O 
venres 11 de marzo a partir das 19:45 h., na Casa do Libro (Rúa Velázquez Moreno, 27) de Vigo, preséntase o libro Fundación Libélula, de Yashmina Shawki, publicado en Xerais. O acto contará coa participación de María Xosé Queizán, Manuel Bragado e a propia autora.
Arquivos da etiqueta: María Xosé Queizán
María Xosé Queizán, Marilar Aleixandre e Dolores Vilavedra optan á Real Academia
Vigo: presentación de Fundación Libélula, de Yashmina Shawki
O venres 11 de febreiro a partir das 19:45 h., na Casa do Libro (Rúa Velázquez Moreno, 27) de Vigo, preséntase o libro Fundación Libélula, de Yashmina Shawki, publicado en Xerais. O acto contará coa participación de María Xosé Queizán, Manuel Bragado e a propia autora.
María Xosé Queizán: “A Real Academia é, en si mesma, machista e patriarcal”
Vigo: presentación de Randea do alento, de Herta Müller, traducido por Marga do Val
O 
venres 14 de xaneiro, a partir das 20:00 h., na Libraría Andel (Rúa Pintor Lugrís, 10) de Vigo, preséntase a novela Randea do alento, da premio Nobel alemana Herta Müller, traducida por Marga do Val, e publicada en Xerais. O acto contará coa participación da tradutora, acompañada de María Xosé Queizán, Valentín Arias e Fran Alonso.
O Concello de Vigo propón a María Xosé Queizán como académica
(Xornal)
Tui: presentación de Randea do alento, de Herta Müller, traducida ao galego por Marga do Val
O martes 5 de outubro, a partir das 20:00 h., preséntase na Biblioteca Municipal de Tui a tradución ao galego da última novela da Premio Nobel alemana Herta Müller, Randea do alento, obra de Marga do Val, publicada recentemente en Xerais. No acto participará a propia tradutora, María Xosé Queizán, e Montserrat Bascoy Lamelas, doutora en Filoloxía xermánica.
María Xosé Queizán: “A axilización das ideas”
Entrevista
a María Xosé Queizán en Galicia Hoxe:
“Galicia Hoxe (GH): Ten algún proxecto literario?
María Xosé Queizán (MXQ): Estou repasando un ensaio que vai saír en outuno, creo, e unha obra de teatro que tamén teño escrita. Probablemente me dedicarei ás miñas memorias, pero iso xa o veremos.
(…)
GH: Estivo lendo neste verán?
MXQ: Estou con Ideas sobre la complejidad del mundo de Jorge Wagensberg, un científico filósofo. Tamén estou lendo un libro de Ángel Rodríguez Gallardo sobre as vidas de Enriqueta Otero Blanco e Genes, pueblos y lenguas, de Luigi Luca Cavalli-Sforza. Pola noite leo novelas de crime e policiais.”
Vigo: mesa redonda “Rosalía de Castro, aurora e porvir”
«Neste ano 2010 no que se celebra o 125 aniversario do pasamento de Rosalía de Castro, o Consello Municipal da Muller de Vigo queremos rendirlle unha homenaxe e reivindicar a súa figura destacada como feminista, defensora da nosa cultura e da nosa língua, con tal motivo imos celebrar o seguinte acto: “Rosalía de Castro, aurora e porvir”, unha mesa redonda integrada por:
– Mª Xosé Queizán Vila: “A xustiza pola man de Rosalia de Castro verso a verso”
– Pilar García Negro: “A evidencia frente a conveniencia sexista”
– María do Cebreiro Rábade: ” O sentido ético da poesía de Rosalía de Castro”
Será o mércores 26 de maio ás 20:00 no Centro de Documentación e Recursos Feministas de Vigo (Biblioteca Pública Central. Rúa Joaquín Yáñez, 6 -2º andar), no Casco Vello de Vigo.» Organiza o CONSELLO MUNICIPAL DA MULLER DE VIGO.
Vigo: hoxe María Xosé Queizán fala sobre Amor de tango
«O luns 12 de abril, ás 20.00 horas, a escritora María Xosé Queizán ditará unha conferencia no Salón de Actos da Escola Oficial de Idiomas de Vigo arredor de “Amor de tango e o Vigo da primeira metade do século XX”.
En Amor de tango María Xosé Queizán ofrece unha novela que reconstrúe o Vigo da república e da represión franquista a través dos recordos de Margot, unha das protagonistas. É a novela das mulleres que durante os esperanzados anos 20 e 30 foron rapazas activas, ilusionadas e decididas a descubrir o mundo. É a novela das traballadoras que espertaron á vida naquela urbe pioneira, atlántica e liberal que era o Vigo de preguerra. É a novela das obreiras das fábricas de sardiñas que están estreitamente ligadas están ao desenvolvemento industrial da cidade e da ría. É a novela dos trasatlánticos, das fábricas de salazón, do Cable Inglés, das grandes Navieiras, da emigración, do Berbés. Memoria viguesa, intimismo, historia miúda e persoal e retratos construídos desde un eficaz realismo constitúen os eixos sobre os que gravita este fermoso e inesquecible canto a Vigo e as mulleres que a poboaron.»
