O 
venres 18 de febreiro, ás 20:30 h., no local comarcal do Bloque Nacionalista Galego (Rúa Mestres, 8, baixo) Ponteareas, preséntase o libro En castellano no hay problema, de Carlos Callón, publicado en Xerais. No acto participa, acompañando ao autor, Xosé Manuel Moo. Colabora a Mesa pola Normalización Lingüística.
Arquivo da categoría: Presentacións de libros
Viveiro: presentación de Cabalos do demo e outros invertebrados, de Isidro Novo
O 
xoves 17 de febreiro, ás 20:30 horas, no Local Social de Caixa Galicia (Rúa Pastor Díaz, 60) de Viveiro, preséntase o libro Cabalos do demo e outros invertebrados, de Isidro Novo, publicado pola Editorial Trifolium. No acto acompañarán ao autor Xoán Neira e Xan Arias.
Pontevedra: presentación do libro-obxecto Cántico dos topónimos esdrúxulos, de Xosé María Álvarez Cáccamo
O 
xoves 17 de febreiro, ás 20:00 h., no Auditorio da Fundación Caixa Galicia de Pontevedra, nun acto organizado polo Ateneo desta cidade, preséntase o libro-obxecto Cántico dos topónimos esdrúxulos, de Xosé María Álvarez Cáccamo. Acompañarán ao poeta o editor, Miguel Anxo Fernán-Vello, o arqueólogo Xosé Lois Vilar e o grupo musical Xardín desordenado, composto por Santiago Ferragud (voz, guitarra), Marlene Rodrigues (voz) e Isaac Garabatos (guitarra). Máis información en Galicia Hoxe.
Lugo: presentación de Lembranzas do Courel, de Jesús Alfonso Parada Jato
O 
martes 15 de febreiro, a partir das 20:00 h., na Libraría Trama (Avenida da Coruña, 21) de Lugo, preséntase o libro Lembranzas do Courel, de Jesús Alfonso Parada Jato, publicado en Toxosoutos.
Allariz: presentación de Abelcebú, de Carlos Negro
O 
venres 11 de febreiro, ás 20:00 h., na Libraría Aira das Letras de Allariz preséntase o libro Abelcebú, de Carlos Negro, publicado en Edicións Positivas. No acto, que definen como un aquelarre literario, participan, co autor, Paco Macías (editor) e o titiriteiro Iñaki de Lalín (esconxurador) “para tentar representar ao demo”, segundo comentan os seus participantes.
A Coruña: presentación do libro A frecha azul do teixo, de Eva Veiga
O venres 
11 de febreiro, a partir das 20:00 h., na sede de Portas Ártabras (Rúa Sinagoga, 22) da Coruña, e con entrada libre até completar capacidade, preséntase o libro de poemas A frecha azul do teixo, de Eva Veiga, publicado en Espiral Maior. No acto intervirán, coa autora, Teresa Seara, Francisco X. Fernández Naval, Miguel Anxo Fernán-Vello, e finalizará cunha actuación do Grupo Ouriol (Eva Veiga, Fito Ares e Bernardo Martínez).
Vigo: presentación de Fundación Libélula, de Yashmina Shawki
O 
venres 11 de febreiro a partir das 19:45 h., na Casa do Libro (Rúa Velázquez Moreno, 27) de Vigo, preséntase o libro Fundación Libélula, de Yashmina Shawki, publicado en Xerais. O acto contará coa participación de María Xosé Queizán, Manuel Bragado e a propia autora.
Santiago: presentación de Estremas, de Ana Romaní
O 
xoves 10 de febreiro, ás 20:00 h, na Libraría Couceiro (Praza de Cervantes, 6) de Santiago de Compostela, preséntase o novo poemario de Ana Romaní, Estremas, publicado en Galaxia. Xunto á autora participan Carlos Lema e María do Cebreiro.
A Coruña: presentación de Por um galego extenso e útil, con Carlos Garrido
A 
quinta-feira, xoves, 10 de febreiro, a partir das 21:00 h., no C. S. Gomes Gaioso (R. Marconi, 9, baixo) da Coruña, preséntase o libro Por um galego extenso e útil. Leituras da língua de aquém e de além, publicado por Através Editora. No acto participa un dos seus autores, Carlos Garrido.
Santiago: presentación de Na cerna da selva, de Pere Tobaruela
O 
mércores 9 de febreiro, ás 20:00 h., na Biblioteca Ánxel Casal (Avenida Xoán XXIII, s/n.), de Santiago de Compostela, presentación do libro Na cerna da selva, de Pere Tobaruela, publicado en Sotelo Blanco Edicións. No acto participan, acompañando ao autor, Ánxela Gracián e Arantxa Serantes.
