O 
venres 22 de outubro ás 21:30 h., na Biblioteca Pública de Quintela (Moaña), preséntase o segundo libro do colectivo A porta verde do sétimo andar, que recolle a obra de Alberte Momán, Miguel Ángel Alonso Diz, Alfonso Láuzara, Rosa Enríquez, Ana Cibeira, Maria Neves Soutelo, Manolo Pipas, Alba Méndez e Ramiro Vidal Alvarinho.
Arquivo da categoría: Presentacións de libros
Santiago: presentación de Filhos da brêtema, de Artur Alonso Novelhe
O 
xoves 21 de outubro, a partir das 20:00 h., na Libraría Pedreira (Rúa do Home Santo, 55) de Santiago, preséntase o libro Filhos da brêtema, publicado en Edições da Galiza, de Artur Alonso Novelhe.
Ferrol: presentación de Onde houbo lume, de Marica Campo
O 
mércores 20 de outubro, a partir das 20:00 h., preséntase na Galería Sargadelos de Ferrol Onde houbo lume, de Marica Campo, publicado por Biblos. No acto participarán, xunto á autora, Tucho Calvo e Pilar García Negro.
Ourense: presentación de Un último destino, de Xosé Carlos Caneiro
O 
xoves 21 de outubro, ás 20:00 h., no Liceo de Ourense, Xosé Carlos Caneiro presenta a súa nova novela, Un último destino, publicada por Galaxia. No acto estará acompañado por Víctor F. Freixanes.
A Coruña: presentación de En defensa do poleiro
O 
xoves 21 de outubro ás 20:00 h., na Fundación Caixa Galicia (Cantón Grande) da Coruña, preséntase En defensa do poleiro, publicado por Toxosoutos, libro colectivo, iniciativa da Plataforma en defensa do uso público e educativo do mosteiro de Celanova, que contou coa colaboración da Asociación de Escritores en Lingua Galega (AELG) e no que participaron máis de 60 escritores galegos. No acto estarán presentes os representantes da Plataforma, con Xoán Carlos Domínguez Alberte á cabeza, o presidente e secretaria da AELG, Cesáreo Sánchez Iglesias e Mercedes Queixas, así como a totalidade dos autores do entorno coruñés que participan nesta iniciativa: Olga Patiño, Diana Varela, Xulio López Varcárcel, Lino Braxe, Paco Souto e Francisco X. Fernández Naval. Expoñeranse tamén as ilustracións da pintura Mané Boán que ilustran o libro e proxectarase o audiovisual: O Iesplicable.
Santiago: presentación de Pressing Catch, de Paula Carballeira
O 
martes 19 de outubro, ás 19:30 h., na Libraría Couceiro (Praza de Cervantes, 6) de Santiago de Compostela, preséntase o libro Pressing Catch, de Paula Carballeira, publicado en Edicións Positivas. No acto participa, coa autora, Paco Macías. O texto teatral xa foi levado á escena baixo a dirección de Quico Cadaval. Chiqui Pereira, Hugo Torres, Anabel Gago e a propia Paula Carballeira interpretaban os catro papeis protagonistas nun espectáculo que se estreou na Sala Nasa o pasado marzo e que se puido ver durante setembro en Vigo.
Allariz: presentación de Noente Paradise, de Ugia Pedreira
O 
venres 15 de outubro, a partir das 20:30 h., na Libraría Aira das Letras de Allariz, a cantante e escritora Ugia Pedreira presenta o seu libro Noente Paradise, publicado por Através Editora, nun acto no que será acompañada por Raquel Miragaia e Marina Oural.
Manuel Rivas: “Galicia é vella para suicidarse”
Lugo: presentación de Denso recendo a salgado, de Manuel Portas
O 
venres 15 de outubro, ás 20:00 h., na Galería Sargadelos (Praza de Santo Domingo, 4) de Lugo, preséntase Denso recendo a salgado, primeira novela de Manuel Portas. Acompañarán ao autor Xosé Chorén, Xosé Miranda e Fran Alonso.
Vigo: presentación de Luz de Tebra, de Ánxel Vázquez de la Cruz
O venres 
15 de outubro preséntase na Casa Galega da Cultura (Praza da Princesa) de Vigo, a partir das 20:00 h., o libro Luz de Tebra, de Ánxel Vázquez de la Cruz, publicado por Xerais. No acto acompañarán ao autor Marita Vázquez de la Cruz, Xesús López Carreira e Manuel Bragado.
