O 
mércores 25 de xaneiro, ás 20:00 horas, no salón de actos da Casa Galega da Cultura, en Vigo, preséntase o número 192 da revista Grial, dedicada a Álvaro Cunqueiro. No acto participan Víctor F. Freixanes, Dolores Vilavedra, Manuel Forcadela e César Cunqueiro.
Santiago: presentación de Luís Soto. A xeira pola unidade galega, de Xurxo Martínez González
O 
mércores 25 de xaneiro, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o libro Luís Soto. A xeira pola unidade galega, de Xurxo Martínez González, publicado en Xerais. No acto, xunto autor, participan Víctor Santidrián e Manuel Bragado.
Valentín Paz Andrade: “Un nacionalista na Transición”
Artigo 
sobre Valentín Paz Andrade en El País (Galicia):
“(…) Aínda que Paz-Andrade ten deixado nas súas memorias (Valentín Paz-Andrade, a memoria dun século. Tucho Calvo. Biblos 2011), testemuña deste tempo pre-democrático, é interesante rescatar as respostas que lle dá naqueles días a un xornalista do semanario Teima, que se manifesta escéptico sobre as posibilidades da comisión: “A política é negociación. Non sei o que pode saír das reunións, pero o importante é que Galicia estea presente, que non quedemos marxinados nin acochados nos nosos tobos mirando como a historia pasa por riba de nós”. E sobre a carencia dalgúns apoios argumentaba “é un problema de cativeza política, resultado de 40 anos de ditadura”. Paz-Andrade defendía que o pobo galego se autodeterminara unha vez no Estatuto de 1936, “e mentres non haxa outro acto de expresión popular e libre, o Estatuto virá porque é unha legalidade histórica apoiada no voto masivo dos galegos. Este é un argumento sagrado”.
Con apoios demediados pero coa certeza de que a oportunidade pasaba pola porta e había que aproveitala, Valentín marchou a Madrid e estivo en todas as reunións celebradas aqueles meses, como antes participara nas celebradas en París e Estrasburgo de 1974 a 1976 pola Junta Democrática de España. (…)”.
“Abre en Madrid la primera librería especializada en literatura gallega”
Artigo en El País:
“Diego Castelao y María Carreira son hijos de emigrantes gallegos en Madrid. Los padres de él, de Vedra (Santiago). Los de ella, de Castroverde, en Lugo. Nacieron, crecieron y se conocieron en la capital, donde ahora viven como pareja. Pero conservaron intactas las raíces paternas. Tal es el vínculo que les une a Galicia que su proyecto vital está íntimamente relacionado con ella: acaban de montar la primera librería especializada en literatura gallega de Madrid (con permiso de la de Sargadelos, que tiene una pequeña sección dedicada a libros gallegos y portugueses, pero más orientada a artesanía). Después de que él perdiera su trabajo como educador social, decidieron invertir todos sus ahorros en su sueño: su recuncho cultural en Madrid. Y lo hicieron. Aturuxo Tenda Galega es mucho más que una librería -en la que además se vende artesanía y música-. Es un espacio cultural abierto, donde cualquier iniciativa interesante encuentra espacio si guarda relación con Galicia. La idea rondó siempre en la cabeza de Diego, pero el último empujón surgió entre libros. Mientras trabajaba en la caseta del Consorcio Editorial Galego en la madrileña Feria del Libro se dio cuenta de que la gente pedía literatura gallega, y que no había una oferta competente en la capital. Y se decidió. (…)”.
Nomeamentos na Real Academia Galega
“A
Real Academia Galega prepara un amplo programa de actividades, no que se inclúen publicacións e actos musicais por toda Galicia, para conmemorar os 50 anos da celebración das Letras Galegas, edición na que será homenaxeado Valentín Paz Andrade. Así o explicou, en declaracións a Europa Press, o secretario da RAG, Xosé Luís Axeitos, tras comparecer en rolda de prensa xunto ao presidente da institución, Xosé Luís Méndez Ferrín. Segundo resaltou, a Academia “quere dar a máxima difusión” a un proxecto de actos conmemorativos para celebrar o que “é a maior festa cultural de Europa” se se ten en conta o carácter popular e participativo desta. Axeitos sinalou que a RAG “prepara actos moi importantes”, que xestiona con “empresas privadas” debido ás “dificultades” económicas actuais, polo que aborda o programa con empresas de comunicación, industrias e grandes compañías “para poder presentar actos de música, folletos, libros e concertos por todo o país”. (…)
O primeiro plenario de 2012 da Real Academia Galega serviu, ademais, para nomear a catedrática de lingua e Literatura portuguesa e brasileira do Departamento de literaturas comparadas da Universidade de Roma Tre Giulia Lanciani académica de honra. “É unha eminente investigadora e divulgadora do noso corpus lírico medieval, con edicións e importantes estudios que son referencia obrigada entre os estudosos deste campo”, indica a RAG. Ademais, o plenario acordou nomear académicos a Ana Isabel Boullón Agrelo, Xosé Henrique Costas González, Gonzalo Navaza Blanco e Antón Palacio Sánchez, relacionados coa constitución de diferentes seccións nas que está organizada a Academia e que “están chamadas a desenvolver un importante traballo no ámbito da gramática, lexicografía, onomástica, a literatura e a historia”. Deste modo, estes recén nomeados académicos incorporaranse aos traballos xa programados polas diferentes seccións da Real Academia Galega.”
Santiago: nova edición do Picaversos, con Pilar Pereira, Fantoches Baj e Chus Pato
O 
martes 24 de xaneiro, a partir das 21:00 horas, no Modus Vivendi (Praza de Feixoo) de Santiago de Compostela, chega outra edición do ciclo de lecturas poéticas Picaversos, baixo o título Loucura. A actriz Pilar Pereira, a compañía de monicreques Fantoches Baj (co texto Acrobacia Acuática, baseado en textos de Chus Pato) e a poeta Xiana Arias son os protagonistas desta próxima sesión.
Vigo: presentación de 2044, de Eduardo Santiago
O 
martes 24 de xaneiro, ás 20:00 horas, na Casa do Libro (Rúa Velázquez Moreno, 27) de Vigo, preséntase a novela 2044, de Eduardo Santiago, publicada en Galaxia. No acto o autor estará acompañado por Francisco Castro.
Piñor: coloquio sobre Lume de cobiza co seu autor, Miguel Anxo Fernández
O 
martes 24 de xaneiro, ás 20:00 horas, no Bar Ojea de Piñor, Miguel Anxo Fernández visita o clube de lectura Libros Abertos para falar sobre a súa novela Lume de cobiza, publicada en Galaxia.
A Coruña: mesa redonda Maruja Seoane na nosa lembranza
José Luis Sampedro, nomeado Escritor Galego Universal pola AELG
A
Asociación de Escritoras e Escritores en Lingua Galega nomea a José Luis Sampedro Escritor Galego Universal, premio que xa recibiron Mahmud Darwish, Pepetela, Nancy Morejón, Elena Poniatowska, Juan Gelman e Antonio Gamoneda, a AELG destaca aqueles autores que unen á excelencia literaria o compromiso ético que os converte en referentes na defensa da dignidade humana e das culturas nacionais. O galardón entregaráselle no mes de maio.
A AELG destaca con esta mención a alta calidade da súa literatura lúcida, profunda, radical e transgresora, impregnada do insubornábel compromiso ético do autor.
A relación de José Luis Sampedro con Galicia comezou nos anos 70 a través da Agrupación Cultural Lóstrego de Madrid, da que foi presidente de honra e coa que colaborou economicamente cunha mensualidade do seu soldo de Senador por designación real nas primeiras cortes democráticas; no exercicio desta responsabilidade defendeu a inclusión do dereito de autodeterminación no texto constitucional.
A relación continuou a través da Facultade de Ciencias Económicas da Universidade de Santiago de Compostela, participando en congresos alí organizados nos anos 80.
En 1990 impartiu a lección inaugural, con título Un humanismo para una crisis, da segunda edición da Universidade Popular de Ortigueira, aproveitando a estadía para coñecer Betanzos (onde está soterrado un seu avó), A Mariña de Lugo e a comarca de Ortegal, visita que tivo reflexo na súa novela máis querida, Real Sitio.
A foto provén da Wikipedia galega, onde se pode consultar moita máis información sobre o autor.
Nova recollida en Cultura Galega.
