Miño: V Feira da Cultura Encamiño
Arquivos da etiqueta: Antonio Manuel Fraga
O escritor galego Antonio M. Fraga, na Lista de Honra IBBY 2026, un dos recoñecementos internacionais máis relevantes da literatura infantil e xuvenil
Artigo de Carolina Sertal en Faro de Vigo:
“A novela Como escorrentar un lobo, do escritor Antonio M. Fraga (Pontedeume,1976), vén de ser incluída na Lista de Honra IBBY 2026 (Organización Internacional para o Libro Xuvenil), unha das distincións internacionais de maior prestixio no ámbito da literatura infantil e xuvenil. Esta obra, publicada pola editora Cuarto de Inverno, foi proposta por IBBY España como representante da creación literaria en galego e se ben Antonio M. Fraga é o único autor de Galicia que figura no catálogo que, na edición de 2026 acadou a listaxe máis longa nos 60 anos do programa, cun total de 191 nominaciones en 52 idiomas procedentes de 59 países, a representación galega tamén está abandeirada pola tradución do catalán ao galego de Que é a guerra, elaborada por Moisés Barcia, de Sushi Books.
Tras coñecer a selección da súa novela para entrar na Lista de Honra IBBY, Antonio M. Fraga sinalou que recibe a súa inclusión na IBBY 2026 «con enorme gratitude e alegría. É unha honra que ‘Como escorrentar un lobo’ se vexa recoñecido nun espazo tan prestixioso da literatura infantil e xuvenil», engadindo tamén que a escrita desta obra lle permitiu no seu momento «viaxar a outras realidades e a outros tempos; foi un proceso gozoso e cheo de aprendizaxes». Así mesmo, o autor de Pontedeume destacou: «Penso tamén en Alfreda Noncia Markowska, cuxa historia e valentía transformaron a novela até se converter na súa protagonista. Gustaríame que a súa historia chegase a moitos lectores e lectoras, porque o seu exemplo de humanidade e coraxe pode achegar unha luz nestes tempos de erros repetidos que estamos a vivir».
Como escorrentar un lobo sitúa a súa historia na Polonia ocupada polos nazis durante a Segunda Guerra Mundial. Mentres agocha dous nenos xudeus da persecución, Noncia recorre aos contos para protexelos do medo, tecendo unha narración que combina memoria histórica, tradición oral e fantasía. Así, a novela de Antonio M. Fraga achega unha reflexión sobre o poder da palabra, a esperanza e a capacidade das historias para resistir mesmo nos tempos máis escuros. Esta inclusión na Lista de Honra IBBY supón un novo recoñecemento á traxectoria de Antonio M. Fraga e reforza a proxección internacional da literatura infantil e xuvenil galega, pois o catálogo da Honour List distribúese internacionalmente e as obras seleccionadas forman parte de exposicións e iniciativas de promoción da lectura impulsadas por IBBY.
En canto a Que é a guerra, escollida como unha das mellores traducións pola organización internacional para o libro xuvenil, este é un libro pensado para responder de maneira sinxela todas as preguntas tras ver noticias sobre a guerra, comprender como funcionan os conflitos bélicos, as súas causas e consecuencias como primeiro paso para a cadar a paz.”
A Coruña: presentación de A lei do mar, de Manuel Esteban
Presentación de A lei do mar, de Manuel Esteban, na Coruña
A Asociación de Escritoras e Escritores en Lingua Galega (AELG) rexeita o asasinato da poeta norteamericana Renée Nicole Good
A AELG reclama respecto para a súa memoria e denuncia o desprezo e a indignidade coa que foi tratada
A Asociación de Escritoras e Escritores en Lingua Galega (AELG) fai público o seu rexeitamento do asasinato da poeta norteamericana Renée Nicole Good. A autora, que recibiu en 2020 o prestixioso Premio da Academia de Poetas Americanos (Academy of American Poets Prize) polo poema “On Learning to Dissect fetal Pigs” (“Sobre aprender a diseccionar fetos de porco”), foi asasinada por un axente do Servicio de Inmigración e Control de Aduanas dos Estados Unidos (ICE), que formaba parte dos efectivos enviados pola administración de Trump a Minneapolis.
Ao mesmo tempo, a AELG reclama respecto para a súa memoria e denuncia o desprezo e a indignidade coa que foi tratada, cando o propio presidente Trump, sen datos sobre ela, se apresurou a colocarse do lado do axente que disparou, xustificando o sucedido baixo o pretexto de ser ela “unha axitadora profesional”, segundo a súas propias palabras.
Porén, se Renée Nicole Good tiña algunha transcendencia social, era pola súa faceta literaria.
As reaccións contra este asasinato levaron a centos de persoas a se mobilizar ante edificios oficiais esixindo a investigación do sucedido e reclamando que se elimine a forza en operacións sobre migración. Unhas mobilizacións que xa se estenderon a outras cidades dos EUA. O propio alcalde de Minneapolis e o gobernador de Minnesota rexeitaron as explicacións oficiais que falan de que tentou atropelar un axente e denunciaron o que está a suceder neste momento nos Estados Unidos. Desde alí chegan novas preocupantes, porque as persoas séntense angustiadas, perseguidas e censuradas.
A AELG solidarízase co pobo norteamericano que padece estes excesos e nomeadamente co colectivo de escritores e escritoras. Nas redes sociais unha imaxe de Renée Nicole Good figura acompañada das seguintes frases:
A plena luz do día
A sangue frío
Por aqueles que ocultan os seus rostros
Detrás de corazóns fríos.
Aquí pode lerse un poema da autora traducido por Antonio Manuel Fraga, a quen agradecemos a autorización para a súa publicación:
Sobre aprender a diseccionar fetos de porco
quero recuperar as miñas randeeiras,
solpores solipsistas,
e sons da selva costeira que son tercetos de carricantas e pentámetros
das patas peludas das
cascudas.
doei biblias a tendas de segunda man
(esmagueinas en bolsas de lixo de plástico cunha lámpada de sal ácido do Himalaia
as biblias posbautismais, as que foron arrincadas nas esquinas das rúas das mans carnosas dos fanáticos, as
simplificadas, doadas de ler, parasitarias):
lembro máis o cheiro esvaradío a goma das imaxes brillantes dos manuais de bioloxía; queimaban os pelos
dentro das miñas ventas,
e o sal e a tinta que se pegaban ás palmas das mans.
baixo recortes da lúa ás dúas e corenta e cinco da madrugada estudo e repito
ribosoma
endoplasmático—
ácido láctico
estame…
no IHOP da esquina de Powers e Stetson Hills—
repetín e esborrancheino até que foi abríndose camiño e ficou estancado nalgún lugar ao que xa non sei sinalar, talvez
no meu ventre—
talvez alí, entre o páncreas e o intestino groso, estea o regato
insignificante da miña alma.
é a regra coa que agora reduzo todas as cousas; de bordes duros e
restelados polo coñecemento que
adoitaba sentar, un pano sobre a fronte febril.
podo deixalos a ambos en paz? Esta fe voluble e esta ciencia universitaria que
apupa desde o fondo da
aula.
agora non podo crelo—
que a Biblia o Corán e o Bhagavad Gita me están colocando os guechos longos
detrás da orella como adoitaba facelo mamá,
e exhalando pola boca "facede sitio para a marabilla"—
todo o meu entendimento escorrega polo queixo até o peito e
resúmese en:
a vida é simplemente
o óvulo e o espermatozoide
e onde se atopan eses dous
e con que frecuencia e con que éxito
e o que alí morre.
Renée Nicole Macklin-Good
A Coruña: presentación de A casa grande, de Olaia Sendón
Pontevedra: Culturgal 2025, actividades do 30 de novembro
Este é o programa do Culturgal 2025. As actividades previstas para o 30 de novembro son:
11h a 12h Sinatura de Susi DeLaTorre e Benjamín Hermida – AGER, Asociación Galega de Escritoras e Escritores
11h a 12h Laura Miranda asina Piolliños – Antela Editorial
11:15h presentación con Luis Prego Aida e Rosa. Cantadeiras de Moscoso e actuación de Adonairare – Libraría Paz
11:30h Contacontos. Menú máxico de contos. Cris de Caldas – Xunta de Galicia
12h Sinatura de exemplares do título Cando era pequena polos autores, Blanca R. Millán e R. J. Peralta – Hércules de Ediciones
12h Conversa coas gañadoras dos Premios Raíña Lupa e Castelao LIX: Rosa Aneiros, Érica Esmorís e Laura Suárez. Conduce Susana Pedreira
12h Charla Dialogo entre Silverio Rivas e Alberto Ardid, formulando preguntas de debate. – Fundación Xoán Piñeiro
12h Érica Esmorís presenta Esta é a miña historia e terás que crela, con Susana Pedreira
12h Sinatura de Ana Moreiras – Aira
12h Sinatura de Askja, de Antonio Manuel Fraga – Xerais
12h Sinatura de A vinganza de Paquiño Jackson, de Alba Guzmán – Xerais
12h Sinatura de Francisco Castro-Boulevar
12h A escritora Isabel Blanco e a ilustradora María Lapido asinan exemplares de Galegas na música e outros libros – Belagua ediciones
12h Lectura dramatizada – FETEAGAL
12h Olaia Sendón asina O pirata Bruno – Cuarto de Inverno
12h Puntogal presenta: Demostración de traballos da First Lego League Galicia – Espazo Lego League Galicia
12h a 12:30h Presentación dos puzzles Os nosos mares, a cargo de Diego García de Miudiño e Clara Cerviño, ilustradora. – Economía Social de Galicia
12h a 13h Sinatura de Almu Santamaría e Eva Freire – AGER, Asociación Galega de Escritoras e Escritores
12h a 13h Tiago Delgado asina A busca de Muncho – Antela Editorial
12:30h Sinatura de Juan Parcero-Boulevar
12:30h Maxia de perto. Óscar Fernández. Magia en la manga – Xunta de Galicia
12:30h Pablo Varela asina O dentista musical – Libraría Paz
12:30h a 14h Imprenta en vivo. Da man da cooperativa Manchea achegarémonos aos segredos das artes gráficas arredor dunha imprenta tipográfica. – Economía Social de Galicia
13h Sinatura de exemplares do título Soño de liberdade pola autora, Marisa Castro Cerceda – Hércules de Ediciones
13h Sinatura de Marc Taeger, ilustrador de Son animal, Extra, O elefante que perdeu o seu ollo, Un máis e outros títulos – KALANDRAKA
13h Rosa Aneiros asina Unha historia de amor como outra calquera – Libraría Paz
13h Sinatura de Kiko da Silva, autor de Moncho e a mancha e ilustrador de Cando Martiño tivo ganas de mexar na Noite de Reis, con Chema Heras, autor deste último título e de Avós – KALANDRAKA
13h Sinatura de Laura Suárez – Aira
13h Antonio M. Fraga asina Como escorrentar un lobo – Cuarto de Inverno
13:30h Pablo Varela, sinatura ‘O dentista musical’
13h a 14h Sinatura de Marta Ojea e Teresa Cameselle – AGER, Asociación Galega de Escritoras e Escritores
13:30h Cé Orquestra Pantasma, acústico, Fios do querer 10ºaniversario – Miudiño S.Coop.Galega
14h a 15h Sinatura de Mar Muñiz – AGER, Asociación Galega de Escritoras e Escritores
16:30h Antía Vázquez e André Espiñeira, sinatura de libros A Apalpadora – Mitolóxicas
17h Sinatura de exemplares do título A egua de Breogán e do resto da súa obra, pola autora, Estefanía Padullés – Hércules de Ediciones
17h Conversa coas gañadoras dos Premios Xerais Érica Esmorís e Abril Camino, conducida por Teresa Cuíñas
17h Presentación de Caixa Agasallo O MAR, ilustracións a partir dos poemas de Xosé Daniel Costas – AFOUTA
17h Presentación de Caixa Agasallo POEMONIMIA, ilustracións a partir dos poemas de Luís da Roxa – AFOUTA
17h Sinatura de Ítaca, de María Besteiros – Xerais
17h Sinatura de Ata que a norte nos separe e O libro de Borboligón, de Elena Gallego Abad – Xerais
17h Asinatura: Lela, a superavoa de Xosé Tomás – Libraría Pedreira
17h Lectura dramatizada – FETEAGAL
17:15h As escritoras Elisabeth Oliveira e Pura Tejelo asinan exemplares dos seus respectivos poemarios, As ninguén e Vestidos de organdí – Belagua ediciones
17:30h Contacontos. Menú máxico de contos. Cris de Caldas – Xunta de Galicia
17:30h a 18h Presentación da nova xoguetería da cooperativa Miudiño, a cargo de Silvia Freiría – Economía Social de Galicia
17:30h Sinatura con Fernando Tomé
18h Sinatura de Mulleres que viven xuntas, de Abril Camino e Erin e o lobo, de Érica Esmorís – Xerais
18h Sinatura de Anaír Rodríguez e David Rodríguez
18h O escritor Xabier Paz asina exemplares da novela A filla de Lucrecia – Belagua ediciones
18h Jorge Rodríguez Durán asina Carnívoras e domésticas – Cuarto de Inverno
18 h Ana Romaní presenta Love me tender – Chan da Pólvora
18h Sinatura con Sandra Ferreira-Boulevar
18:30h Sinatura de Galizan Nation, de Isabel Rei Samartim-Boulevar
18:30h Maxia de perto. Óscar Fernández. Magia en la manga – Xunta de Galicia
19h Sinatura de De príncipes, princesas e otras andrómenas, de Miguel Ángel Alonso Diz e Luz Beloso – Xerais
19h Espectáculo Drag – FETEAGAL
19h Entrega do Premios do público ao mellores proxectos de videoxogos galego.Videoxogos.gal. Asociación Galega de Videoxogos e Contidos Interactivos – Xunta de Galicia
19h Encontro Lembrando a Begoña Caamaño, homenaxeada no Día das Letras Galegas 2026, con Ana Romaní, A Pedreira, Mónica Camaño e Uxía-Escenario Música
19h Érica Esmorís asina O Peculiar – Cuarto de Inverno
Promoción Andrea Area Estudio e Volvemos a primera producciones – Pont-Up Store
Presentación de A casa grande, de Olaia Sendón, na Coruña
Antonio Manuel Fraga: “Para min escribir unha novela non significa mentir, todo o contrario, é a procura dunha verdade emocional”
Entrevista de Ana G. Liste a Antonio Manuel Fraga en Praza:
“(…) – Praza (P): Tras ler esta novela [Askja] é preciso preguntar: ten fascinación polas illas?
– Antonio Manuel Fraga (AMF): Si, sinto certa fascinación polas illas, e tamén polos nortes xeográficos. Unha combinación de ambas cousas foi o que me levou en 2016 a viaxar a Islandia. Aluguei unha furgoneta coa intención de percorrer a illa enteira, pero decateime de que nos días que tiña que era imposible. Entón, viaxei pola costa sur, desde a capital, Reykjavík, ata os fiordes do leste do país. E como tiña medo de que durmir tantas noites na furgoneta afectase ás miñas costas decidín alugar un cuarto nametade da viaxe nunha vila pequena que se chama Djúpivogur. Esa noite, sen escuridade, porque viaxei en xuño, paseina na Guest House Hammersminni, que é onde se desenvolve despois a novela. Alí empecei tomar notas para escribir unha ficción relacionada con ese lugar, pero aínda sen moito foco, sen saber que era o que quería escribir.
A idea da novela partiu desa fascinación por estar nesa vila porque daquela eu tiña a sensación de que era o lugar máis afastado de todo onde estivera a miña vida. Era unha vila mariñeira, pequeniña, non especialmente bonita, sobre todo en comparación co resto do país, pero si que alí tiven esa sensación de estaba absolutamente lonxe de todo, e que me gustaría crear unha ficción centrada neste lugar.
– P: Ten moita potencia atoparse nun lugar no que non recoñeces nada.
– AMF: Si, porque aínda que sendo galegos temos en común ese alma de Fisterra, de fin do mundo, todo o demais era diferente. O paseo que da no comezo da novela a protagonista acompañada da súa parella é un paseo que din eu de noite, pero que non era noite, había unha luz estraña e permanente, case como a que sae dunha lámpada como velada por unha gasa. Este pasear entre a poalla ao borde do fiorde, ver os picos da montaña nevados en xuño… Esas sensacións recupereinas despois durante o proceso de escrita de Askja.
– P: Como tivo a idea de situarse na voz de Ana para para escribir esta novela? Ao avanzar na lectura semella que se puxera na pel dunha amiga para narrar esta historia.
– AMF: Pode ser, pode ser. A escolla dunha protagonista feminina non foi casual. Eu procuraba unha afastamento para, dalgún xeito ou de moitos xeitos diferentes, poder falar de min; que é algo que nos encanta ás veces aos escritores, pero facelo con disimulo. Este afastamento levoume ao descubrimento e ao abraio. O que procurei foi deixarme impresionar e observar a vida a través dos ollos de Ana, que creo que é algo importante, sobre todo para as persoas que creamos: deixarnos impresionar polo outro, pola mirada allea, e tratar así un pouquiño de fuxir do inferno da uniformidade.
Si que manteño unha relación moi estreita con Ana, como se fose unha amiga, porque aproveitei moitas circunstancias, formas de ser e vivencias en común cos miñas amigas, iso axudoume moitísimo. Tamén proxectei cousas miñas en Ana, esa inquietude vital, o desexo de narrar e a necesidade de se explicar a través da narración, como ela fai na novela. (…)”
Crónica fotográfica do Roteiro Illas. Faros. Nortes. A Coruña de Askja, con Antonio M. Fraga (A Coruña, 25 de outubro)
Estas son algunhas das fotografías do Roteiro Illas. Faros. Nortes. A Coruña de Askja, guiado por Antonio M. Fraga, celebrado o pasado 25 de outubro. A crónica fotográfica completa (obra de Diana Varela Puñal) pode verse aquí. Esta é unha iniciativa da AELG desenvolvida co apoio do Concello da Coruña.
