A Coruña: Xabier P. DoCampo e Marcos Calveiro intervirán no ciclo A creación literaria e os seus autores: XI Encontros con escritores

Desde2014-09-24-656x403 Xerais:
“Os escritores Xabier P. DoCampo e Marcos Calveiro intervirán o vindeiro xoves 11 de decembro ás 18:30 horas no Salón de actos da Uned de Coruña, dentro da actividade A creación literaria e os seus autores: XI Encontros con escritores. Organiza estes encontros o Centro de Formación e Recursos da Coruña, baixo a coordinación de Javier Pintor. Intervén como interlocutor na mesa de debate, Xavier Seoane, recoñecido autor galego. Estas xornadas pretenden propiciar un diálogo literario e cultural con algúns dos autores máis relevantes do momento presente. Ademais de comentar textos, aproveitase a presenza dos escritores para establecer vías de diálogo e pontes de debate, tanto sobre as súas obras como sobre aspectos culturais da actualidade dentro dun ambiente distendido e participativo. A intervención será retransmitida en directo a través desta ligazón.”

A Coruña: conversa con Yolanda Castaño arredor de A segunda lingua

O Yolanda Castaño foto YC A segunda lingua (por Pedro Castro)martes 9 de decembro, ás 20:00 horas, na Linda Rama (Porta de Aires, 4, baixo) da Coruña, terá lugar unha conversa de Yolanda Castaño con Ana Abelenda arredor de A segunda lingua, co gallo da publicación da edición bilingüe da obra en Visor Libros. A foto da autora é de Pedro Castro.

Pontevedra: programa de actividades do Culturgal 2014

PROGRAMA-CULTURGAL-2014

Concedidos en Cornellá os premios do Certame Literario Rosalía de Castro 2014

DesdeAsociación Cultural Rosalía de Castro Cornellà Galicia en el Mundo:
“O sábado 29 de novembro, tivo lugar o acto de concesión dos premios do Certame Literario Rosalía de Castro 2014, organizado pola Asociación Cultural Galega Rosalía de Castro de Cornellá (Barcelona), que este ano acada a súa 28ª edición na modalidade de poesía en lingua Galega e a 11ª na de narrativa, e no que foron galardoados cos primeiros premios: Miriam Ferradáns, en poesía, e Alba Sánchez, na modalidade de narrativa.
O acto de concesión dos premios foi precedido dunha charla-coloquio a cargo da escritora Elí Ríos, filla de pais emigrantes galegos en Londres e residente en Galicia, que presentou o seu ultimo libro, Anamnese, un poemario co que ven de gañar o II premio de poesía Manuel Lueiro Rey. (…)
O presidente do xurado do certame, Jordi García Guitart (Rexedor delegado da Cidade da Lectura e Política Lingüística do Concello de Cornellà), e composto por persoas relevantes da cultura galega, deu a coñecer aos gañadores da edición deste ano 2014.
Na modalidade de poesía, na 28ª edición do Certame de Poesía en Lingua Galega Rosalía de Castro, os gañadores foron os seguintes:
– Primeiro premio: Miriam Ferradáns, de Bueu, polo seu poema titulado O sangue que corre polas rúas. Dotación, 500 euros.
– Segundo premio: Verónica Martínez e Alberte Momán, de Lugo, polo poema Test de embarazo positivo. Dotación, 300 euros.
– Terceiro premio: Xosé Otero Canto, de Lugo, polo seu traballo Rolando o vento para o Nordés. Dotación, 200 euros.
Na modalidade de narrativa o mesmo xurado concedeu o premio da 11ª edición do Certame de Narrativa Rosa Reboredo, ao traballo en Galego presentado por Alba Sánchez Ares, de Santiago, polo seu traballo Querida Lola. Dotación 500 euros.”

Gondomar: Xurxo Souto visita o Clube de Lectura Sete Vidas con Contos do mar de Irlanda

OXurxo Souto martes 2 de decembro, ás 20:00 horas, na Biblioteca de Gondomar, Xurxo Souto visita o Clube de Lectura Sete Vidas para falar sobre o seu libro Contos do mar de Irlanda, publicado en Xerais.

Crónica videográfica do VIII Encontro de Escritoras/es Novas/os, mesa redonda Máis alá! O futuro da poesía en tempos mestizos

O1414582098758bannerwebaelg VIII Encontro de Escritoras/es Novas/os tivo lugar o sábado 8 de novembro no espazo Cubo da Normal (Paseo de Ronda, 47, A Coruña), contando co apoio da Concellaría de Cultura do Concello da Coruña e a colaboración de Normal (Espazo de intervención cultural da UDC).

Esta é a crónica videográfica da mesa redonda Máis alá! O futuro da poesía en tempos mestizos, con Samuel L. Paris, coordinado por Gonzalo Hermo, e o posterior coloquio:
Presentación da mesa redonda Máis alá! O futuro da poesía en tempos mestizos, con Gonzalo Hermo.
Coloquio da mesa redonda (I), con Gonzalo Hermo e Samuel L. París.
Coloquio da mesa redonda (II), con Gonzalo Hermo e Samuel L. París.
Coloquio da mesa redonda (III), con Gonzalo Hermo e Samuel L. París.
Coloquio da mesa redonda (IV), con Gonzalo Hermo e Samuel L. París.

Crónica videográfica do VIII Encontro de Escritoras/es Novas/os, mesa redonda As outras. Os outros

O1414582098758bannerwebaelg VIII Encontro de Escritoras/es Novas/os tivo lugar o sábado 8 de novembro no espazo Cubo da Normal (Paseo de Ronda, 47, A Coruña), contando co apoio da Concellaría de Cultura do Concello da Coruña e a colaboración de Normal (Espazo de intervención cultural da UDC).

Esta é a crónica videográfica da mesa redonda As outras, os outros, con Berta Dávila e Samuel Solleiro, baixo a coordinación de Mario Regueira e o posterior coloquio:
Presentación da mesa redonda As outras, os outros, con Mario Regueira.
Intervención de Samuel Solleiro.
Intervención de Berta Dávila.
Coloquio posterior con Samuel Solleiro, Berta Dávila e Mario Regueira (I).
Coloquio posterior con Samuel Solleiro, Berta Dávila e Mario Regueira (II).