Arquivo da categoría: Sociedade
Xullán, Bóveda: V Xornada Guerrilleira Repil
Bértoa, Carballo: conversa sobre o libro Galicia, distrito industrial
A Coruña: presentación de Eles libres e iguais, elas obedientes pola graza de Deus, de Isabel Rodríguez Mate
Redondela: “Adeus Ríos, Adeus Fontes”, escultura poética viva de Andreia Costas
“Adeus Ríos, Adeus Fontes”, é unha proposta de escultura poética viva de Andreia Costas, poeta e artista galega suaba, para a Expo Rueiro Arte Lixo, situada no exterior da Casa da Torre, na Vila de Redondela. Estará en vivo o xoves 18, venres 19 e sábado 20 de abril, de 17:30 a 19:00 horas.
O corpo escultura espido, co acougo meditativo, vístese cun cobertor que van confeccionando a cadradiños pola cidadanía. Cadrados poéticos de versos contra a utilización da auga potable para industria téxtil da que consumimos roupa sen pensar. Os versos propios e alleos son pinchados con imperdíbeis. Sangue vivo precario exposto ás agullas, a das traballadoras textis e a do río. Auga morta por residuos de celulosa e tintas de novos tecidos. Unha acción á beira do río de Redondela, tan castigado polos vertidos da camisería Regojo.
“Adeus Ríos, Adeus Fontes” é, pois, unha intervención artística viva de denuncia medioambiental contra uso da auga doce na industria #Happening Art”
“”Goodbye rivers, Goodbey fountains” is a living sculture_poetry_object by Andreia Costas, poet and artist from Suavia (Germany) and Galicia (Spain), for the ARTE LIXO Street Expo located outside the “Casa de la Torre” Redondela. Artistic intervention of invironmental denunciation. Against the indiscriminate use of sweet water in the textile industry.
The river allegory is the naked body. It will be dressed with poetic squares of passing people in a patchwork quilt way. The title has been taken from our most international poet in Galicia: Rosalía de Castro.
Next Thursday, Friday and Saturday. Schedule from 5:30 to 7:00 p.m.
#Happening Art #AELG”
A Coruña: diálogo sobre “Liberalismo e galeguismo: federalismo e plurinacionalidado do Estado. O legado de Plácido Castro”
“O 11 de abril, ás 19:00 horas, na Biblioteca da Casa Museo Casares Quiroga (Rúa Panadeiras, 12), na Coruña, terá lugar un diálogo sobre “Liberalismo e galeguismo: federalismo e plurinacionalide do Estado. O legado de Plácido Castro”. Nel participarán:
-Francisco Caamaño, catedrático de Dereito Constitucional da UDC e ex-ministro de xustiza.
-Lourenzo Fernández Prieto, catedrático de Historia Contemporánea da USC
– Antón Baamonde, filósofo e escritor, autor da XXV Conferencia Plácido Castro “Plácido Castro e a tradición do liberalismo político no galeguismo”.
A defensa da democracia liberal, e unha visión federalista que sirva para articular a plurinacionalidade española, poderían ser o marco razonable que osixene a atmosfera e rebaixe a polarización política. En todo caso, o diálogo sempre é preferible á confrontación.”
A Coruña: conferencia “Comercio escravista hispano-cubano”, por Carlos Sixirei
O mércores 10 de abril, ás 19:30 horas, na A. C. Alexandre Bóveda (Rúa Santo André, 36, 1º), na Coruña, Carlos Sixirei Paredes falará sobre o contexto histórico do comercio escravista hispano-cubano. As persoas interesadas poden anotarse previamente aquí.
Compostela: presentación de Galicia, distrito industrial. Conversas con Daniel Hermosilla, de Antón Baamonde
Vilalba: presentación de O libro negro da lingua galega, de Carlos Callón
Antón Baamonde e Daniel Hermosilla: “A imaxe que os propios galegos creamos de Galicia como un país atrasado e sen industria fainos perder posibilidades”
Entrevista de Marcos Pérez Pena a Antón Baamonde e Daniel Hermosilla en Praza:
“(…) – Praza (P): Primeiro de todo, quería saber como nace este libro e, ademais, como xorde este encontro entre os dous: un empresario do sector dos prefabricados do formigón e un ensaísta e licenciado en Filosofía?
– Antón Baamonde (AB): O libro foi unha iniciativa de Daniel que parte, en realidade, do meu anterior libro. Despois dunha presentación de Unha nova Olanda comezamos a falar e el comezou a debullar unha chea de empresas galegas punteiras das que en moitos casos eu non tiña idea. E sinalou que sería boa idea publicar un libro que espallase a idea de que Galicia é algo moi distinto do que moita xente pensa que é, algo que enlazaba perfectamente co que eu estaba contando en Unha nova Olanda.
Galicia non é o que moita xente ten na cabeza, o marco mental ten que ser transformado. Eses estereotipos non son en absoluto válidos co que Galicia é na actualidade, pero tampouco co que Galicia era hai unhas décadas e, de feito, hai moitas análises que xa veñen corrixindo aquelas visións erradas. A realidade é que Galicia leva moito tempo sendo un país moi semellante a calquera territorio da nosa contorna europea.
– P: Para ben e para mal…
– AB: Para ben e para mal, efectivamente, porque ás veces hai unha concepción excesivamente amable do que é Galicia e do que foi o pasado de Galicia. Ou se pensa Galicia como un territorio atrasado onde nada moderno pode desenvolverse, ou como todo o contrario. Este empirismo, este intento de ter unha visión máis real e máis próxima á realidade, supón a destrución de determinados mitos que están moi establecidos e que fan que mesmo a día de hoxe non sexamos capaces de recoñecer o país que temos diante.
Unha Nova Olanda buscaba constatar o que todos os datos afirman: que Galicia é unha sociedade urbana e que é urbana non só a sociedade da Coruña ou Vigo, senón a de calquera concello. Integrar iso no esquema mental parecíame importante. E tiña, ademais, un lado proactivo e propoñía tecer en Galicia unha rede urbana, semellante á existente nos Países Baixos, onde non hai unha gran cidade como Madrid senón unha rede de cidades que se complementan e compiten e multiplican os contactos e as posibilidades de todas elas. As cidades son laboratorios de creación de ideas, de xeración de valor, as cidades son o lugar, como dicía Jane Jacobs, o lugar no que pasan as cousas. (…)”
