A Coruña: presentación de Vivas en nós. Mulleres represaliadas polo franquismo na Coruña a raíz de 1936

O venres 29 de abril, ás 19:00 horas, no Kiosko Alfonso (Xardíns de Méndez Núñez) da Coruña, preséntase o libro Vivas en nós. Mulleres represaliadas polo franquismo na Coruña a raíz de 1936, coa participación dos seus autores Carmen Blanco e Claudio Rodríguez Fer, publicado pola Comisión pola Recuperación da Memoria Histórica da Coruña, editora do libro.

O Barco: presentación de Domingos de calcetíns brancos, de Manuel Pérez Rúa

O venres 29 de abril, ás 20:00 h., na Biblioteca Florencio Delgado Gurriarán (Rúa Academia Dequidt, 6) do Barco de Valdeorras, preséntase o libro Domingos de calcetíns brancos. Retrato do cambio social na xeración de 1950, de Manuel Pérez Rúa, publicado en Galaxia, que obtivera o Premio Ramón Piñeiro de Ensaio do 2009. No acto participan, co autor, Eduardo Ojea Arias e Gustavo Docampo Paradelo.

Santiago: presentación de A fecha azul do teixo, de Eva Veiga

O xoves 28 de abril, a partir das 19:30 h., na Fundación Eugenio Granell (Praza do Toural) de Santiago de Compostela preséntase o libro de poemas A frecha azul do teixo, de Eva Veiga, publicado en Espiral Maior. No acto intervirán, coa autora, Miguel Anxo Fernán-Vello e Teresa Seara, finalizando cunha actuación do Grupo Ouriol (Eva Veiga, Fito Ares e Bernardo Martínez).

As Pontes: presentación de En castellano no hay problema, de Carlos Callón

O xoves 28 de abril, ás 20:30 h., na Biblioteca Municipal das Pontes, preséntase o libro En castellano no hay problema, de Carlos Callón, publicado en Xerais. O acto está coorganizado pola editorial e a Mesa pola Normalización Lingüística.

Betanzos: presentación de Rosalía de Castro, estranxeira na súa patria, de Francisco Rodríguez

O xoves 28 de abril, ás 20:30 h., no Salón Azul do Edificio Liceo de Betanzos, a Asociación Socio-Pedagóxica Galega (AS-PG) e a A. C. Eira Vella presentan o libro Rosalía de Castro, estranxeira na súa patria (a persoa e a obra de onte a hoxe), de Francisco Rodríguez, editado pola propia AS-PG.

Baiona: presentación de As portas ausentes, de Caino Vasconcellos

O xoves 28 de abril, ás 20:30 horas, na Capitanía Marítima de Baiona (Rúa/ Elduayen, 20) terá lugar a presentación do libro de poemas do pintor baionés Caino Vasconcellos, As portas ausentes, publicado polo Instituto de Estudos Miñoranos. No acto intervirán, ademais do autor, o director do IEM, Carlos Méixome, e o mozo poeta Anxo Ratel ademais de varios veciños e veciñas de Baiona que recitaran textos do libro.

O Barco: presentación de Futuro imperfecto, de Xulia Alonso Díaz

O xoves 28 de abril, ás 20:00 h, na Biblioteca Florencio Delgado Gurriarán (Rúa Academia Dequidt, 6) do Barco de Valdeorras, preséntase o libro Futuro imperfecto, de Xulia Alonso Díaz, publicado en Galaxia. No acto a autora estará acompañada por Eduardo Ojea Arias e Arturo Ponte.

Vigo: presentación de Deus xogando aos dados, de Fernando Méndez

O xoves 28 de abril, ás 19:30 h., na Casa do Libro (Rúa Velázquez Moreno, 27) de Vigo, preséntase o libro Deus xogando aos dados, de Fernando Méndez, publicado en Sotelo Blanco, obra gañadora do Premio Vicente Risco de Creación Literaria 2010. No acto participa, acompañando ao autor, Ánxela Gracián.

Ourense: presentación de Rosalía de Castro, estranxeira na súa patria, de Francisco Rodríguez

O mércores 27 de abril, ás 20:30 h., no Café Cultural Auriense (Praza do Correxidor) de Ourense, a Asociación Socio-Pedagóxica Galega (AS-PG) e a A. C. Auriense presentan o libro Rosalía de Castro, estranxeira na súa patria (a persoa e a obra de onte a hoxe), de Francisco Rodríguez, editado pola propia AS-PG.

Santiago: presentación de Historia dun ermo asociativo, de Daniel Lanero Táboas

O mércores 27 de abril, ás 20:00 h., na Libraría Couceiro (Praza de Cervantes, 6) de Santiago de Compostela, preséntase o libro Historia dun ermo asociativo. Labregos, sindicatos verticais e políticas agrarias en Galicia baixo o franquismo, de Daniel Lanero Táboas, publicado en 3C3. No acto intervirán Ramón Villares, Lourenzo Fernández Prieto, Víctor Manuel Santidrián Arias, X. Amancio Liñares Giraut e o propio autor.