Arquivos da etiqueta: Agrupación Cultural Alexandre Bóveda
A Coruña: visita guiada á exposición Airiños aires Rosalía, de Xurxo Lobato
A Coruña: presentación de O falar das fadas. Lingua, música e toponimia da Galiza, de Xosé Manuel Sánchez Rei
A Coruña: ciclo de palestras públicas O galego na Coruña
(O martes 20, a conferencia terá lugar ás 20:30 horas).
A Coruña: XX Memorial de Teatro Ibán Toxeiro
A Asociación Cultural Alexandre Bóveda, ao chegar o seu Memorial Ibán Toxeiro á súa XX edición, pretende celebralo dun xeito diferente, aínda que complementario a anteriores ocasións. Sempre, o noso Memorial quixo unir a actrices e actores amadores e profesionais nun mesmo escenario, nunha clara homenaxe a un actor que formou parte activa de ambos mundos. Mais esta vez, é a pretensión dos directores da gala, Xoán Carlos Mejuto e Lino Braxe, realizar unha fusión do oficio actoral, tanto amador como profesional, non presentando obras en compartimentos estanco diferenciados, senón abordando a estrea da obra de Álvaro Cunqueiro Romeo e Xulieta, famosos namorados, peza na que participarán actores e actrices profesionais e amadores sen distinción. O grupo de teatro da ACAB, Teatro Valacar e a coral Breogán da ONCE, xunto con actores como Xosé Bonome, Manuela Varela, Pedro Picos, Sabela Hermida, Xosé Vilarelle e outros profesionais da escena, serán os encargados de levar adiante este desafío. Asemade, Teatro Proscrito realizará un fragmento do Edipo de Manuel María.
A Coruña: conferencia sobre O labor da Granxa Agrícola de Monelos, por Xosé A. Fraga
(Forum Metropolitano. Rúa Río Monelos, 1). A Coruña.
A Coruña: presentación de A poesía de Manuel María, de Camilo Gómez Torres
O 
xoves 10 de novembro, ás 20:00 horas, na Agrupación Cultural Alexandre Bóveda (Rúa Olmos, 16-18, 1º), na Coruña, preséntase o libro A poesía de Manuel María, escrito polo profesor Camilo Gómez Torres. Ademais do autor do libro, no acto de presentación participa Pilar García Negro.
A Coruña: presentación de Aldea Viva, de Vicente Reboleiro
O
xoves 27 de outubro, ás 20:00 horas, no local da Agrupación Alexandre Bóveda (Rúa Olmos, 16-18, 1º), na Coruña, preséntase o libro Aldea Viva, de Vicente Reboleiro, publicado por Medulia.
A Coruña: Festival do 40 aniversario da A. C. Alexandre Bóveda
A Coruña: visita guiada á exposición Saúde e Terra, irmá(n)s!, por Pepe Barro, o martes 28 de xuño
O 
martes 28 de xuño, ás 19:30 horas, Pepe Barro creador do proxecto, deseño e coordinación da exposición Saúde e Terra, irmá(n)s!, realizará para a A. C. Alexandre Bóveda unha visita guiada. A exposición organizada pola Deputación da Coruña, a Real Academia Galega e o Museo do Pobo Galego para conmemorar o centenario das Irmandades da Fala está aberta na Fundación Barrié da Coruña até o 30 de xuño.
O percorrido expositivo relata a historia das Irmandades a través de publicacións, documentos, imaxes e obxectos, así como gravacións musicais e discursos e artigos de persoeiros da época. Pódese contemplar ademais unha escolma de pezas artísticas vencelladas a acción das Irmandades e dalgúns dos artistas máis relevantes daquel tempo.
A través de dez espazos, faise un achegamento á orixe do movemento e á súa evolución, desde a acción centrada en primeiro lugar na normalización do idioma ata a intervención política e os seus principais protagonistas.
Saúde e Terra, irmá(n)s! dá ademais visibilidade á participación das mulleres nas Irmandades da Fala, que apostaron desde o primeiro momento pola “igualdade absoluta, política e civil da muller e do home”.
Se desexas vir a esa visita guiada debes anotarte no correo acab@mundo-r.com ou chamando por tfno ao 981200869 (de 19:00 a 21:00 h.) antes do vindeiro xoves 23 de xuño.
