Coñécense os/as gañadores/as dos XXIV Premios Irmandade do Libro

DesdeFederación de Librarias de Galicia Sermos Galiza:
“Que Yolanda Castaño era a gañadora como autora do ano xa se adiantara uns días antes de que a Federación de Libreiros entregara este sábado os seus premios. Contos do mar de Irlanda, de Xurxo Souto, sería o recoñecido como mellor libro do ano. (…)
Canda el, fixéronse públicos os nomes gañadores das outras edicións que recaeron no IES Castro Alobre de Vilagarcía como centro de ensino, na editorial Alvarellos polo fomento da lectura, Xiqui Xoque, Fiú fiú! (Galaxia) como libro infantil e xuvenil do ano e Urco Colección Gótica como Obra editorial.
Na modalidade de librarías foi premiada O Pontillón mentres que a La Región mereceu o recoñecemento de honra dos Premios Irmandade do Libro.

Chus Pato, autora do ano nos premios Irmandade do libro

Desde Sermos Galiza (a foto é da Federación de Librarías):
“A XXIII edición dos premios Irmandade do Libro que anualmente entrega a Federación de librarías de Galicia tivo lugar desta volta en Rianxo. A vila de Castelao acolleu a cerimonia de entrega que contou coa presenza, entre outras persoas, do conselleiro de Cultura e Educación, Jesús Vázquez, e do propio alcalde, Adolfo Muíños.
Nesta ocasión, os galardóns Irmandade do libro foron para Chus Pato, como autora e Ulises de James Joyce (Editorial Galaxia) como libro do ano 2013. Nas demais categorías trunfaron a triloxía Ámote Leo A. de Rosa Aneiros como obra infantil e xuvenil e a Libraría Ramón Cabanillas de Cambados, que recibiu o recoñecemento da Federación nesta ocasión.
Pola súa banda, a Biblioteca Pública Valle Inclán de Redondela recibiu o galardón polo seu fomento da leitura. O premio Irmandade do libro á mellor colección do 2013 recolleuno a Colección Cociña infantil e familiar da Editorial Ouvirmos. En relación aos centros de ensino, a Federación premiou o CEIP Manuel Suárez Marquier do Rosal.
Os premios concedidos, explican desde a Federación, visan recoñecer “a todos os que cren que traballar polas ideas, pola lingua, pola cultura é unha excelente achega para o desenvolvemento integral da nosa sociedade” polo que animaron a todo o sector a “non fechar os ollos” malia a situación económica e continuar traballando a prol do “libro e a leitura” como “ferramentas imprescindíbeis de progreso”. (…)”

Convocados os XXIII Premios Irmandade do Libro

A Federación de Librarías de Galicia convoca os XXIII Premios Irmandade do Libro, cos que a organización libreira de Galicia quere render homenaxe aos que durante o ano 2013 destacaron no seu traballo para que o libro e a lectura segan a ter un presente activo e un futuro determinante para a sociedade galega.

Os premios convócanse nas seguintes modalidades:
Centros de Ensino.
Librarías.
Fomento da Lectura.
Libro do Ano, Libro Infantil e Xuvenil do Ano, Obra Editorial.
Autor – Autora.

A entrega de premios será na localidade coruñesa de Rianxo o día 5 de abril.

BASES DA MODALIDADE DE LIBRO DO ANO 2013, LIBRO INFANTIL E XUVENIL DO ANO 2013 E OBRA EDITORIAL

LIBRO DO ANO 2013
Este apartado da modalidade ten por obxecto distinguir un libro, dirixido ao público adulto, escrito preferentemente en lingua galega e distribuído nas librarías de Galicia durante o ano 2013, que pola calidade e interese do seu contido e pola acollida, tanto da crítica como do público lector, teña acadado especial relevancia na nosa sociedade.
LIBRO INFANTIL E XUVENIL DO ANO 2013
Nesta modalidade, valorarase e premiarase un libro dirixido ao público infantil e xuvenil, escrito preferentemente en lingua galega e distribuído en Galicia durante o ano 2013 que polo seu valor literario, polo interese do seu contido, pola calidade das ilustracións (no seu caso) e pola potenciación de valores necesarios para o desenvolvemento persoal dos lectores, resulte relevante.
OBRA EDITORIAL
Neste apartado quere premiarse a calidade técnica e material dunha publicación, o esforzo editorial, o aporte documental e gráfico e o carácter innovador dunha obra ou dunha serie de obras que teñan un especial significado no panorama cultural e social galego.

Poderán participar en calquera dos tres apartados todas as editoriais galegas cos libros dos seus fondos e aqueloutras que, sen pertencer á nosa comunidade, teñan obras de especial interese para a sociedade galega.
As Agrupacións de Librarías pertencentes á Federación de Librarías de Galicia poderán presentar propostas nos mesmos termos que as editoriais.
Os interesados na participación, deberán documentar as mesmas e enviar dous exemplares dos libros propostos, antes do día 7 de marzo de 2014 á Federación de Librarías de Galicia (Rúa República de El Salvador, 28 entrechán B. 15701 Santiago de Compostela) facendo constar no paquete XXIII Premios Irmandade do Libro.
Os libros quedarán de propiedade da organización, agás petición expresa en contra por parte da editorial.
As editoriais autoras da edición das obras gañadoras, recibirán unha figura alegórica de bronce, deseño exclusivo do artista lucense Ismael López Fernández, realizada nos talleres Artebronce, de Goián e unha campaña dos libreiros asociados para a divulgación dos libros gañadores en todas as librarías pertencentes á Federación de Librarías de Galicia. O acto terá lugar en Rianxo, o día 5 de abril de 2014.
O xurado, presidido polo titular da Federación de Librarías que terá voto de calidade, estará formado por un escritor ou escritora en lingua galega. Un profesor ou profesora de lingua e literatura galega. Un bibliotecario ou bibliotecaria. Un representante da Xunta de Galicia. Un libreiro ou libreira, membro da Federación de Librarías. Actuará como secretario, con voz e voto o secretario da Federación de Librarías de Galicia.”

BASES DA MODALIDADE DE AUTOR/A

“Ten por obxecto premiar o labor profesional realizada a prol do libro e da lectura no ano 2013 por parte das librarías galegas pertencentes á Federación de Librarías de Galicia.
Os interesados deberán enviar unha memoria explicativa da proposta na que se destaquen os méritos da candidatura e, sobre todo, a súa actividade profesional e a súa participación na promoción e difusión do libro e a lectura, a incorporación e utilización de novas tecnoloxías ao servizo do libro, da lectura e da cultura en xeral no contorno no que desenvolve o seu traballo, así como as súas achegas á defensa solidaria dos intereses do colectivo de libreiros e do seu prestixio profesional.
As propostas das candidaturas, poderán ser presentadas pola libraría interesada, por outra libraría ou colectivo de libreiros, polas Agrupacións de Libreiros pertencentes á Federación de Librarías de Galicia e pola propia Federación.
As propostas deberán presentarse na Federación de Librarías de Galicia (República de El Salvador, 28 entrechán B. 15701 Santiago de Compostela) antes do 7 de marzo de 2014. Poderán enviarse por correo postal, fax (981599958) ou correo electrónico (libreiros@librarías.org).
O gañador recibirá unha figura alegórica de bronce, deseño exclusivo para os Premios Irmandade do Libro, do artista lucense Ismael López Fernández e realizada nos talleres Artebronce de Goián, que será entregada no transcurso dun acto que se celebrará en Rianxo, o 5 de abril de 2014.
O xurado estará formado polas seguintes persoas: O presidente da Federación de Librarías de Galicia que presidirá o xurado con voto de calidade. Un escritor ou escritora en lingua galega. Un profesor ou profesora de lingua e literatura galega. Un representante da Xunta de Galicia. Un bibliotecario ou bibliotecaria. Un libreiro ou libreira, pertencente á Federación de Librarías. Actuará como secretario, con voz e voto, o secretario da Federación de Librarías de Galicia.
A participación no certame implica a plena aceptación das bases.”

Entregáronse os XXII Premios Irmandade do Libro

Desde Sermos Galiza:
““Pola ampliación de horizontes da narrativa galega” a novela A noite branca, de Francisco Fernández Naval, foi recoñecida como Mellor Obra do ano 2012 polo xurado dos premios Irmandade do Libro, galardóns que cada ano convocan a Federación de Libreiros e Libreiras de Galicia e que se entregaron o pasado sábado na Casa de Cultura en Monforte.
O libro e a lectura son os protagonistas desta convocatoria que aplaudiu o traballo desenvolvido por Antonio Reigosa, e as persoas que contribúen no proxecto, diante do web Galicia Encantada por “manter vivo o mundo mítico galego”, alén do seu traballo divulgador e de se ter convertido en referencia nos centros de ensino. No apoio á lectura no ámbito escolar foi precisamente o CEIP de Quintela de Moaña o centro sobre o que o xurado deitou os seus ollos polas actividades desenvolvidas e pola “relación pedagóxica coas librarías e coas biblitecas públicas da zona”.
Un establecemento especializado, a Kómic de Santiago fíxose co premio á mellor libraría, primeira que se dedicou á distribución deste xénero.
As Guías da Natureza de Baía Edicións foi o proxecto recoñecido como Obra Editorial do Ano pola “contribución a que a rica terminoloxía galega relativa á natureza perviva e á divulgación do medio natural como unha maneira de colaborar na súa conservación”.
Os nomes das propostas galardoadas déronse a coñecer no acto de entrega desenvolvido en Monforte o pasado sábado día 20, unha vez con antelación se dera a coñecer o nome de María Xosé Queizán como mellor autora do ano, nestes galardóns outorgados por libreiros e libreiras que teñen como obxectivo destacar o traballo de persoas e iniciativas que contribúen á difusión do libro e a lectura.”

Convocados os XXII Premios Irmandade do Libro

A Federación de Libreiros de Galicia comunica a celebración dos XXII Premios Irmandade do Libro nas modalidades de:

Libraría.
Autor/a.
Libro do ano.
Centro de ensino.
Obra editorial.
Fomento da lectura.

Estes premios pretenden homenaxear a todas as persoas, entidades e institucións que durante o ano 2012 desenvolveron unha actividade salientable a prol do libro e da lectura en galego.
A presente edición terá lugar en Monforte de Lemos o día 20 de abril de 2013. O acto terá lugar na Casa da Cultura da localidade monfortina.
As bases están dispoñibles no apartado da web Premios Irmandade do Libro, e as candidaturas podense presentar a través de email: libreiros@librarias.org, correo postal: Rep. de El Salvador, 28 Entrechán B, 15701 Santiago de Compostela ou por fax: 981591421.

Santiago de Compostela, xaneiro de 2013

Entregados os Premios Irmandade do Libro 2012

“A Federación de Libreiros de Galicia entregou en Lalín os Premios Irmandade do Libro. Resultou galardoada na modalidade de institución, a Real Academia Galega, a Biblioteca Central Rialeda do Concello de Oleiros, polo fomento da lectura, a obra Mitoloxía de Galiza, de Vítor Vaqueiro, na modalidade editorial do ano 2011, o CEIP de Riomaior (Pontevedra), centro de ensino do ano, Non hai noite tan longa, de Agustín Fernández Paz, Libro do Ano 2011. A Libraría Cartabón de Vigo foi recoñecida na modalidade das librerías. No apartado de autor o recoñecido foi Gonzalo Navaza.” Vía Galaxia.

Víctor F. Freixanes obtén o premio Irmandade do Libro na categoría de mellor autor

Os premios Irmandade do Libro, que entrega anualmente a Federación de Libreiros, teñen xa gañador na categoría de mellor autor. Víctor F. Freixanes alzouse con este galardón na vixésima edición do certame pola súa novela Cabalo de ouros, publicado en Galaxia. Os organizadores anuncian que o resto dos vencedores daranse a coñecer o vindeiro 2 de abril, día no que, a partir das 21:00 h. se celebrará a cerimonia de entrega. As categorías pendentes de se coñecer son as do Libro do Ano, Obra Editorial, Centro de Ensino, Libraría, Institución e Fomento da Lectura. Vía Cultura Galega. Tamén reseñado en Galaxia, Galicia Hoxe, Galiciaé, La Opinión e La Voz de Galicia.

Convocatoria dos XX Premios Irmandade do Libro

A Federación de Libreiros de Galicia convoca os XX A FEDERACIÓN DE LIBREIROS DE GALICIA convoca os XX Premios Irmandade do Libro, nas seguintes modalidades:

MODALIDADE DE CENTROS DE ENSINO. BASES:
Nesta modalidade premiaranse as actividades relacionadas co fomento da literatura e da lectura en xeral e da galega en particular.
Poderán participar todos os centros de ensino públicos e privados de Galicia, presentando na Federación de Libreiros de Galicia (Rúa República de El Salvador, 28 entrechán B. 15701 Santiago de Compostela) unha memoria detallada do traballo realizado no centro na divulgación do libro e da lectura, especialmente en galego, durante o ano 2010. Nesta memoria, deberá figurar o enderezo, teléfono, fax e correo electrónico.
Os traballos deberán presentarse na Federación de Libreiros de Galicia debidamente identificados, para o seu rexistro e certificación da data de entrada. No caso de envialos por axencia ou por correo, deberán certificalos para poder acreditar a data de entrega no seu destino. Tamén se poden enviar por fax (981591421) ou por correo electrónico( libreiros@librarias.org)
A data límite para a recepción dos traballos nos locais da Federación de Libreiros de Galicia, será a do 11 de marzo do 2011.
O gañador, recibirá unha figura alegórica de bronce, deseño exclusivo para os Premios Irmandade do Libro do artista lucense Ismael López Fernández, realizada nos talleres Artebronce, de Goián e un cheque por importe de 2.000 € para a adquisición de libros en calquera das librarías integradas na Agrupación de Libreiros á que pertenza a localidade do colexio gañador. A Federación de Libreiros de Galicia, non se fará cargo do importe dos libros adquiridos noutras librarías non autorizadas.
A entrega dos premios, terá lugar nunha cea que se celebrará en Narón (A Coruña), o día 2 de abril de 2011.
Os traballos presentados serán devoltos pola organización.
O xurado estará formado polas seguintes persoas: O presidente da Federación de Libreiros de Galicia, que presidirá o xurado, con voto de calidade. Un escritor ou escritora en língua galega. Un profesor ou profesora de língua e literatura galega. Un representante da Xunta de Galicia. Un bibliotecario ou bibliotecaria. Un libreiro ou libreira, pertencente á Federación de Libreiros de Galicia. Actuará como secretario, con voz e voto, o secretario da Federación de Libreiros de Galicia.
A participación no certame, implica a plena aceptación das bases.

MODALIDADE DE AUTOR/AUTORA . BASES:
Ten por obxecto premiar a un autor ou autora que, tendo publicado un libro no ano 2010, se distinga pola súa traxectoria en defensa do libro e da lectura, especialmente en galego.
Os interesados deberán achegar unha memoria na que consten os méritos alegados tendo en conta o obxetivo do premio. Poderán presentar propostas o propio autor, unha persoa ou colectivo, asociacións ou institucións que así o consideren, así como un libreiro ou agrupación de libreiros que o estime oportuno.
As propostas deberanse enviar á Federación de Libreiros de Galicia (República de El Salvador, 28 entrechán B. 15701 Santiago de Compostela) antes do día 11 de marzo de 2011. Tamén se poden enviar por fax (981591421) ou por correo electrónico (libreiros@librarias.org).
O gañador, recibirá unha figura alegórica de bronce, deseño exclusivo para os Premios Irmandade do Libro, do artista lucense Ismael López Fernández, realizada nos talleres Artebronce de Goián, que será entregada no transcurso dunha cea que se celebrará o 2 de abril de 2011, en Narón (A Coruña).
O xurado estará formado polas seguintres persoas: O presidente da Federación de Libreiros de Galicia que presidirá o xurado con voto de calidade. Un escritor ou escritora en língua galega. Un profesor de língua e literatura galega. Un representante da Xunta de Galicia. Un bibliotecario ou bibliotecaria. Un libreiro ou libreira, pertencente á Federación de Libreiros. Actuará como secretario, con voz e voto, o secretario de Federación de Libreiros de Galicia.
A participación no certame, implica a plena aceptación das bases.

MODALIDADE DE FOMENTO DA LECTURA. BASES:
Ten por obxecto premiar calquera tipo de actividade realizada para o fomento da lectura, coa utilización de soportes tanto impresos como virtuais (páxinas web, internet) e que asemade contribúan á promoción e divulgación do libro e a lectura durante o ano 2010.
A documentación a presentar, consistirá nunha memoria da actividade na que, dun xeito específico, se divulgue ou promocione o libro e a lectura, especialmente en galego.
As propostas de participación e documentación, poderán ser presentadas polos propios interesados ou por outras persoas ou colectivos interesados na proposta.
A data límite para o envío da documentación á Federación de Libreiros de Galicia (Rúa República de El Salvador, 28 entrechán B. 15701 Santiago de Compostela), é o 11 de marzo de 2011. O envío estará debidamente identificado para o seu rexistro e certificación da data de entrega. Tamén se poderá envialo por correo electrónico (libreiros@librarias.org) ou por fax (981591421)
O gañador recibirá unha figura alegórica de bronce, deseño exclusivo para os Premios Irmandade do Libro, realizada polo artista lucense Ismael López Fernández, e un cheque por importe de 2.000 € para a adquisición de libros en calquera das librarías da Agrupación de Libreiros á que pertenza a localidade do gañador ou gañadora. A Federación de Libreiros non se fará cargo do importe de libros adquiridos noutras librarías.
A entrega de premios terá lugar nunha cea que se celebrará en Narón (A Coruña) o día 2 de abril de 2011.
O xurado estará composto polos seguintes membros: O Presidente da Federación de Libreiros de Galicia, que será o encargado de presidilo. Terá voto de calidade. Un escritor ou escritora en língua galega. Un profesor ou profesora de língua e literatura galegas. Un representante da Xunta de Galicia. Un bibliotecario ou bibliotecaria. Un libreiro ou libreira, pertencente á Federación de Libreiros de Galicia. Actuará como secretario, con voz e voto, o Secretario da Federación de Libreiros de Galicia.
A participación no certame, implica a plena aceptación das bases.

MODALIDADE DE INSTITUCIÓNS. BASES:
Ten por obxecto distinguir a actividade realizada no ano 2010 por unha institución, a súa importancia social e cultural e a súa contribución á promoción e difusión do libro e a lectura, especialmente en galego.
Para participar neste premio deberase presentar unha memoria acreditativa da actividade, na Federación de Libreiros de Galicia (Rúa República de El Salvador, 28 entrechán B. 15701 Santiago de Compostela). Tamén se pode enviar por correo electrónico (libreiros@librarias.org) ou por fax (981591421). A data límite para a presentación das memorias é a do 11 de marzo de 2011.
As propostas poderanse presentar polas propias institucións (públicas ou privadas), por entidades e asociacións ou por persoas ou colectivos que o estimen oportuno, así como por libreiros, polas Agrupacións de Libreiros membros da Federación de Libreiros de Galicia ou pola propia Federación.
A institución gañadora, recibirá unha figura alegórica de bronce, deseño exclusivo para os Premios Irmandade do Libro, do artista lucense Ismael López Fernández, realizada nos talleres Artebronce, de Goián, que será entregada no transcurso dunha cea, que se celebrará en Narón (A Coruña), o día 2 de abril de 2011.
O xurado, estará formado polas seguintes persoas: O presidente da Federación de Libreiros de Galicia que presidirá o xurado con voto de calidade. Un escritor ou escritora en língua galega. Un profesor de língua e literatura galega. Un representate da Xunta de Galicia. Un bibliotecario ou bibliotecaria. Un libreiro ou libreira, pertencente á Federación de Libreiros. Actuará como secretario, con voz e voto, o secretario da Federación de Libreiros de Galicia.
A participación no certame, implica a plena aceptación das bases.

MODALIDADE DE LIBRARÍA. BASES :
Ten por obxecto premiar o labor realizado a prol do libro e da lectura no ano 2010 por parte das librarías galegas pertencentes á Feceración de Libreiros de Galicia.
Os interesados, deberán enviar unha memoria explicativa da proposta na que se destaquen os méritos do candidato e, sobre todo, a súa actividade profesional e a súa participación na promoción e difusión do libro e a lectura, a incorporación e utilización de novas tecnoloxías ao servizo do libro, da lectura e da cultura en xeral no contorno no que desenvolve o seu traballo, así como as súas achegas á defensa solidaria dos intereses do colectivo de libreiros e do seu prestixio profesional.
As propostas das candidaturas, poderán ser presentadas pola libraría interesada, por outra libraría ou colectivo de libreiros, polas Agrupacións de Libreiros pertencentes á Federtación de Libreiros de Galicia e pola propia Federación.
As propostas deberán presentarse na Federación de Libreiros de Galicia (Rúa República de El Salvador, 28 entrechán B. 15701 Santiago de Compostela) antes do 11 de marzo de 2011. Tamén poderán enviarse por correo electrónico (libreiros@librarias.org) ou por fax (981591421).
O gañador, recibirá unha figura alegórica de bronce, deseño exclusivo para os Premios Irmandade do Libro, do artista lucense Ismael López Fernández e realizada nos talleres Artebronce de Goián, que será entregada no transcurso dunha cea que se celebrará en Narón (A Coruña), o 2 de abril de 2011.
O xurado estará formado polas seguintes persoas: O presidente da Federación de Libreiros de Galicia que presidirá o xurado con voto de calidade. Un escritor ou escritora en língua galega. Un profesor ou profesora de língua e literatura galega. Un representante da Xunta de Galicia. Un bibliotecario ou bibliotecaria. Un libreiro ou libreira, pertencente á Federación de Libreiros. Actuará como secretario, con voz e voto, o secretario da Federación de Libreiros de Galicia.
A participación no certame implica a plena aceptación das bases.

MODALIDADES: LIBRO DO ANO E OBRA EDITORIAL DO ANO. BASES:
LIBRO DO ANO 2010
Este apartado da modalidade ten por obxecto distinguir un libro, escrito preferentemente en língua galega e distribuído nas librarías de Galicia durante o ano 2010, que pola calidade e interese do seu contido e pola acollida, tanto da crítica como do público lector, teña acadado especial relevancia na nosa sociedade.
OBRA EDITORIAL DO ANO 2010
Neste apartado quere premiarse a calidade técnica e material dunha publicación, o esforzo editorial, o aporte documental e gráfico e o carácter innovador dunha obra publicada e distribuída durante o ano 2010.
Poderán participar en calquera dos dous apartados todas as editoriais galegas cos libros dos seus fondos publicados durante o ano 2010.
As Agrupacións de Libreiros pertencentes á Federación de Libreiros de Galicia poderán presentar propostas nos mesmos termos que as editoriais.
Os interesados na participación, deberán enviar dous exemplares dos libros propostos, antes do día 11 de marzo de 2011 á Federación de Libreiros de Galicia (Rúa República de El Salvador, 28 entrechán B. 15701 Santiago de Compostela) facendo constar no paquete XX Premios Irmandade do Libro.
Os libros quedarán de propiedade da organización, agás petición expresa en contra por parte da editorial.
As editoriais autoras da edición das obras gañadoras, recibirán unha figura alegórica de bronce, deseño exclusivo do artista lucense Ismael López Fernández, realizada nos talleres Artebronce, de Goián e unha campaña dos libreiros asociados para a divulgación do libro gañador en todas as librarías pertencentes á Federación de Libreiros de Galicia. O acto terá lugar en Narón (A Coruña) o 2 de abril de 2011.
O xurado, presidido polo titular da Federación de Libreiros que terá voto de calidade, estará formado por un escritor ou escritora en língua galega. Un profesor ou profesora de língua e literatura galega. Un bibliotecario ou bibliotecaria. Un representante da Xunta de Galicia . Un libreiro ou libreira, membro da Federación de Libreiros. Actuará como secretario, con voz e voto o secretario da Federación de Libreiros de Galicia.
A participación no certame implica a plena aceptación das bases.

As bases para a participación nesta edición dos premios tamén se poden solicitar no teléfono 981-599958, fax: 981-591421, nos correos electrónicos libreiros@librarias.org e antonio@librarias.org, ou na páxina web.

Xabier Docampo e Marcos Calveiro, premios Irmandade do Libro 2009

O escritor Xabier DoCampo recibiu onte no Carballiño o premio Irmandade do Libro ao “Autor do ano 2008”, outorgado pola Federación de Libreiros de Galicia. Na categoría de “Libro do ano 2008” o vencedor foi Marcos S. Calveiro pola novela Festina lente. Tamén recibiron premios Alvarello editora (“Obra editorial 2008” pola Colección rescate), as bibliotecas públicas de Oleiros (“Fomento da lectura”), o IES Blanco Amor de Ourense (“Centros de ensino”), a Asociación Cultural Rosalía de Castro (“Institucións”) e Andel do libro galego e portugués (“Librarías”).