Arquivos da etiqueta: Cándido Pazó

Ourense: actos da fin de semana na Feira do Libro

Publicado o por

Remata a XXVII Feira do Libro de Ourense (na Alameda, Rúa do Bispo Cesáreo), con horario de 11:30 a 14:00 h. e de 18:30 a 22:00 horas.

As actividades máis destacadas do sábado 4 son as seguintes:
– 19:00 h. Presentación do libro Golfiño e os invasores, de Fausto Isorna, publicado por El Patito Editorial.
– 20:00 h. A escritora e xornalista Elena Gallego Abad asinará exemplares do 2º tomo da súa obra Dragal, a herdanza do Dragón, publicada por Xerais.
– 20:30 h. O humor na feira do libro. Actuación de Cándido Pazó co seu monólogo humorístico Cunqueiradas, baseado en textos de Álvaro Cunqueiro.

E, no derradeiro día da Feira, o domingo 5, destaca:
– 20:30 h. Presentación do libro Madeira de Mulher, de Adela Figueroa, con ilustracións de María Celsa Sánchez Vázquez, publicado por Ediciós do Castro.

Lugo: actividades do sábado 21 e domingo 22 na Feira do Libro

Publicado o por

Finaliza a Feira do Libro de Lugo (na Praza Maior), que abre este sábado 21 e domingo 22, con horario de 11:30 a 14:30 h. e de 17:00 a 21:00 h. O programa completo pódese consultar aquí.

As actividades máis destacadas do sábado 21 son as seguintes:
– 19:00 h. Presentación do libro Golfiño e os invasores, de Fausto Isorna, publicado por El Patito Editorial.
– 19:30 h. O escritor Iván García Campos asinará exemplares do seu libro O imposible de desatar, Premio Blanco Amor de Novela 2010, publicado por Galaxia.
– 20:00 h. Presentación dos libros Baubo Pubiclub, de Básico Rodríguez e Ensaio sobre a novela como poética escura, de Nicanor Tischler Barán, publicados por A Gracia Veniais Edicións. Xunto cos autores dos libros, estarán presentes no acto María Xosé Vidal e Xosé Manuel Gayoso.

O domingo 22, ás 18:30 horas, actuación do actor e humorista Cándido Pazó co seu espectáculo Cunqueiradas, baseado en textos de Álvaro Cunqueiro.

Lalín: actividades do fin de semana na Feira do Libro

Publicado o por

Remata a Feira do Libro de Lalín (na Praza da Igrexa) neste fin de semana, con horarios de 11:00 a 14:30 h. e de 17:30 a 21:00 h.

Das actividades do sábado 14 destacamos as seguintes:
– 12:00 h. Charla e coloquio coa escritora Fina Casalderrey, Premio Nacional de Literatura Infantil co tema: O tempo libre e os libros. Ao remate, a escritora asinará exemplares dos seus libros.
– 13:00 h. A escritora Gracia Santorum fará a presentación de Abelcebú, do escritor de Lalín Carlos Negro, publicado por Edicións Positivas. No acto, xunto co autor do libro, estará presente o director da editorial, Paco Macías.
– 13:45 h. Charla coloquio: A literatura galega dende o Deza, coa participación dos escritores da comarca Gonzalo Navaza, Xosé Vázquez Pintor, Ignacio Vilariño e Alba Payo Froid. O moderador será Carlos Negro. Ao remate do acto os escritores asinarán exemplares dos seus libros.

E do domingo 15, último día da Feira, destacamos:
– 12:00 h. Presentación do libro A cociña de Larpeiros 2, de Benigno Campos, publicado por Editorial Galaxia. Xunto co autor, participará no acto o xornalista gastronómico Miguel Vila e o representante da editorial, Xulio Amigo.
– 13:00 h. Cunqueiradas. Monólogo humorístico do actor e autor teatral Cándido Pazó, sobre textos de Álvaro Cunqueiro.

Santiago: actividades do mércores 4 na Feira do Libro

Publicado o por

Continúa a Feira do Libro de Santiago (no Paseo Central da Alameda) até o vindeiro domingo 8 de maio, con horarios de 11:30 a 14:00 h. e de 17:30 a 21:30 h., salvo no fin de semana, en que estará aberta de 11:30 a 14:30 h. e de 17:30 a 21:30 h.
As actividades do mércores 4 son as seguintes:
– 18:00 h. Actividades para nenos. Contacontos a cargo de Brétema Animación.
– 19:00 h. Actuación do actor e humorista Cándido Pazó co seu monólogo Cunqueiradas.
– 20:00 h. Presentación do libro A palabra exacta. Biografía de Lois Pereiro, do escritor Antón Lopo, publicado por Galaxia. Xunto co autor, participan no acto Carlos Lema, director de edicións de Galaxia e o xornalista Xosé Manuel Pereiro.
– 21:15 h. Sorteo dun lote de libros.

Ferrol: actividades da fin de semana na Feira do Libro

Publicado o por

Dentro do programa da Feira do Libro de Ferrol (no Cantón de Molíns), primeira das Feiras do Libro deste ano en Galicia, destacan as seguintes actividades durante o fin de semana:

Sábado 9:
– 12:00 h. Auditorio da Fundación Caixa Galicia: Elas. Palabras que o vento non leva. Experiencias no mundo da palabra, coa participación de Lucía Aldao, Yolanda Castaño, Adela Figueroa e Aurora Marco.
– 13:00 h. Auditorio da Fundación Caixa Galicia: Actuación poético-musical de Lucía Aldao e María Lado.
– 19:45 h. Carpa Institucional da Feira. Presentación do libro Abrapalabra!, de Antón Cortizas e Carlos Coira, publicado en Galaxia.

Domingo 10:
– 13:00 h. Carpa Institucional da Feira. Presentación do libro Madeira de Mulher, de Adela Figueroa (escritora) e Mª Celsa Sánchez (ilustradora), publicado en Edicións do Castro. Presentan o acto Emilia Seoane e Suso Piñeiro.
– 19:15 h. Carpa Institucional da Feira. Monólogo cómico Cunqueiradas, por Cándido Pazó.

Santiago: Cunqueiro e a maxia da palabra no ciclo Galicia, ceo das letras

Publicado o por

O sábado 2 de abril, dentro do Ciclo Galicia, ceo das letras. Sábados de autor, que se desenvolven na Cidade da Cultura, terá lugar esta actividade: Cunqueiro e a maxia da palabra, co seguinte programa:
12:00 | Relatorio: Quico Cadaval. Actor, director, adaptador de teatro e contacontos, é un dos nosos cómicos máis corrosivos e penetrantes, así como un profundo coñecedor do universo máxico de Álvaro Cunqueiro.
13:00 | Cunqueiradas (45 minutos), por Cándido Pazó. Desde a súa longa e recoñecida experiencia, o narrador oral Cándido Pazó reúne neste espectáculo cómico algunhas das súas historias e lerias inspiradas nos contos do xenial mindoniense.

Vigo: inauguración da Biblioteca Xosé Neira Vilas

Publicado o por

O xoves 24 de marzo, ás 18:00 h., na Avenida Martínez Garrido, 21, de Vigo, a Concellaría de Cultura do Concello de Vigo inaugura a Biblioteca Pública Municipal Xosé Neira Vilas. Neste acto participan o autor que dá nome á Biblioteca e Cándido Pazó, que representará un extracto do seu monólogo Memorias dun neno labrego.

Santiago: Memoria das Memorias dun neno labrego, de Cándido Pazó, coa presenza de Xosé Neira Vilas

Publicado o por

O 28 de xaneiro, a partir das 20:30 h., no Salón Teatro de Santiago, estréase o espectáculo de Cándido Pazó Memoria das Memorias dun neno labrego, sobre a obra de Xosé Neira Vilas, quen subirá ao estrado para recibir a merecida e calurosa homenaxe do público.

Santiago: presentación da nova edición de Memorias dun neno labrego, de Xosé Neira Vilas

Publicado o por

O mércores 26 de xaneiro, ás 20:00 h., no Centro Social Novacaixagalicia (Praza de Cervantes, 17) de Santiago de Compostela, terá lugar a presentación da nova edición de Memorias dun neno labrego, de Xosé Neira Vilas, acto co que o Concello da cidade e a Editorial Galaxia conmemoran o 50 aniversario da publicación desta obra.  No acto participan Guadalupe Rodríguez Silva, Víctor F. Freixanes e o propio autor, contando tamén coa presenza do actor e director Cándido Pazó, quen fará un breve apuntamento escénico sobre o seu espectáculo baseado no libro, que se estreará no Salón Teatro de Santiago o 28 de xaneiro ás 20:30 h., onde permanecerá durante tres días. Aquí se pode descargar a presentación do espectáculo: Dossier Memoria das Memorias dun neno labrego. Crónica posterior en Galicia Hoxe e La Voz de Galicia.