Desde SarriaXa:
“Este mércores, 18 de marzo, ás 11.00 horas, a Praza da Vila de Sarria acollerá a celebración do Día da Poesía, unha iniciativa educativa e cultural organizada polo IES Gregorio Fernández que reunirá alumnado de diferentes centros escolares da comarca.
A actividade estará dedicada á figura do poeta Eduardo Rey Moure e xirará arredor dunha temática común: “O monte”, que servirá de inspiración para as composicións e actividades preparadas polos estudantes.
A xornada contará tamén cun concerto do escritor e músico Francisco Castro, organizado en conmemoración do 50 aniversario do IES Gregorio Fernández. A actuación converterase nun dos momentos centrais do encontro, no que literatura e música se unirán para celebrar a poesía e a lingua galega.
No evento participarán numerosos centros educativos, entre eles a EEI Xela Arias; o CEIP Eduardo Cela Vila de Triacastela; o CEIP Frei Luis de Granada; o CEIP Plurilingüe Antonio Fernández López de Oural; o CEIP Plurilingüe de Páramo; o CEIP Plurilingüe San Miguel de Paradela; o CEIP Ricardo Gasset de O Incio; o CEIP de Samos; o CPI Ramón Piñeiro de Pobra de San Xiao; o CPR La Merced; o CPR Nosa Señora da Asunción; e o IES Xograr Afonso Gómez.
A iniciativa conta coa colaboración do Concello de Sarria, a Escola Municipal de Música de Sarria e os equipos de dinamización da lingua galega, entre outras entidades. O encontro pretende fomentar a creación poética entre a mocidade e poñer en valor a literatura galega nun espazo público e compartido.”
Arquivo da categoría: Poesía
Vigo: Xornada María Xosé Queizán. A escrita sen límites
A Coruña: 4 tempos: conversas con ciencia. Verdor terríbel na ciencia do poema
Vigo: presentación de Cicatriz (Poema para bailar), de Antón Reixa
Ponteareas: Xornadas literarias sobre a obra de Alfonso Pexegueiro, A voz e a palabra, os 20 e 21 de marzo
Lugo: presentación de Cando as borrascas non tiñan nome, de Ana Barral Rodríguez
Ribeira: presentación de As ninguén, de Elisabeth Oliveira
Carballo: presentación de Hipnose Encarnada, de Ramiro Torres
Pontevedra: Teñamos a poesía en Paz, con Carlos Negro, arredor de A caligrafía das espigas
Adela Figueroa, escritora: “Galiza ten unha cultura de seu, latexante, e só se pode salvar unida á súa natureza”
Entrevista de Sergio Casal a Adela Figueroa Panisse en Nós Diario:
“(…) – Nós Diario (ND): Que cuestións quixo explorar neste libro?
– Adela Figueroa (AF): Este libro trata un asunto que, desde o punto de vista da bioloxía, é importantísimo. Falamos dos cortexos que fan os distintos elementos dun par para conseguir a reprodución das especies en toda a natureza. Nas plantas, animais e, sobre todo no ser humano, o erotismo alcanza niveis requintados de poesía. O libro é un canto á vida e á esperanza.
– ND: Como diría que é o erotismo na natureza?
– AF: Cando se reproduce a vida, sempre hai unha expectativa de futuro e o erotismo é o instrumento que os seres humanos utilizamos a imitación do resto da natureza. Os cortexos nupciais máis vistosos danse entre paxaros, tamén as flores son elementos eróticos para a reprodución da planta. Todo na natureza fálanos de erotismo.
– ND: Cal é para vostede a vinculación entre o erotismo e as cereixas?
– AF: A cereixa paréceme un elemento moi erótico. O feito de mordela, por exemplo. Tamén o figo. Desde moi antigo, os figos considéranse tamén froitos de tipo erótico. As cantigas de amigo e de amor teñen tamén imaxes deste erotismo na natureza. Todo na natureza, sobre todo neste tempo no que o inverno comeza a ser vencido e se anuncia a primavera, fala dun rebentar da vida no hemisferio norte. (…)”
