O 
martes 10 de maio, ás 20:30 horas, na A. C. Alexandre Bóveda (Rúa Olmos, 16-18, 1º) da Coruña, preséntase o libro Transgresión e fraxilidade. Un retrato literario de Lois Pereiro, de Miguel Mato, publicado en Laiovento. No acto o autor estará acompañado por Xavier Seoane e Roberto Catoira.
Arquivos mensuais: Maio 2011
Ourense: presentación de Espindo un bico, de Celsa Barja
O 
martes 10 de maio, ás 18:00 h., na Biblioteca Nodal de Ourense (Rúa do Concello, 11), terá lugar un recital-presentación de Espindo un bico, de Celsa Barja. No acto participa, acompañando á autora, o cantautor Israel Eliaz.
Gondomar: Iago Martínez e Alexandre Cancelo falan de Lois Pereiro e da súa obra
O 
próximo martes 10 de maio, ás 20:00 h. na Aula de Cultura Ponte de Rosas de Gondomar, sede do Instituto de Estudos Miñoranos, o xornalista Iago Martínez, xefe de Cultura de Xornal de Galicia, presentará o seu libro Lois Pereiro. Vida e obra, publicado en Xerais, e o guionista e director Alexandre Cancelo falará do documental Contra a morte. Unha aproximación a Lois Pereiro que escribiu e dirixiu xunto a Iago Martínez.
Vigo: presentación de A memoria e o esquecemento, de Gonzalo Amoedo
O
martes 10 de maio, ás 20:00 horas, na Casa do Libro de Vigo (Rúa Velázquez Moreno, 27), preséntase o libro A memoria e o esquecemento. O franquismo na provincia de Pontevedra, de Gonzalo Amoedo López. O acto, organizado pola Asemblea Republicana de Vigo, a Casa do Libro e Edicións Xerais, contará coa participación de Celso López Pazos, Xosé Manuel García Crego e do propio autor.
En marcha unha proposta para encher a Rede de cancións en galego no 17 de maio
Santiago: presentación de Deus xogando aos dados, de Fernando Méndez
O 
luns 9 de maio, ás h., na Libraría Couceiro (Praza de Cervantes, 6) de Santiago de Compostela, preséntase o libro Deus xogando aos dados, de Fernando Méndez, publicado en Sotelo Blanco, obra gañadora do Premio Vicente Risco de Creación Literaria 2010.
Edición facsimilar, con estudo crítico, da revista Loia, polo Consello da Cultura Galega
Os 
catro números da revista Loia, que acolleu os primeiros textos de Lois Pereiro, saen á luz agora nunha edición facsimilar da man do Consello da Cultura Galega. A institución segue así a súa tradición de homenaxear con este tipo de publicacións os protagonistas do Día das Letras. A edición inclúe un estudo crítico da revista coordinado por Xosé Manuel Pereiro no que se poden atopar artigos del mesmo, Ramón Villares, Helena González, Antón Patiño e Manuel Rivas. A edición completa está dispoñible na rede para a libre descarga.
Small stations traduce ao inglés os poemas de Pereiro
(Xornal)
Braga: Dia Galaico-Minhoto na Feira do Livro
O 
sábado 7 de Maio desenvólvese o Dia Galaico-Minhoto na Feira do Livro de Braga, co seguinte programa:
– 15:00 h. Presentación da obra Ayes de mi País, o primeiro e até agora inédito cancioneiro de música popular galega, unha compliación feita por Marcial de Valladares a mediados do século XIX. Editado e presentado por José Luís do Pico Orjais e Isabel Rei Sanmartin.
– 16:00 h. Mesa de escritoras e escritores da Galiza, que darán visibilidade á literatura galega na Feira. Coa presenza de Carlos Quiroga, Séchu Sende, Lucía Novas, Andrea Nunes Brións, Raquel Miragaia, Román Raña, Marilar Aleixandre, Mario Regueira e Marta Dacosta, esta última como representante da Asociación de Escritoras e Escritores en Lingua Galega. Coa intervención musical da cantora galega Uxía e o músico brasileiro Sérgio Tannus.
– 20:00 h. Encontro de escritoras e escritores da Galiza e do Minho nunha cea ofrecida pola Feira do Livro e que permitirá estabelecer e estreitar relacións aos dous lados da Raia. Neste encontro participarán os profesores Elias Torres Feijóo pola Universidade de Santiago de Compostela e Carlos Cunha pola Universidade do Minho. Estará amenizado por Uxía e Sérgio Tannus.
– Ás 18:30 h., no Salão Nobre do Edifício dos Congregados, terá lugar unha conferencia-concerto de José Luis do Pico Orjais e Isabel Rei Sanmartin sobre a edición crítica do primeiro e até agora inédito cancioneiro de música popular galega, Ayes de mi País, unha compilación feita por Marcial de Valladares no século XIX e da que interpretarán algúns temas.
María Goretti Fariña, gañadora do premio Cidade de Ribeira, por Orlando pendurado
“O salón de plenos do consistorio de Ribeira acolleu a entrega do premio da terceira edición do concurso de relato curto Cidade Centenaria de Ribeira, de carácter bienal, ó que se presentaron 11 obras. A gañadora foi María Goretti Fariña Caamaño, de Vilanova, pola obra Orlando pendurado. O xurado estivo formado por Manuel Bragado, director da Editorial Xerais; polos escritores Antonio Piñeiro e Xabier López Marqués, e pola profesora María Ángela Rodríguez. Alicia Padín, do servizo de Normalización Lingüística do Concello, actuou como secretaria, con voz e sen voto. A gañadora recibiu o premio de 3.000 euros e o diploma acreditativo.” Vía Galicia Hoxe.
