Pontevedra: VII Xornada de Onomástica Galega, o 15 de outubro

Varsovia: XIII Congreso da Asociación Internacional de Estudos Galegos, do 21 ao 24 de setembro de 2022

A Coruña: Simposio Xela Arias

“Conversa sobre Xela Arias e a poesia galega”, na Universidade do Minho, online