O
sábado 4 de febreiro, ás 16:30 horas, no Centro Sociocultural da Rocha Vella (Rúa do Beado, 1, baixo), en Santiago de Compostela, Rosalía Morlán presenta Nas rúas de Compostela. No acto participan, xunto á autora, Armando Requeixo, Valentín García, Luís Reimóndez e Carlos Delgado. Lerán poemas do libro Irina García Caeiro e o grupo Palabras Vivas.
Arquivos mensuais: Febreiro 2017
Marín: presentación de O espello do mundo, de Ramón Nicolás
O
venres 3 de febreiro, ás 20:00 horas, no Ateneo Santa Cecilia, de Marín (Rúa Caracol, 36, baixo), preséntase O espello do mundo, de Ramón Nicolás, publicado por Xerais. No acto haberá un diálogo sobre a novela coa xornalista Paz Castro e o público presente.
Entrevista a Antía Otero no Zig-zag
Desde
o Zig-zag da Televisión de Galicia:
“Antía Otero preséntanos O cuarto das abellas. Pode accederse á entrevista aquí.”
Isaac Xubín fala sobre A cadencia da fractura
Desde
o Diario Cultural da Radio Galega:
“Isaac Xubín fálanos de A cadencia da fractura, a obra coa que gañou o Premio Manuel Lueiro Rey de poesía. Pode accederse á entrevista aquí.”
Vilalba: presentación de O álbum de Garrincha, de Beatriz Maceda (o acto foi suspendido polo temporal)
Lalín: entrega do XLII Premio Modesto R. Figueiredo
Cangas: presentación de Nos espazos do soño, de Xosé Vázquez Pintor
Oiartzun: Homenaxe a Concha Murguía 2017
O 
Excmo. Concello de Oiartzun e o Fato Cultural Galego Daniel Castelao, de Pasaia, organizan a Homenaxe a Concha Murguía 2017, co seguinte programa:
Xoves 2 de febreiro, ás 19:00 horas, na Sala de plenos do Concello:
– Recital poético musicado, vasco-galego, de poemas de Rosalía de Castro e de Antton Kazabon:
· Recitadores: Antton Kazabon e Xosé Estévez.
· Músicos: Edurne Saizar, piano; Haizea Lekuona, frauta; e Oihane Mitxelena, acordeón.
Venres 3 de febreiro, ás 20:30 horas, na Sala de plenos do Concello:
– Presentación do trailer do documental Euskal Herria: sitio distinto, a cargo do seu autor, Davide Cabaleiro, e de Ainhoa Aranburu, ilusionista.
Sábado 4 de febreiro, ás 12:00 horas, na Praza de Santo Estevo e na Sala Manuel Lekuona da Casa de Cultura:
– Ofrenda floral e homenaxe a Concha Murguía Egaña, coas intervencións da Concelleira de Cultura, Dona Iosune Cousillas, e de D. Xosé Estévez, historiador. Actuarán os txistularis Lartaun Txistulari Taldea, de Oiartzun, e o grupo de gaiteiros Trisquele da Casa de Galicia de Donostia. Ao remate do acto os asistentes serán agasallados co galano dun refrixerio.
A Coruña: festa-presentación de Nierikate, de Xoán Abeleira
O 
venres 3 de febreiro, ás 20:00 horas, na Fundación Luís Seoane (Rúa San Francisco, 27), na Coruña, terá lugar unha festa poético-musical arredor de Nierikate, obra que recolle traducións para o galego de Xoán Abeleira. No acto participan, xunto ao autor, Silvia Longueira, François Davo, Begoña Paz, Manuel Rivas, Pedro Casteleiro, Blanca Silva e Lino Braxe, entre outras persoas.
Compostela: Na volta da volta. Poesia na roda da Ciranda
(Ciranda. Rúa Gómez Ulla, 4, Santiago de Compostela)
