(Xornal)
Arquivo da categoría: Sistema literario
Marilar Aleixandre nomeada para o Comité Executivo do IBBY
A Asemblea Xeral do 
32 Congreso Internacional do IBBY en Compostela non podía rematar cunha nova mellor: acordou nomear a escritora Marilar Aleixandre como membro do Comité Executivo desta organización internacional. Grazas a este nomeamento a lingua, a literatura e a cultura galega medrarán en visibilidade a nivel internacional. As actuacións e programas de IBBY son definidas polo Comité Executivo, composto por dez persoas de distintos países e elexidas bianualmente polas seccións nacionais na Asamblea Xeral. Nesta asamblea tamén se destacou o grande éxito deste congreso felicitando a GALIX, sección en Galicia de OEPLI, pola boa organización do mesmo. Por outra banda, nomeouse na mesma asamblea a editora española María Jesús Gil como nova presidenta do xurado dos premios Hans Christian Andersen.
A tradución ao galego de Reckless, de Cornelia Funke, participará simultaneamente no lanzamento internacional da obra
O vindeiro 14 de setembro de 2010 aparecerá nas librarías de Alemaña, os Estados Unidos e Reino Unido as edicións alemá e inglesa da novela Reckless. Carne de pedra, a primeira entrega da triloxía de Cornelia Funke, cunha tirada entre as dúas dun millón de exemplares. O mesmo día aparecerán, tamén, as edicións francesa, castelá, catalana e a galega, traducida por María Xesús Bello Rivas e publicada por Xerais, sendo a primeira vez en que a nosa lingua se incorpora a un lanzamento literario internacional deste tipo. Cornelia Funke (Dorsten / Westfalia, Alemaña, 1958) é unha das autoras máis lidas no mundo. Coñecida como a «Rowling alemá» e elixida pola revista Times como unha das cen persoas máis influentes do planeta, xa vendeu máis de 14 millóns de exemplares das súas obras, entre as que destaca Tintenwelt (Mundo de Tinta).
Manuel Bragado: “A forza do libro galego será a dos lectores”
Entrevista en El País.
“Pedem explicações à Junta pola nom divulgaçom de Carvalho Calero”
Roteiros: de paseo con Blanco Amor
Vía culturagalega.org.
Mostra sobre Rosalía ‘culta, revolucionaria e feminista’
Vía Fervenzas e A Nosa Terra Diario.
La Voz de Galicia: “Os editores reducirán un vinte por cento o número de títulos en galego”
El Progreso: “O BNG pide en Madrid que as literaturas galega, vasca e catalá reciban o mesmo trato que a castelá”
(Galiciaé)
AELG: Acto cívico e reivindicativo en lembranza do traslado dos restos mortais de Rosalía de Castro
A Asociación de Escritores en Lingua Galega (AELG) vai celebrar o vindeiro 15 de xullo un acto cívico e reivindicativo en lembranza do traslado dos restos mortais de Rosalía de Castro, que tivo lugar o 25 de maio de 1891.
Organizado pola AELG, o cortexo cívico conta co apoio e colaboración de diversos colectivos, como as asociacións culturais O Galo, Medulio, Auriense, Maio Longo, Solfa e a asociación cultural de Meira, e fundacións como Manuel María e Bautista Álvarez, entre outras organizacións culturais que se irán sumando ao longo destas semanas.
Un tren, identificado como Follas Novas, partirá da estación da Matanza, ao carón da casa de Rosalía, o xoves día 15 de xullo ás 16,30 horas, para facer o traxecto Padrón-Compostela. Previamente, haberá unha concentración na colexiata de Santa María de Iria, no cemiterio de Adina, onde o presidente da AELG, Cesáreo Sánchez, informará do sentido dos actos, á vez que se lerá un poema de Rosalía de Castro.
Na estación de Compostela agardará a comitiva restante, actuando a banda municipal. Xa en Santiago, o cortexo sairá pola rúa do Hórreo cara a Praza do Toural, primeira parada da comitiva, onde haberá unha lectura de tres poemas de Cantares Gallegos (“A gaita gallega”, “Castellanos de Castilla” e “Eu cantar, cantar, cantei”), para continuar pola Praza da Universidade e pola Praza de Cervantes, onde se lerán outros poemas de Rosalía.
Finalmente, en San Domingos de Bonaval celebrarase unha audición do Ángelus, de Massenet, e unha lectura de poemas de Follas Novas, intercalando actuacións do diversos grupos musicais e artistas participantes, para rematar o acto coa lectura dun comunicado reivindicativo da figura de Rosalía de Castro, cando se cumpren 125 anos da súa morte.
