Mañá xoves 28 de maio ás 20:00h na Galería Sargadelos de Ferrol terá lugar a presentación do libro de Jorge Llorca O salto do can. Participan no acto ademais do autor o editor Manolo Bragado e o escritor Xabier P. Docampo.
Arquivos da etiqueta: Xabier P. DoCampo
A Coruña: conferencia-coloquio de Xabier P. DoCampo
Hoxe mércores 27 de maio ás 20 horas na Casa das Atochas o escritor Xabier DoCampo impartirá unha palestra-coloquio arredor do tema A literatura infantil e xuvenil galega. A entrada é libre.
Gañadores dos Premios AELG 2009
Na celebración da Cea das Letras, un dos actos máis importantes na vida da Asociación de Escritores en Lingua Galega, foron entregados os premios á mellor obra publicada no 2008 nas modalidades de ensaio, literatura infantil e xuvenil, poesía, narrativa, tradución, teatro, traxectoria xornalística e blog literario, así como á institución que salientara na defensa e difusión da nosa cultura.
Os galardóns, concedidos por escritores/as para escritores/as, levan camiño de se afianzar como uns dos de máis prestixio no noso panorama literario.
Da conxunción de votos emitidos nunha primeira quenda polos asociados/as á AELG -coa participación dos socios/as de Gálix para elixir a mellor obra de Literatura Infantil e Xuvenil e dos membros do Colexio de Xornalistas para a modalidade de Traxectoria xornalística-, elaborouse unha listaxe de obras finalistas correspondentes a cada xénero dos mencionados, sobre a que os socios e socias emitiron de novo o seu voto nunha segunda quenda para elixir as obras gañadoras dos Premios AELG. Unha vez computados os votos, os gañadores do Premio AELG ás mellores obras publicadas no 2008 son:
Ensaio: Miguel Anxo Murado, pola súa obra Fin de século en Palestina (Galaxia)
Literatura Infantil e Xuvenil: Xabier P. DoCampo, pola súa obra O libro das viaxes imaxinarias (Edicións Xerais de Galicia)
Poesía: Xulio L. Valcárcel, pola súa obra A melancolía dos corpos (Ediciones de la Sociedad de Cultura Valle-Inclán)
Narrativa: Inma López Silva, pola súa obra Memoria de cidades sen luz (Galaxia)
Tradución: Gonzalo Navaza, pola tradución da obra As flores do mal, de Charles Baudelaire (Galaxia)
Teatro: Teresa Moure, pola súa obra Unha primavera para Aldara (Deputación Provincial de A Coruña)
Mellor traxectoria xornalística: Ana Romaní
Blog Literario: Marcos Valcárcel, polo seu blog As uvas na solaina
Institucións: Sección de Literatura do Liceo de Ourense
Escritora Galega Universal: Elena Poniatowska
Discurso de Cesáreo Sánchez Iglesias: Vídeo
Lectura e entrega dos Premios AELG 2009: Vídeo
(Vídeos retransmitidos en streaming durante a Cea das Letras no portal Blogaliza)
Programa de actividades da Consellería de Cultura na 35ª Feria Internacional del Libro de Buenos Aires
Sábado 25 de abril ás 19:00, Sala Jorge Luis Borges: Día de Galicia. Participan: Víctor Freixanes, Xabier P. Docampo e Maria Rosa Lojo. Ás 19:30 concerto de Treboeiro Orquestra Galega.
Domingo 26 de abril ás 18:00, Sala Roberto Arlt: Obradoiro de ilustración para nenos. Participan Xosé Cobas e Xabier P. Docampo.
Luns 27 de abril ás 18:30, Sala Adolfo Bioy Casares: Homenaxe ao libreiro Francisco Gil. Participan: Antonio Pérez-Prado, Eustasio García, Carlos Penelas e Nilda Magnaghi. Modera: Ruy Farías.
Martes 28 de abril ás 19:30, Sala Alfonsina Storni: Conferencia “La percepción a través de los sentidos” por Xosé Cobas.
Mércores 29 de abril ás 20:30, Sala Domingo F. Sarmiento: Presentación Letras de Galicia (antoloxía de narrativa e revista). Interveñen Xabier P. Docampo, Xosé Cobas e Graciela Deza. Modera: Débora Campos.
Máis información: páxina web da Feira do Libro de Bos Aires.
Xabier Docampo e Marcos Calveiro, premios Irmandade do Libro 2009
O escritor Xabier DoCampo recibiu onte no Carballiño o premio Irmandade do Libro ao “Autor do ano 2008”, outorgado pola Federación de Libreiros de Galicia. Na categoría de “Libro do ano 2008” o vencedor foi Marcos S. Calveiro pola novela Festina lente. Tamén recibiron premios Alvarello editora (“Obra editorial 2008” pola Colección rescate), as bibliotecas públicas de Oleiros (“Fomento da lectura”), o IES Blanco Amor de Ourense (“Centros de ensino”), a Asociación Cultural Rosalía de Castro (“Institucións”) e Andel do libro galego e portugués (“Librarías”).
Xabier P. Docampo, autor do ano para a Federación de Libreiros
A Federación de Libreiros entrega este sábado 28 de marzo no Carballiño os premios Irmandade do Libro, que acadan a súa edición número dezaoito. O autor destacado este ano polos libreiros é Xabier P. Docampo, que recibirá unha estatuíña e máis un cheque por valor de 2.000 € para adquirir libros. Esa noite coñeceranse ademais os gañadores no resto de categorías, cuxos finalistas relatamos a seguir:
Fomento da lectura:
Biblioteca Pública de O Porriño
Bibliotecas Públicas de Oleiros
Asociación Cultural Lonxa Literaria, de Moaña
Institucións:
Casino de Santiago
Asociación Cultural IES Rosalía de Castro
Liceo Recreo Ourensán
Librarías:
Andel do Libro Galego e Portugués
Libraría Porta da Vila, de Viveiro
Libraría Paz, de Pontevedra
Mellor libro do ano 2008:
Fin de século en Palestina. Miguel Anxo Murado. Editorial Galaxia.
Festina lente. Marcos S. Calveiro. Edicións Xerais de Galicia.
O xardín das pedras flotantes. Manuel Lourenzo. Edicións Xerais de Galicia
Obra editorial do ano 2008:
As flores do mal. Editorial Galaxia.
Guía das plantas de Galicia. Edicións Xerais.
Colección rescate. Alvarellos editora.
Centros de ensino:
CEIP de Quintela – Moaña
CEIP San Martiño, de Igrexa-Salcedo –Pontevedra
IES Blanco Amor, de Ourense
Fina Casalderrey, homenaxeada no Salón do Libro Infantil e Xuvenil
Fina Casalderrey é a autora homenaxeada no Salón do Libro Infantil e Xuvenil de Pontevedra, que comeza o próximo domingo 1 de febreiro. Mutacións xenéticas, Quen me quere adoptar? ou A lagoa das nenas mudas son algúns fitos na carreira dunha escritora que conta entre os seus premios co Nacional de Literatura Infantil e Xuvenil de 1996 pola obra O misterio dos fillos de Lúa.
Fina Casalderrey foi a encargada de facer a laudatio do autor ao que se lle rendeu tributo na anterior edición do Salón do Libro, Xabier P. Docampo. Poden ver o vídeo desa intervención neste enderezo.
Os lectores de Fervenzas Literarias elixen o mellor de 2008
Fervenzas literarias deu a coñecer hai uns días o resultado da enquisa que fixo entre os seus lectores para elixir o mellor de 2008 no ámbito da literatura en galego. Velaquí os gañadores:
Mellor libro de narrativa adultos do ano: Festina lente (Xerais) de Marcos S. Calveiro.
Mellor libro de poesía adultos do ano: construcións (Positivas) de Eduardo Estévez.
Mellor libro de ensaio adultos do ano: Os Grouchos (Xerais) de Manuel O’Rivas.
Mellor libro para adultos traducido ao galego do ano: Lolita (Faktoría K) de Vladimir Nabokov.
Mellor libro xuvenil do ano: O libro das viaxes imaxinarias (Xerais) de Xabier P. Docampo.
Mellor libro infantil do ano: Das novas cousas de Ramón Lamote (Galaxia) de Paco Martín.
Mellor libro infantil e xuvenil traducido ao galego do ano: Un casoiro ben mal amañado (Sotelo Blanco) de Bali Rai.
Autor/a do ano: Marcos S. Calveiro.
Mellor ilustrador/a do ano: Xosé Cobas.
Mellor portada adultos do ano: Pan e coitelo (Galaxia).
Mellor portada infantil/xuvenil do ano: O libro das viaxes imaxinarias (Xerais).
Mellor editorial do ano: Xerais.
Mellor crítico/a literario do ano: Ramón Nicolás.
Mellor iniciativa literaria do ano: Cultur.gal
O mellor acontecido no 2008: Premios Nacionais/Recoñecemento a Xusto Beramendi e a Agustín Fernández Paz.
O peor acontecido no 2008: Consellería de Cultura e Deporte.
Mellor libraría: Libraría Arenas (A Coruña).
Mellor medio de comunicación: Diario Cultural da Radio Galega.
Mellor blog: As uvas na solaina.
A Coruña: Presentación do libro O libro das viaxes imaxinarias, de Xabier Docampo e Xosé Cobas
O xoves 13 de novembro, ás 20:00 na Biblioteca Pública da Coruña Miguel González Garcés, terá lugar a presentación do libro O libro das viaxes imaxinarias, de Xabier Docampo e Xosé Cobas. Tamén será inaugurada unha exposición coas ilustracións de Xosé Cobas. (Biblioteca Pública Nodal Miguel González Garcés)
Xavier P. Docampo na Universidade da Coruña
No marco do Escritores-as na Universidade: II Ciclo de Conferencias, a Asociación de Escritores en Lingua Galega e a S. X. de Política Lingüística, en colaboración coas Universidades da Coruña e Vigo, achegan á comunidade universitaria e á sociedade en xeral a oportunidade de escoitar unha extraordinaria pléiade de escritores e escritoras das nosas letras.
Na Universidade da Coruña (Facultade de Filoloxía, Campus da Zapateira) o 14 de novembro (12:30 horas) contarase coa presenza de Xabier P. Docampo.
