Arquivos da etiqueta: Liceo de Ourense

Ourense: coloquio con Manuel Vicent e Ángel Sánchez Harguindey

Publicado o por

Rematan os Encontros Literarios organizados pola Sección de Literatura do Liceo de Ourense cunha conferencia-coloquio que reunirá ao escritor Manuel Vicent e o xornalista Ángel Sánchez Harguindey arredor do tema Relato corto y articulismo. Será mañá venres 6 de febreiro ás oito e cuarto da tarde na Aula de Cultura da entidade, con entrada libre.

Manuel Vicent, escritor e xornalista valenciano, publicou en Alfaguara Tranvía a la Malvarrosa (1994), Jardín de Villa Valeria (1996), Las horas paganas (1998), Son de Mar (Premio Alfaguara 1999), La novia de Matisse (2000), Cuerpos sucesivos (2003) e Verás el cielo abierto (2005). Colaborador habitual do xornal El País, unha escolma dos seus artigos están recollidos en Nadie muere la víspera (2004). Viajes, fábulas y otras travesías (2006) e Comer y beber a mi manera (2006) son os seus últimos libros publicados.

Ángel Sánchez Harguindey é adxunto á dirección de El País, xornal no que traballou desde a súa fundación, sempre vencellado á área de Cultura e Espectáculos. É autor do libro Memorias de sobremesa. Conversaciones con Rafael Azcona y Manuel Vicent.

Ourense: conferencia de Bieito Iglesias

Publicado o por

Proseguen os “Encontros Literarios” organizados pola Sección de Literatura do Liceo de Ourense. Mañá martes 3 de febreiro ás oito e cuarto da tarde na Aula de Cultura da entidade o escritor galego Bieito Iglesias impartirá a conferencia Conto contado burro aparellado. Os Encontros están patrocinados pola Cátedra Carlos Casares da Universidade de Vigo, financiada pola Vicerrectoría do Campus de Ourense desta Universidade e a Diputación Provincial de Ourense.

Bieito Iglesias Araúxo (Quintián, Coles, 1957). Licenciado en Historia Contemporánea. Profesor de Ensino Secundario en Santiago de Compostela. Colaborador literario en diversas publicacións (La Voz de Galicia, Tempos novos e Dorna). Como tradutor realizou en colaboración con Manuel Vázquez a versión galega da serie de Sherlock Holmes de Arthur Conan Doyle (1995). Como ensaista participou no volume Catro ensaios sobre a esquerda nacionalista (1991). Como narrador ten publicado Luanda (1990), relato policial; Aventura en Nassau (Xerais 1991), contos; Vento de seda (Xerais 1992), novela; Miss Ourense (1994), relatos policiais; Conta os latidos (1995), novela curta; Non sabía que doía tanto, incluído no volume Antoloxía do conto galego de medo (1996); O mellor francés de Barcelona (1999), relatos; A noite das cabras do aire (Xerais 1999), Premio Merlín 1999; A vida apoteósica (Xerais 2001), novela; A historia escríbese de noite (2001), novela, premio García Barros; e os relatos Hotel Arriaga publicado en Materia prima (Xerais 2002) e Momentos decisivos publicado en Longa lingua (Xerais 2002). En 1999 obtivo o premio Ciudad de Salamanca coa novela en castelán Bajo las más bellas estrellas (Algaida 1999).

Ourense: conferencia de José María Merino

Publicado o por

O luns 2 de febreiro ás oito e cuarto da tarde na Aula de Cultura, comenza unha nova edición dos “Encontros Literarios” no Liceo de Ourense, organizados pola Sección de Literatura da Entidade, coa conferencia do escritor José María Merino Sánchez “Del cuento popular al cuento literario”. Este Encontros están patrocinados pola Cátedra Carlos Casares da Universidade de Vigo, financiada pola Vicerrectoría do Campus de Ourense desta Universidade e a Diputación Provincial de Ourense. Os Encontros continuarán ao longo da semana e contarán coa participación de Bieito Iglesias (o martes) e Manuel Vicent e Ángel Sánchez Harguindey (o venres).

José María Merino (A Coruña, 1941) residiu durante moitos anos en León e vive en Madrid. Empezou escribindo poesía e deuse a coñecer como narrador en 1976 coa “Novela de Andrés Choz”, libro co que obtivo o Premio “Novelas y Cuentos”. O escorregadizo da identidade, as súas conexións co mito, o soño e a literatura, e moitos elementos da tradición fantástica caracterizan a súa obra narrativa. A sua novela “La orilla oscura” (Alfaguara, 1985) recibiu o “Premio de la Crítica”. Ademáis, recibiu o “Premio Nacional de Literatura Juvenil” (1993), o “Premio Miguel Delibes de Narrativa” (1996) e o “Premio NH” para libros de relatos editados (2003). En Alfaguara ten publicado, entre outros, “Las crónicas mestizas”, un volume que recolle o seus relatos: “50 cuentos y una fábula” (1997), a novela “El heredero” (2003), “Premio Ramón Gómez de la Serna de Narrativa”, os “Cuentos de los días raros” (2004) e os “Cuentos del libro de la noche” (2005). “El lugar sin culpa” levou en 2007 o premio de narrativa “Gonzalo Torrente Ballester” 2006.

VI Encontro de escritores ourensáns, dedicado a Manuel Curros Enríquez

Publicado o por

A Sección de Literatura do Liceo de Ourense, co patrocinio da Consellería de Cultura e Deporte da Xunta de Galicia, convoca o VI Encontro de Escritores Ourensáns nunha xornada dedicada ao Centenario de Manuel Curros Enríquez, para o vindeiro venres, 17 de outubro a partir das oito e cuarto da tarde no Liceo de Ourense. Programa. (Liceo de Ourense)

Próximos actos literarios do Liceo de Ourense

Publicado o por

O Liceo de Ourense programa para a semana próxima unha programación intensa, que ofrecemos a modo de avance:

Martes, 11 de marzo.
Organizado pola Sección de Literatura: Xornada adicada á memoria de Manuel Curros Enríquez no I Centenario do seu pasamento

12:00 horas. Colexio Curros Enríquez: Ofrenda floral e Recital diante da Estatua do Poeta polos Alumnos do Colexio. Intervención de Marcos Valcárcel.

20:15 horas. Salón Nobre do Liceo de Ourense: mesa redonda “Vida e obra de Curros Enríquez”. Interveñen Xesús Alonso Montero, Antonio Piñeiro e Marcos Valcárcel.

Mércores, 12 de marzo
Organizado pola Sección de Literatura: Xornada literaria “A Muller e a Poesía”.

20:15 horas. No Salón Nobre da Sociedade, con motivo da celebración do Día Internacional da Muller Traballadora: recital póetico-musical a cargo de Teresa Devesa e Loly Conde.

(Liceo de Ourense)

Novo “Roteiro da Esmorga” en Ourense

Publicado o por

«A Sección de Literatura do Liceo de Ourense convoca unha nova edición do “Roteiro da Esmorga”, a celebrar o próximo luns 10 de decembro. O inicio do Roteiro terá lugar ás 19:30 horas no lugar de saída habitual, na Avenida de Zamora, para logo irse desprazando ao longo da cidade medieval polos mesmos espazos físicos e emotivos que percorreron os personaxes da inmortal novela de Eduardo Blanco Amor.
Nesta ocasión o peche deste novo Roteiro farase diante da estatua do escritor ourensán na Praza do Bispo Cesáreo, rematándo cun viño galego na Aula de Cultura do Liceo.» (Liceo de Ourense)

VI Aniversario da Sección de Literatura do Liceo de Ourense

Publicado o por

«O luns 26 de novembro, ás 20:15 horas, no Salón Nobre da Sociedade, a Sección de Literatura do Liceo celebrará o seu VI Aniversario coa intervención Marcos Valcárcel, Director da Sección, quen impartirá unha Confererencia titulada “O pobo galego nunca parou de cantar :revirivoltas sobre a nosa Literatura Popular”, ademáis dun Recital poetico-musical.» (Liceo de Ourense)

Entrega do VIº Premio Carlos Casares de microrrelato do Liceo de Ourense

Publicado o por

O venres 22 de xuño, ás 20:30 horas no Salón Nobre do Liceo, celebrarase o acto de entrega do “VIº Premio Carlos Casares de microrrelato”, ao que se presentaron case setecentos traballos. O acto, no que se lembrará a figura do falecido escritor que dá nome aos premios, D. Carlos Casares Mouriño, socio de honra da institución cultural, rematará coa actuación da Coral do Liceo.

Remata o ciclo de conferencias do Liceo de Ourense

Publicado o por

“O próximo martes 22 de maio a Sección de Literatura do Liceo de Ourense, co gallo da celebración do Día das Letras Galegas adicado a autora María Mariño, organiza una Xornada co seguinte programa:
-Ás 17:30 horas, na Sala de Tertulia: Recital de poesía co gallo das Letras Galegas adicado a ”María Mariño”.
-Ás 20:15 horas, no Salón Noble: Conferencia de Carmen Blanco sobre ”Maria Mariño”.
Como remate do Vº Ciclo de Conferencias Visións de Galicia co título “As mulleres na cultura galega”.”