Xosé Antón Cascudo 
impartirá este venres día 6 de novembro unha masterclass sobre guión de ficción televisiva na Fundación Tic de Lugo (Rúa Frei Plácido Rei Lemos s/n,), de 17:00 a 20:00 horas, con entrada de balde.
Cascudo, que combina a escritura coa investigación -está realizando a súa tese de doutoramento sobre a serie Mad Men– ofrecerá unha visión panorámica sobre o fenómeno da ficción televisiva, que a pesar das mutacións propias da era dixital segue constituíndo o epicentro da industria do entretemento.
Na primeira parte da sesión incidirase nalgunhas das particularidades do guión de ficción concibido para o medio televisivo, como a serialidade, o papel da publicidade, a contaminación xenérica ou o carácter transnacional deste tipo de produtos.
Máis adiante Cascudo centrarase no oficio do guionista e nas ferramentas das que dispoñen para artellar o relato: o deseño de estruturas e personaxes, a elaboración de mapas de tramas, a importancia da documentación ou a interacción entre ficción e historia, sen esquecer outros aspectos como as dinámicas das canles e as estratexias de venta.
Arquivo da categoría: Televisión
Entrevista a Luís González Tosar en Zig-zag
Desde
o Zig-zag da Televisión de Galicia:
“Luís González Tosar acaba de ser nomeado académico corresponsal da Real Academia arxentina das Letras en España, en representación de Galicia. A entrevista pode verse completa aquí.”
Entrevista a Érica Esmorís no Zig-zag
Desde
o Zig-zag da Televisión de Galicia:
Entrevista a Érica Esmorís, arredor de Nena e o mar. Pode verse completa aquí.
Entrevista a Cesáreo Sánchez, presidente da AELG
Entrevistas sobre Morena, perigosa e románica, de Pedro Feijóo
Desde
o Galicia por Diante, da Radio Galega:
“O escritor vigués preséntanos o seu novo libro, Morena, perigosa e románica. A entrevista completa pode escoitarse aquí.”
E entrevista en Tempo de Lecer.
Entrevista a Ledicia Costas en Zig-zag
O escritor Xabier Paz presenta no Zig-zag a súa novela A galera de Xelmírez
Iván García Campos, Cuestións vitais secretas, no Zig-zag
O frío azul, de Ramón Caride, no Zig-zag da Televisión de Galicia
Aldaolado: “Como chegamos a Luar? Todo son especulacións”
Desde
Sermos Galiza:
“(…) – Sermos Galiza (SG): O seu paso por Luar é un fito na poesía ou na televisión?
– Aldaolado (AL): Polo de agora é unha anécdota, aínda é pronto para valoralo. Ao meu ver está moi ben que o Luar se preste a levar un espectáculo de poesía. Sabemos o que costa vendelo nos bares co cal está fantástico que se poda ver na televisión. Tomámolo con moita alegría. Agora custará menos convencer de que a poesía é divertida. Nos recitais sempre diciamos que queriamos ir ao Luar e debe ser que de tanto desexalo…
– SG: E como chegan dúas poetas ao Luar?
– AL: Pois porque nos chamaron. A ciencia certa non sabemos. Coñecían o que faciamos, posibelmente nos teñamos cruzado nalgún momento. Todo son especulacións. A nós pásanos cousas moi raras. Nunha ocasión vendín un coche nun recital. Facía un poema ao un coche e, no fin, preguntaba se alguén quería mercar un vello que tiña. E vendino! O de Luar debeu ser unha cousa así…
– SG: E vai e fan o seu número coa súa versión bilingüe de “Lingua proletaria do meu pobo”…
– AL: O importante do número é o “speech” inicial que é a razón pola que naceu. É polo que nos coñece máis xente. Se vas a youtube comprobas que é o máis visto de Aldaolado. A realidade da que fala, o da imposición do galego, vai máis alá de Galicia Bilingüe que, por outra parte, está en horas baixas. (…)”
