O Liceo de Ourense organiza a semana que vén os seus XX Encontros Literarios baixo o lema “Literatura e Compromiso”. Este ano contarán coa participación das escritoras Rosa Aneiros, Rosa Regás e Luisa Castro. Podedes ler toda a información neste PDF.
Arquivos da etiqueta: Liceo de Ourense
Ourense: nova edición do roteiro “A Esmorga”
A Sección de Literatura do Liceo de Ourense convoca unha nova edición do Roteiro “A Esmorga” a celebrar hoxe venres 11 de decembro. O inicio do Roteiro terá lugar ás 20,00 horas no lugar de saída habitual, na Avenida de Zamora, para logo irse desprazando ao longo da cidade medieval polos mesmos espazos físicos e emotivos que percorreron os personaxes da inmortal novela de Eduardo Blanco Amor. Cando se cumplen cincuenta anos da primeira edición d’A Esmorga a Sección de Literatura quere convidar a todos os ourensáns a participar neste novo Roteiro que se pechará diante da Estatua do escritor ourensán na Praza do Bispo Cesáreo, rematándo cun “viño galego” na Sala de Tertulia do Liceo.
Ourense: presentación da novela de Rafael Laso Lorenzo
Ourense: homenaxe a Marcos Valcárcel
Ourense: conferencia de Basilio Losada
Maná martes 2 de xuño as oito e cuarto da tarde na Aula de Cultura da Sociedade do Liceo de Ourense o profesor Basilio Losada Castro pronunciará unha Conferencia co título Diálogos con Ramón Piñeiro. Basilio Losada (Láncara, Lugo, 1930), é un tradutor galego, crítico literario, catedrático de Filoloxía Románica na Universidade de Barcelona desde 1986 e catedrático de Filoloxía Galega e Portuguesa. Traduce ao castelán e ao galego e é autor de numerosos estudos críticos sobre a literatura galega, portuguesa e brasileira.
Ourense: conferencia de Henrique Monteagudo
Hoxe venres 22 de maio as oito e cuarto da tarde na Aula de Cultura da Sociedade a Sección de Literatura do Liceo finaliza a sétima edición do Ciclo de Conferencias Visións de Galicia adicadas este ano a Ramón Piñeiro e o Grupo Galaxia, coa Conferencia de Henrique Monteagudo co título Perfil intelectual de Carballo Calero.
Xosé Henrique Monteagudo Romero (Muros, 1959) é profesor de Filoloxía Galega na Universidade de Santiago de Compostela desde 1982, secretario do Consello da Cultura Galega e ademais un recoñecido investigador da Sociolingüística galega.
Ourense: conferencia de Carlos Fernández
Hoxe luns 18 de maio ás oito e cuarto da tarde na Aula de Cultura da Sociedade a Sección de Literatura do Liceo de Ourense continúa cunha nova edición do Ciclo de Conferencias “Visións de Galicia” adicadas este ano a Ramón Piñeiro e o Grupo Galaxia, cunha Conferencia de Carlos Fernández que leva por título O ensaismo na Xeración Galaxia. A entrada é libre.
Ourense: conferencia de Freixanes sobre Fernández del Riego
Mañá venres 15 de maio as oito e cuarto da tarde na Sala de Tertulia da Sociedade a Sección de Literatura do Liceo de Ourense iniciase unha nova edición do Ciclo de Conferencias “Visións de Galicia” adicadas este ano a Ramón Piñeiro e o Grupo Galaxia, coa conferencia de Victor Freixanes que falará sobre a figura de Francisco Fernández del Riego.
Nacido en Vilanova de Lourenzá (Lugo) no ano 1913, Francisco Fernández del Riego é unha das figuras máis relevantes do ensaio e a crítica literaria galega. Avogado de profesión, comezou a militar nas filas do galeguismo durante o período republicano, intervindo en diversos proxectos do grupo Nós e o Seminario de Estudos Galegos. Xunto con Ramón Piñeiro e Xaime Illa Couto, foi un dos principais artífices da Editorial Galaxia (1950), empresa que liderou o proceso de restauración cultural na posguerra. Desta iniciativa xurdiu a revista Grial (1963), que Del Riego dirixiu en colaboración con Piñeiro durante os primeiros cen números e onde participaría asiduamente con artigos e recesións literarias.
Gañadores dos Premios AELG 2009
Na celebración da Cea das Letras, un dos actos máis importantes na vida da Asociación de Escritores en Lingua Galega, foron entregados os premios á mellor obra publicada no 2008 nas modalidades de ensaio, literatura infantil e xuvenil, poesía, narrativa, tradución, teatro, traxectoria xornalística e blog literario, así como á institución que salientara na defensa e difusión da nosa cultura.
Os galardóns, concedidos por escritores/as para escritores/as, levan camiño de se afianzar como uns dos de máis prestixio no noso panorama literario.
Da conxunción de votos emitidos nunha primeira quenda polos asociados/as á AELG -coa participación dos socios/as de Gálix para elixir a mellor obra de Literatura Infantil e Xuvenil e dos membros do Colexio de Xornalistas para a modalidade de Traxectoria xornalística-, elaborouse unha listaxe de obras finalistas correspondentes a cada xénero dos mencionados, sobre a que os socios e socias emitiron de novo o seu voto nunha segunda quenda para elixir as obras gañadoras dos Premios AELG. Unha vez computados os votos, os gañadores do Premio AELG ás mellores obras publicadas no 2008 son:
Ensaio: Miguel Anxo Murado, pola súa obra Fin de século en Palestina (Galaxia)
Literatura Infantil e Xuvenil: Xabier P. DoCampo, pola súa obra O libro das viaxes imaxinarias (Edicións Xerais de Galicia)
Poesía: Xulio L. Valcárcel, pola súa obra A melancolía dos corpos (Ediciones de la Sociedad de Cultura Valle-Inclán)
Narrativa: Inma López Silva, pola súa obra Memoria de cidades sen luz (Galaxia)
Tradución: Gonzalo Navaza, pola tradución da obra As flores do mal, de Charles Baudelaire (Galaxia)
Teatro: Teresa Moure, pola súa obra Unha primavera para Aldara (Deputación Provincial de A Coruña)
Mellor traxectoria xornalística: Ana Romaní
Blog Literario: Marcos Valcárcel, polo seu blog As uvas na solaina
Institucións: Sección de Literatura do Liceo de Ourense
Escritora Galega Universal: Elena Poniatowska
Discurso de Cesáreo Sánchez Iglesias: Vídeo
Lectura e entrega dos Premios AELG 2009: Vídeo
(Vídeos retransmitidos en streaming durante a Cea das Letras no portal Blogaliza)
Ourense: conferencia no Liceo
O próximo luns 11 de maio ás oito e cuarto da tarde na Aula de
Cultura do Liceo de Ourense terá lugar unha conferencia impartida por Miguel Ángel González García, arquiveiro da Catedral de Ourense e Director da Sección de Arte e Historia do Liceo, co título Aspectos de la Beneficiencia en el Ourense del Siglo XIX. A entrada é libre e gratuíta.
