Arquivos da etiqueta: Carlos Quiroga

Santiago: actividades sobre Fernando Pessoa en Galicia, ceo das letras

Publicado o por

O sábado 26 de febreiro, dentro do Ciclo Galicia, ceo das letras. Sábados de autor, que se desenvolven na Cidade da Cultura, terá lugar esta actividade:

Fernando Pessoa: da nosa veciñanza, co seguinte programa:
12:00 | Relatorio: Carlos Quiroga. Profesor na Universidade de Santiago e escritor, foi premio extraordinario de doutoramento cunha tese sobre Pessoa.
13:00 | Dulce Pontes e Uxía Senlle (40 minutos). Dúas das máis grandes damas da música popular galega e portuguesa celebran a Fernando Pessoa cantando as súas letras, nun espectáculo inédito, creado especialmente para este ciclo literario.

O Saviñao (Escairón): presentación do libro Circular polo Saviñao III

Publicado o por

O xoves, 23 de decembro, a partir das 20:00 h., no Círculo Saviñao (Rúa Pardo Bazán, 17, O Saviñao, Escairón), preséntase o libro Circular polo Saviñao III, editado por esta entidade para conmemorar o seu 50 aniversario. Nel colaboran, entre outros, Xesús Alonso Montero, Xosé Lois García, Xabier Quiroga, Carlos Quiroga, Siro López e Yolanda Castaño.

Santiago: presentación de Quero Saber Onde Se Agacham As Cores, de Carlos Figueiras

Publicado o por

O martes 21 de decembro, a partir das 19:30 h., na Biblioteca Ánxel Casal (Rúa Xoán XXIII), de Santiago de Compostela, preséntase Três tristes sonhos de princesa. Quero saber onde se agacham as cores, de Carlos Figueiras, con deseños de Leandro Lamas. O libro foi galardoado co Iº Prémio Internacional ‘Galescola’ de Criação de Material Didáctico Infantil, convocado por VOGAL (Viveiro e Observatório das Galescolas) e vai dirixido a rapaces e raparigas de entre 7 e 12 anos de idade. No acto participa, acompañando ao autor, Carlos Quiroga. Entrevista en Galicia Hoxe.

A minha embala gaña o concurso Musicando Carvalho Calero

Publicado o por

O concurso Musicando Carvalho Calero, organizado pola Associaçom Galega da Língua (AGAL) e Komunikando, foi gañado por A minha embala, proxecto da angolana Aline Frazão e o segoviano César Herranz, coa súa versión do tema Maria Silêncio. O xurado estaba formado por Carlos Quiroga, Xavier Freire, Carlos Mourente Valcárcel e Leo Fernández Campos (Leo i Arremecághona). O premio consiste nunha semana nun estudio profesional de música para gravaren os temas que consideraren oportunos e tres dias máis para as misturas e masterización do disco. Este incluirá o tema enviado ao concurso e será editado con licenza Creative Commons. O orzamento do premio foi compartillado polas concellarias de cultura da Coruña, Santiago e Ourense. Máis información na web de Komunikando.

Presentacións de Parecia não pisar o chão, de Carlos Taibo

Publicado o por

O libro de ensaios de Carlos Taibo sobre a figura de Fernando Pessoa, Parecia não pisar o chão, publicado en Através Editora preséntase esta semana en catro cidades galegas:
A terza-feira 21 de setembro ás 20:00 h. no Local Social A Gentalha do Pichel, en Santiago, presentado por Carlos Quiroga.
A quarta-feira 22, ás 20:30 h., no Centro Social Gomes Gaioso da Coruña (rúa Marconi, 9, Monte Alto), presentado por Valentim R. Fagim.
A quinta-feira 23, ás 20:00, na Escola Oficial de Idiomas de Vigo, presentado por Salvador Mourelo.
E, por último, a sexta-feira 24, ás 19:30 h., na Escola Oficial de Idiomas de Lugo, presentado por Joseph Ghanime e Valentim R. Fagim.

Carlos Quiroga entre clássicos universais

Publicado o por

‘A obra narrativa Inxalá, de Carlos Quiroga, foi, por primeira vez, distribuída maciçamente entre público português, ao formar parte da ‘Biblioteca de Verão’ de Diário de Notícias e Jornal de Notícias. A tiragem do livro poderia ter atingido entre cem e cento vinte mil leitores no 27 de Julho passado. Inxalá apareceu na coleçom de clássicos universais em que foram integrados autores como Lewis Carroll, Oscar Wilde, Victor Hugo, Joseph Conrad, Henry James, Bram Stoker, Poe, Eça, Herculano, Tolstoi, Dostoievsky ou Borges, entre outros.’ Máis información no Portal Galego da Língua).

Barcelos (Portugal): tertulia sobre Letras da Galiza na Feira do Livro

Publicado o por

O luns 12 de xullo ás 21:30 h. (hora local), no marco da Feira do Livro de Barcelos (Avenida da Liberdade), desenvolverase unha tertulia sobre Letras da Galiza, onde participarán Francisco Castro, Marta Dacosta, Antía Otero, Xavier Queipo e Carlos Quiroga. O moderador será Vergílio Alberto Vieira.

A Coruña: conferencia de Carlos Quiroga

Publicado o por

O vindeiro martes 23 de febreiro o doutor e profesor da USC Carlos Quiroga Díaz falará dentro do Ciclo, Literatura e Naçom organizado pola Agrupaçom O Facho. A sua charla versará sobre Encontros e desencontros da Literatura Galega com as Lusófonas. Será a partir das oito do serán no local da Fundación Caixa Galicia (Cantón Grande, 21-24).