Entrevista a Roberto Pascual na Televisión de Galicia:
“Sophie é unha muller africana vítima de redes de tráfico, e antes, vítima de todo tipo de violencia e abuso só por ser muller. Sophie non existe, é a protagonista dun guión teatral pero, en realidade, o mundo está cheo de Sophies invisibles ás que quixo dar voz o seu autor: Roberto Pascual. A entrevista pode verse aquí.”
Arquivo da categoría: Televisión
Teresa Seara: “O obxectivo do Batallón Literario foi levar a poesía á rúa”
Entrevista de María Solar a Teresa Seara na Televisión de Galicia:
“A editorial Chan da Pólvora publica Feros Corvos, Antoloxía do Batallón Literario da Costa da Morte, grupo poético que naceu en Cee en maio de 1996. Teresa Seara, profesora e crítica literaria, realizou o estudo introdutorio e a selección de poemas do volume. A entrevista pode verse aquí.”
A abertura da boca, de Carlos Callón, en Nós Televisión
Desde Nós Televisión:
“O título do último poemario de Carlos Callón remite a un rito do antigo Exipto, o uep-rá, no que as momias recuperaban as funcións de alimentarse, respirar e volver á vida. Esta historia, sérvelle ao autor de metáfora para expresar o valor que a escrita poética ten para transitar a dor. A entrevista pode verse aquí.”
Calros Solla, escritor: “A prensa previa aos mass media recollía os mitos que forman parte do noso celme”
Entrevista a Calros Solla na Televisión de Galicia:
“Na parroquia de Cequeril, en Cuntis, unha muller de 78 anos que levaba 20 cega, recobrou a vista o día de Nadal de 1954. En Muros, o 5 de xuño de 1949 ás 7 da tarde, empezou a chover dentro da igrexa mentres fóra lucía o sol. En 1888, na parroquia de Millerada, en Forcarei, unha muller levaba dez anos sen comer nin beber… Son algunhas das novas da prensa da época recollidas por Calros Solla en Crónica da Galicia bizarra. A entrevista pode verse aquí.”
Emma Pedreira: “As autoras aparecen cando deixamos de pensar que os homes o fan todo mellor”
Entrevista de María Solar a Emma Pedreira no Zig-zag da Televisión de Galicia:
“Cando unha editora lle encargou a Emma Pedreira facer unha biografía bibliográfica, porque sabía da súa adicción por devorar libros, ela devolveulle xusto iso: un percorrido vital pola súa relación cos libros como memoria persoal, dos seus libros lidos e recordados, odiados ou amados, pero tamén un pachwork de personaxes e recordos vitais que saca tirando do fío dos libros. A entrevista pode verse aquí.”
Ana Cabaleiro: “Na literatura é mais difícil contar a vida diaria que as historias épicas”
Desde o Zig-zag da Televisión de Galicia:
“Deixádenos remar é a nova novela de Ana Cabaleiro editada por Xerais. Parte do conflito veciñal dun arrabalde onde constrúen unha urbanización. As relacións de clase ou as maneiras de vivir subxacen na trama do texto. A entrevista pode verse aquí.”
Concha Blanco, Escritora na súa Terra 2021: “O galego nunca foi unha lingua morta, foi unha lingua oculta”
Desde o Zig-zag da Televisión de Galicia:
“Concha Blanco foi homenaxeada en Cee pola AELG como Escritora na súa Terra-Letra E. A súa traxectoria na escrita abrangue máis de 50 libros para todas as idades. O inicio literario de Concha estivo ligado ás necesidades de LIX en galego na escola.”
A entrevista pode verse aquí.
Fran Alonso, editor e autor de Douche a miña palabra: “Un lector sempre é un ser privilexiado”
Entrevista de María Solar a Fran Alonso na Televisión de Galicia:
“Douche a miña palabra é un ensaio para público infantil sobre os escritores asinado por Fran Alonso, director de Edicións Xerais. Nesta obra, Alonso defende a lectura como arte e como medio para aprender a pensar. A entrevista pode escoitarse aquí.”
Salitre e amor aos oficios do mar enchen esta Nación Mar de Xosé Iglesias
Desde o Zig-zag da Televisión de Galicia:
“O mariñeiro de Cee, Xosé Iglesias, preséntanos agora un libro [Nación Mar] cheo de ilustracións feitas por el e textos que nos falan do oficio de mariñeiro, de carpinteiros e das diversas embarcacións nas que se traballou ao longo do tempo. A entrevista pode verse aquí.”
Héctor Cajaraville, editor: “Con estes Cadernos persoais podemos descubrir con que ollos vía Lois Pereiro todo o que se atopaba na vida”
Desde o Zig-zag da Televisión de Galicia:
“O libro Cadernos persoais recolle textos de cinco blocs escritos desde 1989 a 1993 e dunha axenda de Lois Pereiro. Entre as notas hai reflexións, relatos, poemas, citas literarias ou anécdotas das viaxes do poeta. Ás anotacións de Lois Pereiro engádense contornas de Fernando Saco e Inés Pereiro, compañeiros de viaxe e tamén os seus últimos versos escritos. A entrevista pode verse aquí.”
