Arquivo da categoría: Premios xornalismo: convocatorias

Convocado o XI Certame Xornalístico Dora Vázquez, 2013

Publicado o por

“O Concello de Arteixo, a través da Concellería da Muller, convoca o XI Certame Xornalístico Dora Vázquez 2013 coas seguintes bases (Bases Dora V. 2013):

1. Poderán concorrer a el todas as persoas que o desexen cun artigo de opinión inédito, único e orixinal, e escrito en galego. Cada participante será responsábel do contido do seu artigo.
2. O tema para o Certame correspondente ao 2013 é As mulleres e a ciencia.
3. Os artigos deben ter unha extensión de 1.500 caracteres, escritos en papel DIN A4 por unha soa cara. O artigo deberá ir titulado e cun lema da autora/autor.
4. Os traballos presentaranse por cuadriplicado nun sobre grande pechado. Neste sobre non poderá figurar o nome nin ningunha outra referencia á autoría do artigo. Dentro deste sobre incluirase un sobre pequeno, tamén pechado, que levará escrito por fóra o título do artigo e o lema. No interior figurará unha fotocopia do DNI, teléfono do contacto e, de ser o caso, enderezo electrónico.
5. Os artigos poderanse presentar ou enviar antes do 1 de febreiro de 2013 facendo constar:
PARA O CERTAME XORNALÍSTICO DORA VÁZQUEZ
Concello de Arteixo
Praza Alcalde R. Dopico, 1
15142 Arteixo-A Coruña
6. Estabelécese un único premio dotado de 1000 euros e sometido á retención legal estabelecida. O premio pode quedar deserto.
7. O xurado, designado polo Concello de Arteixo, fará pública a súa decisión inapelábel no mes de marzo, cando se fará entrega do premio nun acto convocado a tal fin. A persoa premiada comprométese a asistir a este acto.
8. Os orixinais non premiados poderán retirarse no prazo dun mes dende o fallo do xurado, na Concellaría de Muller no seguinte enderezo:
Centro de Información ás Mulleres
Avenida do Balneario, 10, baixo
15142 Arteixo
Transcorrido este prazo, os artigos non premiados que non sexan recollidos, serán destruídos.
9. A persoa gañadora renuncia aos seus dereitos económicos en caso de que o Concello publique o texto. A obra gañadora será publicada na edición escrita e dixital de xornais locais.
10. A interpretación das bases corresponde ao xurado. O feito de participar supón a aceptación destas bases.”

Convocado o X Premio de Xornalismo Johán Carballeira

Publicado o por

BASES

1. O certame está aberto a traballos de temática libre pertencentes a calquera xénero periodístico, publicados con firma ou pseudónimo entre o 1 de xaneiro e o 31 de decembro de 2012. Os traballos, que deberán ter sido publicados en medios impresos ou dixitais, estarán escritos en lingua galega.
2. Aceptarase un só traballo por autor/a. Non poderán presentarse as persoas gañadoras das dúas últimas edicións do premio.
3. De cada traballo teñen que presentarse un orixinal e 3 copias da páxina ou páxinas completas da revista ou xornal que acolleu a súa publicación. Dos traballos publicados en medios dixitais deberán presentarse en calquera caso 3 copias impresas, non aceptándose aqueles traballos que se remitan por correo electrónico. Tanto nos orixinais coma nas copias debe figurar a data de publicación dos traballos.
4. As obras presentaranse en sobre pechado, coa indicación X PREMIO DE XORNALISMO JOHÁN CARBALLEIRA”, no seguinte enderezo: CONCELLO DE BUEU, rúa Eduardo Vincenti, nº 8, 36930 Bueu (Pontevedra). No interior do sobre, ademais dos traballos, achegarase unha folla coa seguinte información: Título do traballo, nome do/a autor/a, DNI ou pasaporte, enderezo, número de teléfono e correo electrónico.
5. O prazo límite para a recepción dos traballos que participen neste certame péchase o día 10 de xaneiro de 2013.
6. O premio terá unha dotación única de 1.500 €, comprometéndose a imputación desta cantidade ao orzamento xeral do Concello de Bueu para o exercicio 2013 (con cargo á aplicación orzamentaria 334-48100) e a acreditación da existencia de crédito axeitado e suficiente. A dotación do premio estará suxeita ao tratamento fiscal en vigor no momento da concesión. O premio, que é único e indivisible, poderá declararse deserto.
7. O Xurado estará composto por tres persoas vinculadas ao xornalismo galego, unha delas nomeada pola asociación colaboradora Amigos de Johán Carballeira, e máis un/ha secretario/a. Este xurado valorará positivamente aqueles traballos enmarcados nos xéneros da reportaxe e a entrevista, xéneros nos que desenvolveu maioritariamente o seu labor xornalístico Johán Carballeira.
8. O premio entregarase nun acto enmarcado na Semana das Letras Galegas 2013. A decisión do xurado, ademais de comunicarse ó gañador ou gañadora da convocatoria, anunciarase a través dos medios de comunicación no transcurso da semana anterior á entrega do premio.
9. O Concello de Bueu resérvase o dereito de reprodución dos traballos premiados, así como de calquera outro presentado ó certame, na forma e o medio que estime máis conveniente, aínda que incluíndo sempre o nome de cada autor/a.
10. A participación nesta convocatoria implica a aceptación das normas contidas nas presentes bases, así como a decisión do xurado, que será inapelable.

Máis información:
SERVIZO DE CULTURA DO CONCELLO DE BUEU
986324338 cultura@concellodebueu.org
www.concellodebueu.org

Convocado o VIII Premio a artigos xornalísticos normalizadores Concello de Carballo

Publicado o por

“O Concello de Carballo convoca dende 2005 o Premio a Artigos Xornalísticos Normalizadores cos obxectivos de incentivar a reflexión sobre a situación social da lingua galega, crear espazos nos xornais para analizar e fomentar o noso idioma e promover o uso do galego na prensa escrita. Nesta edición son 11 os medios colaboradores, tanto en papel como dixitais, e algúns de ámbito comarcal ou de incidencia directa na comarca, como A Nosa Costa, Diario de Bergantiños, El Periódico de Carballo, La Opinión da Coruña, a edición de Carballo de La Voz de Galicia ou Que pasa na Costa, e outros medios en galego e de ámbito galego, como De Luns a Venres, Galicia Confidencial, Tempos Novos, o diario dixital que acaba de nacer Praza Pública e o dixital e semanario en papel que nacerá nas próximas semanas Sermos Galiza. Os artigos presentados ao premio deberán ser inéditos, ter entre 2.000 e 3.500 caracteres e neles deberase tratar algún tema concreto relacionado coa situación sociolingüística do noso país, co fomento da lingua galega, co argumentario a prol do uso do galego, con experiencias útiles ou favorábeis para a normalización lingüística, etc. O prazo de presentación está aberto até o 9 de abril de 2012. Tamén se pode obter máis información no Servizo de Normalización Lingüística, no teléfono 981 704 304 ou no enderezo electrónico normalizador@carballo.org”
As bases completas pódense descargar aquí: Premio a artigos xornalísticos normalizadores Concello de Carballo 2012.

Convocado o X Certame Xornalístico Dora Vázquez

Publicado o por

O Concello de Arteixo, a través da Concellaría de Muller, convoca o Certame Xornalístico Dora Vázquez que chega neste ano 2012 a súa décima edición.
O tema deste ano para o certame é Muller e deporte e poderán concorrer a el todas as persoas que o desexen cun artigo de opinión inédito, único e orixinal escrito en galego.
O prazo para enviar os orixinais remata o día 31 de xaneiro de 2012.
A persoa gañadora terá un premio dotado con 600 € e a publicación do seu artigo nos xornais “El Ideal Gallego”, “La Opinión de A Coruña”, “La Voz de Galicia” e na páxina web da Asociación da Prensa de A Coruña, os cales colaboran un ano máis con este certame.
O concello dispón dun Servizo de Normalización Lingüística que poderán utilizar as persoas participantes antes da presentación do artigo ao certame.
As bases pódense descargar aquí: Diptico X Certame Dora Vázquez 2012.

El Progreso convoca a 19 edición do premio Puro Cora

Publicado o por

“El Progreso ven de convocar o XIX Premio Xornalístico Puro Cora, que premiará con 10.000 euros o mellor artigo en galego ou en castelán de entre os que concorran. Os textos terán que ser publicados por primeira vez entre o 2 de febreiro e o 15 de decembro de 2011 en medios de comunicación escritos e deberán estar asinados polo seu autor.
O tema do é libre, aínda que o xurado valorará especialmente aqueles que atendan á solidariedade, a comprensión entre vos homes e a defensa dos valores democráticos.
Os traballos dos aspirantes deberán ser remitidos por cuadriplicado e cun sobre cos seus datos persoais ao diario El Progreso, situado na Rúa Puro Cora, 3, 27002 de Lugo. O prazo para a recepción de orixinais remata o 30 de decembro de 2011.
Cada membro do xurado poderá propor cantos traballos considere merecedores do premio, un galardón único e indivisible que estará dotado con 10.000 euros. O xurado, presidido de forma vitalicia por quen ostente a presidencia do Progreso, dará a coñecer o fallo o 2 de febreiro de 2012, ao chegar o aniversario do nacemento do fundador do diario, Purificación de Cora y Más Villafuerte.”

Bases do Premio de Xornalismo Johán Carballeira 2011

Publicado o por

Achegamos as BASES do XV Premio de Poesía Johán Carballeira, convocado polo Concello de Bueu:

“1. O certame está aberto a traballos de temática libre pertencentes a calquera xénero periodístico, publicados con firma ou pseudónimo entre o 1 de xaneiro e o 31 de decembro de 2011. Os traballos, que deberan ter sido publicados en medios impresos ou dixitais, estarán escritos en lingua galega.
2. Aceptaranse un só traballo por autor/a. Non poderán presentarse as persoas gañadoras das dúas últimas edicións do premio.
3. De cada traballo teñen que presentarse un orixinal e 3 copias da páxina ou páxinas completas da revista ou xornal que acolleu a súa publicación. Dos traballos publicados en medios dixitais deberán presentarse en calquera caso 3 copias impresas, non aceptándose aqueles traballos que se remitan por correo electrónico. Tanto nos orixinais coma nas copias debe figurar a data de publicación dos traballos.
4. As obras presentaranse en sobre pechado, coa indicación IX PREMIO DE XORNALISMO JOHÁN CARBALLEIRA, no seguinte enderezo: CONCELLO DE BUEU, rúa Eduardo Vincenti, nº 8, 36930 Bueu (Pontevedra). No interior do sobre, ademais dos traballos, achegarase unha folla coa seguinte información: nome do/a autor/a, DNI ou pasaporte, enderezo, número de teléfono e correo electrónico.
5. O prazo límite para a recepción dos traballos que participen neste certame péchase o día 10 de xaneiro de 2012.
6. O premio terá unha dotación única de 1.500 euros, contía á que se lle aplicarán as retencións fiscais oportunas. O premio, que é único e indivisible, poderá declararse deserto.
7. O Xurado estará composto por tres persoas vinculadas ao xornalismo galego, unha delas nomeada pola asociación colaboradora Amigos de Johán Carballeira, e máis un/ha secretario/a. Este xurado valorará positivamente aqueles traballos enmarcados nos xéneros da reportaxe e a entrevista, xéneros nos que desenvolveu maioritariamente o seu labor xornalístico Johán Carballeira.
8. A resolución do premio terá lugar a finais do mes de marzo de 2012. A decisión do xurado, ademais de comunicarse ó gañador ou gañadora da convocatoria, anunciarase a través dos medios de comunicación no transcurso da semana anterior á entrega do premio.
9. O Concello de Bueu resérvase o dereito de reprodución dos traballos premiados, así como de calquera outro presentado ó certame, na forma e o medio que estime máis conveniente, aínda que incluíndo sempre o nome de cada autor/a.
10. A participación nesta convocatoria implica a aceptación das normas contidas nas presentes bases, así como a decisión do xurado, que será inapelable.”

Bases do IX Premio de Xornalismo Francisco Fernández del Riego, convocado por Novacaixagalicia

Publicado o por

O premio de Xornalismo en lingua galega Francisco Fernández del Riego naceu coa vocación decidida de animar e impulsar o uso do idioma galego nos medios de comunicación, ao tempo que recoñece a tradición literaria e xornalística dos escritores que utilizaron e utilizan a nosa lingua na prensa. A figura de Fernández del Riego reúne as características esenciais que inspiran esta convocatoria: identidade coa lingua galega, espírito aberto e universal, compromiso ético e presenza activa no xornalismo, no que dirixiu e animou iniciativas moi diversas. Novacaixagalicia homenaxea a súa figura e, a través deste premio que leva o seu nome, fai extensiva a homenaxe aos escritores e xornalistas que contribúen decote á construción do discurso cívico en Galicia.

BASES

– 1. O IX Premio de Xornalismo Francisco Fernández del Riego acollerá artigos propios do chamado xornalismo literario e de opinión, publicados, con nome ou pseudónimo, en calquera medio de comunicación impreso ou dixital de cabeceiras recoñecidas, entre o 1 de xaneiro e o 31 de decembro do ano 2011.
– 2. Os artigos deberán estar escritos en lingua galega.
– 3. Poderán presentarse todos aqueles escritores de artigos xornalísticos que cumpran co requisito sinalado na primeira destas bases.
– 4. Poderán presentar tamén propostas e candidatos as institucións, públicas ou privadas, academias ou fundacións de todo o ámbito da convocatoria que o estimen oportuno.
– 5. As propostas nacidas ao amparo dos puntos anteriores, deberán presentar orixinal e/ou documento en formato electrónico (pdf) da páxina completa do xornal ou revista que acollese a publicación. Acompañando o traballo que se presenta ao concurso, indicarase o nome, dirección postal, teléfono e NIF do concursante ou, no seu caso, do propoñente, de xeito que se permita a rápida localización de cada un dos autores dos traballos concorrentes.
– 6. Ademais, Novacaixagalicia poderá elixir un comité de lectura e preselección que levará a cabo, ao longo de todo o ano, o seguimento que permita a previa selección e clasificación de todos aqueles artigos que estime que deban ser sometidos á consideración do xurado.
– 7. Só se presentará un traballo por autor, que deberá remitirse ao correo electrónico: premios@centrosocialnovacaixagalicia.com, indicando no asunto: “Para o Premio de Xornalismo Francisco Fernández del Riego“, ou ao Centro Social Novacaixagalicia, na rúa Augusto González Besada, 2-36001, Pontevedra, nun sobre pechado e indicando no exterior: “Para o Premio de Xornalismo Francisco Fernández del Riego“. O prazo de recepción de traballos finalizará o día 31 de marzo de 2012.
– 8. Novacaixagalicia designará o xurado, que estará formado por persoas de recoñecido prestixio nos ámbitos xornalístico, literario e/ou académico.
– 9. O xurado cualificador conta con capacidade para resolver cantas cuestións merecesen ser consideradas para a interpretación das presentes bases. A súa decisión será inapelable.
– 10. Novacaixagalicia non manterá correspondencia cos concursantes e/ou propoñentes e inmediatamente despois de dar a coñecer a resolución do xurado procederá á destrución dos orixinais presentados.
– 11. Novacaixagalicia resérvase o dereito de reprodución do traballo premiado, así como de calquera outro que, presentado ao certame, mereza esa consideración en opinión do xurado.
– 12. O xurado cualificador reunirase na sede de Novacaixagalicia en Pontevedra e resolverá o premio no primeiro semestre de 2012. Con posterioridade realizarase a entrega do premio nun acto público.
– 13. O premio, que non poderá declararse deserto nin ser dividido, terá unha retribución de 12.000 euros.
– 14. A presentación ao certame implica a aceptación das presentes bases.

En Pontevedra, maio de 2011.

Convocada a XVI edición do Premio Xornalístico Manuel Reimóndez Portela

Publicado o por

“A Fundación de Exposicións e Congresos da Estrada convoca a XVI edición do Premio Xornalístico “Manuel Reimóndez Portela”, en honra do persoeiro estradense que lle dá nome, e co obxectivo de contribuír ao fomento e difusion da cultura na Comunidade Autónoma Galega, coas seguintes

BASES

1. Convócase o XVI Premio Xornalístico Manuel Reimóndez Portela.
2. O Premio outorgarase ao mellor traballo ou serie de traballos (ata un máximo de cinco), publicados en lingua galega, en calquera dos medios de comunicación escritos.
3. A dotación económica do Premio será de 1000 euros. O premio estará suxeito ás correspondentes obrigas tributarias.
4. Ao Premio poderanse presentar traballos publicados ata o día 30 de xuño do 2011. O prazo de recepción rematará o día 8 de xullo de 2011.
5. Os autores e autoras ou calquera lector poderá enviar un exemplar dos traballos publicados, no que conste a data de publicación, o/a autor/a e o medio, á sede da Fundación de Exposicións e Congresos da Estrada: Zona Deportiva s/n., 36680 A Estrada, Pontevedra, ou ao enderezo fecae@feiradomoble.com.
6. O xurado cualificador, presidido pola Directora Xerente da Fundación de Exposicións e Congresos da Estrada, estará ademais integrado polos vogais que o Comité decida no seu momento e un secretario con voz pero sen voto.
7. A resolución do xurado cualificador será inapelable e darase a coñecer no mes de setembro. O premio entregarase na XXV Feira do Moble de Galicia, que terá lugar no mes de setembro.
8. O xurado poderá declarar deserto o premio.
9. Os orixinais non premiados, poderán ser devoltos, previa solicitude nun prazo máximo de trinta días a partires da data do fallo. A Fundación de Exposicións e Congresos, resérvase o dereito de publicación dos traballos premiados.
10. A participación nesta convocatoria supón a aceptación das bases.”

Premio de Xornalismo Francisco Fernández del Riego

Publicado o por

O Premio de Xornalismo en lingua galega Francisco Fernández del Riego naceu con vocación decidida de animar e impulsar o uso do idioma galego nos medios de comunicación, ao tempo que recoñece a tradición literaria e xornalística dos escritores que utilizaron e utilizan a nosa lingua na prensa, e serve, pola súa vez, de homenaxe a súa figura e, a través deste premio que leva o seu nome, fai extensiva a homenaxe aos escritores e xornalistas que contribúen decote á construción do discurso cívico en Galicia. Recóllense aquí as bases principais:
1. O Premio de Xornalismo Francisco Fernández del Riego acollerá artigos propios do chamado xornalismo literario e de opinión, publicados con nome ou pseudónimo, en calquera medio de comunicación impreso en Galicia ou de fóra dela, entre o 1 de xaneiro e o 31 de decembro do ano 2010.
2. Os artigos deberán estar escritos en lingua galega.
3. Poderán presentarse todos aqueles escritores de artigos xornalísticos que cumpran co requisito sinalado na primeira destas bases e publiquen os seus artigos tanto na prensa española como na hispanoamericana.
4. Poderán presentar tamén propostas e candidatos as institucións, públicas ou privadas, academias ou fundacións de todo o ámbito de convocatoria que o estimen oportuno.
5. Só se presentara un traballo por autor, que deberá remitirse á Área Sociocultural de CAIXANOVA, na rúa Augusto González Besada, 2, 36001, Pontevedra, nun sobre pechado e indicando no exterior “Para o Premio de Xornalismo Francisco Fernández del Riego”. O prazo de recepción de traballos finalizará o día 10 de xaneiro de 2011.
6. O premio non poderá declararse deserto nin ser dividido, terá unha retribución de 12000 euros.

As bases completas pódense consultar aquí.