Desde a A. C. Alexandre Bóveda:
“O 7 de xullo, ás 20:00 h., no Circo de Artesáns (Rúa Santo André, 36, baixo), na Coruña, presentamos o acto O teatro é Manuel Lourenzo, unha homenaxe moi especial coa que a Agrupación Cultural Alexandre Bóveda quere recoñecer o legado desta figura imprescindible da nosa escena.
Ao longo de toda unha vida dedicada ao teatro, Manuel Lourenzo non só nos deixou unha obra inmensa, senón tamén unha maneira de entender a creación, a lingua e o compromiso coa cultura galega. Dramaturgo, actor, director, mestre e referente para varias xeracións de xente de teatro, a súa pegada está presente en moitos dos camiños que hoxe seguimos a percorrer.
A homenaxe correrá a cargo do noso grupo, Alexandre Bóveda Teatro, dirixido por Manuela Varela, que representará seis pezas breves da súa autoría, acompañadas doutros textos significativos. Con este espectáculo queremos achegarnos ao seu universo teatral e, sobre todo, darlle as grazas por escribir, por crear, por ensinar e por dedicar a súa vida a facer medrar o teatro galego.
Esta homenaxe nace da admiración, pero tamén do máis profundo afecto. Porque celebrar a Manuel Lourenzo é celebrar unha parte fundamental da nosa historia teatral e cultural.
Será no espazo do Circo de Artesáns, na planta baixa. A entrada é libre ata completar a capacidade do local.”
Desde a A. C. Alexandre Bóveda:
“O luns 29 de xuño ás 20.00 horas, na A. C. Alexandre Bóveda (Rúa Santo André, 36, 1º), na Coruña, cibimos a Luz Darriba para a presentación da súa obra Madrugadas feroces. A autora descríbeo como un libro conformado por moitos recortes de cadernos que estiveron dispersos coma a súa propia vida, cheos de incongruencias, amarelados polo paso do tempo e atravesados polas furias, as agonías e as lembranzas.
Neste encontro afondaremos nun proxecto que naceu tras andar entre palabras cortadas e gritos, armando durante un tempo incalculábel infinitas versións dunha mesma cousa: a estrañeza propia. Darriba permitiu que os poemas decidisen os seus compañeiros de viaxe, saudándose nestes espazos novos xunto ás ilustracións na procura de armar todas as súas partes. O proceso creativo estivo marcado polo xogo co I Ching; tras tirar as moedas, os poemas mudaron os seus nomes polos hexagramas correspondentes buscando un novo sentido.
A autora armouse de ousadía en terra de poetas, vencendo o síndrome da impostora para transitar do amarelo do papel ao branco da pantalla dixital. O resultado destas chamadas de auxilio é unha xoia multidisciplinar: 18 poemas, 18 gravados dixitais asinados e numerados, un deles intervido á man, e 18 pezas sonoras. Un libro de artista para que o lectorado lle atope outras lecturas posíbeis.”
Desde a A. C. Alexandre Bóveda:
“O luns 29 de xuño ás 20.00 horas, na A. C. Alexandre Bóveda (Rúa Santo André, 36, 1º), na Coruña, cibimos a Luz Darriba para a presentación da súa obra Madrugadas feroces. A autora descríbeo como un libro conformado por moitos recortes de cadernos que estiveron dispersos coma a súa propia vida, cheos de incongruencias, amarelados polo paso do tempo e atravesados polas furias, as agonías e as lembranzas.
Neste encontro afondaremos nun proxecto que naceu tras andar entre palabras cortadas e gritos, armando durante un tempo incalculábel infinitas versións dunha mesma cousa: a estrañeza propia. Darriba permitiu que os poemas decidisen os seus compañeiros de viaxe, saudándose nestes espazos novos xunto ás ilustracións na procura de armar todas as súas partes. O proceso creativo estivo marcado polo xogo co I Ching; tras tirar as moedas, os poemas mudaron os seus nomes polos hexagramas correspondentes buscando un novo sentido.
A autora armouse de ousadía en terra de poetas, vencendo o síndrome da impostora para transitar do amarelo do papel ao branco da pantalla dixital. O resultado destas chamadas de auxilio é unha xoia multidisciplinar: 18 poemas, 18 gravados dixitais asinados e numerados, un deles intervido á man, e 18 pezas sonoras. Un libro de artista para que o lectorado lle atope outras lecturas posíbeis.”
Desde a A. C. Alexandre Bóveda:
