Conversas Creativas, pola Oficina Galega de Outros Asuntos do Movemento

Desde a Oficina Galega de Outros Asuntos do Movemento:
“Un servizo de acompañamento e asesoramento virtual dirixido ás creadoras e creadores de calquera oficio ou proxecto, que precisen atopar os puntos clave do seu talento, para reescribir a vida persoal, laboral e creativa. Ou que precisen unha nova orientación, un cambio de rumo no baleiro. Coa Conversa Creativa existe a posibilidade de innovar, tomar unha ruta nova e inexplorada, deconstruír e facer xurdir algo que antes non había. Afóndase así na consciencia do presente, na escoita integral de todos os sentidos, coa máxima confidencialidade.
Empregando as nosas propias creacións de poemas e cancións abriremos cada conversa. A poesia falada ou cantada. O poder das palabras en declamación ou canción habilmente combinadas, contribúe a reflexionar máis sobre as nosas vivencias, e así entendelas desde outro prisma. Aumenta a actividade cerebral, ao perceber estímulos máis elaborados en comparación con expresións neutras. Deixa paso á expresión libre, diminúe as áreas adicadas ao control e supervisión, facilitando a correlación entre hemisferios e en relación directa para unha mente tranquila. Nun momento de profundas emocións contidas e límites extremos no tacto e contacto, o ámbito relacional toma o protagonismo de raíz e a creación artística, o motor. A posibilidade de facelo mediante a voz e video-cámara, mediante unha tecnoloxía básica, un teléfono ou un computador, abre á participación de todas as persoas que precisen este servicio.

Por que?
– Porque é parte natural de nós acompañar coa voz poética e musical, ferramenta sonora fundamental no cotián para os nacementos de calquera acción na práctica, nomeadamente artística.
– Porque a empatía e a escoita activa con outra persoa fai que poidamos vernos reflectidos e integrar novas paisaxes que levamos dentro.
– Porque sacar para fóra o sentir primixenio é recoñecer os recursos propios: ideas, imaxes, palabras para novos textos, melodías, movementos…

Para que pode ser útil a conversa creativa?
– Para espertar a imaxinación e visualizar novos camiños.
– Para ir á nosa crianza e traer ao presente a forza creativa.
– Para adentrarse no caos sen xuízo e soerguerse desde el.
– Para visualizar bloqueos e posicionalos como aprendizaxe.
– Para escoitarse desde o relato emocional, recoñecelo, integralo e xestionalo.
– Para achegarse a coidar e ser coidado no sosego e no íntimo.

Que abrimos con este espazo de Conversa Creativa?
A través de conversas por teléfono, vídeo ou whatsapp individuais, personalizadas e con protección da privacidade, ofrecemos un servizo de arte – saúde para axudar no sostén do presente e nas novas formas de relación e expresión a través da composición de poemas e cancións. Un espazo para conectar coa propia creatividade, sosterse nela e, a partir de ahí, relacionarse con otras persoas, coa comunidade.

Canto tempo sería? A nosa proposta é que as conversas teñan unha duración de 60 minutos. No primeiro encontro valoraremos as necesidades de cada intercambio, adaptando o tempo e a cadencia das sesións ás posibilidades de cada persoa.

Como é o intercambio? O pagamento, o intercambio transitivo será pactado na conversa. Contacto: Mensaxe a través do facebook da Oficina Galega de Outros Asuntos do Movemento.

Falicitadoras:
– Marina Oural. Performer. Escritora. Productora. Docente e Tco. Relacións Públicas e Fundadora-Directora de Atana (A Coruña), primeiro gabinete especializado en ámbito relacional de Galicia. Practica morfoanalitica. Pratica Contact Improvisation. Parceira Oficina Galega de Outros Asuntos do Movemento.
– Ugia Pedreira. Psicóloga. Compositora de cancións. Escritora. Ex-directora e co-creadora do Centro Galego de Música Popular (aCentral Folque, CMTF Lalín). Practica morfoanalitica. Observadora activa do método ABM (Feldenkrais). Parceira na Oficina Galega de Outros Asuntos do Movemento.”

Mondoñedo é Poesía 2018, o 1 de maio

Mondoñedo é poesía chega este ano á súa 5ª edición convocando para o vindeiro 1 de maio en Mondoñedo (Capital galega da poesía) a aqueles e aquelas que aman a poesía dita, recitada, cantada, musicada ou visual.
Esta actividade enmárcase, como sempre, dentro da programación das tradicionais Feiras e Festas das Quendas que se celebran desde 1541 (hai xa 477 anos) en Mondoñedo.
Celebramos esta quinta edición, amais de cos tradicionais recitais na rúa e no Auditorio Pascual Veiga, cunha homenaxe aos 200 anos da chamada Escola Poética do Seminario e coa edición do libro Mondoñedo é poesía 2014-2018.
A isto hai que engadir outras dúas novidades importantes: a participación no recital por primeira vez dun poeta foráneo (?), o berciano Juan Carlos Mestre, e o recitado dun poema desde… (con conexión en vivo e en directo, agás contratempos técnicos) a cidade galesa de Bangor. Alí estará Lorena Souto (1º Premio Leiras Pulpeiro 2017).
O cartel oficial deste ano é da autoría do grande artista, Fillo Predilecto de Mondoñedo, Xosé Vizoso.

RECITAL na RÚA
17:00 h.- Praza do Seminario
Homenaxe á Escola Poética do Seminario
Breve acto de homenaxe aos 200 anos da Escola Poética do Seminario (EPS) e de reivindicación para que a RAG lle dedique sen tardanza o Día das Letras Galegas.
Interveñen: Félix Villares Mouteira, principal estudoso da obra poética en galego dos poetas membros da EPS e autor do libro Un alpendre de sombra e de luar; Miguel Lustres, poeta pertencente á EPS, así como alumnado do CEIP Álvaro Cunqueiro e membros da Rondalla O Pallarego que darán a coñecer poemas inéditos dalgúns poetas adscritos á EPS.
17:30 h.- Praza da Catedral (a carón da estatua de Cunqueiro)
Recitan: Moncho Bouzas, Jaime Fernández, e Iria Rivas, Carmen Pavón Souto e Chema Merino, alumnado ou exalumnado do IES San Rosendo.
18:00 h.- Praza Jaime Cabot (a carón do Auditorio Pascual Veiga)
Recitan: Mª Belén Senín, Iris Carro, X. Ramón Sánchez Varela, Carme Cociña e Javier F. Rouco.

RECITAL no AUDITORIO PASCUAL VEIGA
18:30 h.
No Auditorio Pascual Veiga escoitaremos os versos de Juan Carlos Mestre, Chus Pato (Premio Mondoñedo10-modalidade poesía 2017), Olga Novo, Antón Lopo e Lorena Souto. Ugía Pedreira ofrecerá un espectáculo poético-musical. Proxectarase un vídeo-poema da autoría de Nachok con texto de Eduardo Estévez. A música póñena Rebeca Maseda e Miguel Lustres. A presentación, con guión de Clara Vidal, corre a cargo de Marina Oural Villapol_MOV

Agasallos aos asistentes
Ao remate do recital os asistentes serán agasallados con carteis da autoría de Vizoso e sortearanse 150 exemplares da publicación Mondoñedo é poesía 2014-2018.

ACTIVIDADES COMPLEMENTARIAS
EDICIÓN LIBRO CONMEMORATIVO: Mondoñedo é poesía 2014-2018
Edita: Asociación As San Lucas
Patrocina: Deputación de Lugo
Reúne en 210 páxinas biografías e poemas dos 91 escritores e músicos que participaron (algúns en máis dunha ocasión) nalgunha das 5 edicións.
Tirada: 600 exemplares.
A ilustración de portada é de Xosé Vizoso. Contén os carteis das edicións precedentes, así como debuxos e detalles gráficos de Bernardino Vidarte, Alicia Puchades, Caxigueiro, Ernesto González Torterolo, Ignacio Castro ‘Nachok’, Antón Caxoto e Vizoso.
TENDAL VIRTUAL: A POESÍA DAS PEQUENAS COUSAS
Montaxe foto-poética elaborada polo alumnado do IES San Rosendo. Proxectarase na sala de entrada do Auditorio Pascual Veiga e intermitentemente durante o transcurso do recital no salón de actos do Auditorio.

Organizan: Asociación As San Lucas e Colectivo Mondoñedo É …
Patrocinan: Secretaría Xeral de Cultura da Xunta de Galicia, Deputación de Lugo e Concello de Mondoñedo.
Colaboran: CEIP Álvaro Cunqueiro, IES San Rosendo, Seminario Santa Catalina e Rondalla O Pallarego.

Mondoñedo é Poesía 2017

Mondoñedo é Poesía 2017 chega á súa cuarta edición convocando, como nas edicións anteriores, a máis de dúas ducias de homes e mulleres, poetas e músicos, que recitarán e cantarán os seus poemas o día 1 de maio nas rúas, prazas e espazos culturais da cidade.
Esta actividade enmárcase dentro da programación das tradicionais Feiras e Festas das Quendas, que se celebran desde 1541 (hai xa 476 anos) en Mondoñedo, cidade creativa e cultural, capital galega da poesía.

ACTIVIDADES PROGRAMADAS

TENDAL DE POESÍA: “Paxaros na cabeza” [Auditorio Pascual Veiga]
Instalación de traballos coordenados polo profesorado con poemas elaborados polo alumnado do IES San Rosendo e do CEIP Álvaro Cunqueiro.
Horario de visitas: sábado, 29 de abril, e domingo, 30 de abril: de 17:30 a 21:30 horas. O luns, 1 de maio: de 17:30 ata 21:00 h.

OFRENDA-HOMENAXE A EDUARDO LENCE-SANTAR
Cemiterio Vello: Luns, 1 de maio, 17:00 h.
Loador: Armando Requeixo
Con motivo de cumprirse o 25 de abril o centenario do nomeamento de E. Lence-Santar como primeiro Cronista oficial de Mondoñedo.

MONDOÑEDO é POESÍA 2017
Luns, 1 de maio
Nas rúas e prazas coa seguinte orde e horarios:
17:30 h.: Praza da Concello
Daniel Irimia Yáñez, Montse González Álvarez, Marina Oural Villapol, Carmen Pavón Souto e Silvia García. Poema musicado: Paloma Suanzes.
18:00 h.: Praza da Catedral
Antón de Guizán, África Sánchez, Eva García González, Chema Merino e Silvia García Fernández. Poema musicado: Paloma Suanzes.
18:30 h.: Praza Jaime Cabot (ao lado do Auditorio Pascual Veiga)
Carmen Rodríguez Lage, Antón Fortes Torres e Iria Rivas. Poema musicado: Paloma Suanzes.
No Auditorio Municipal Pascual Veiga
De 19:00 a 20:30 h.-Recital poético-musical

Música: Paloma Suanzes.
Regueifas: Trioliro Regueifeiros (Luís “O Caruncho”, Josiño da Teixeira e Bieito Lobarizas).
Poetas: Tamara Andrés Padín, Ana Vila Portomeñe, Xavier Rodríguez Baixeras, Eva Veiga, Miriam Ferradáns Ferradás, Modesto Fraga, Marta Dacosta e Manuel Rivas.

Publicacións*
Papel de color. Publicación conmemorativa de MONDOÑEDO é POESÍA 2017 con deseño e ilustracións de Antón Caxoto e textos poéticos dos e das poetas e músicos participantes.
*Esta publicación entregarase gratuitamente aos asistentes ao final do recital poético-musical no Auditorio Municipal Pascual Veiga.

Organizan: Asociación As San Lucas e Colectivo Mondoñedo É …
Patrocina: Secretaría Xeral de Cultura, Consellería de Educación, Xunta de Galicia e Deputación de Lugo.
Colaboran: Concello de Mondoñedo, CEIP Álvaro Cunqueiro e IES San Rosendo.

Vilar de Santos: Unha faba, unha vida, espectáculo de Ugia Pedreira e Marina Oural

OUgia Pedreira e Marina Oural domingo 28 de setembro, ás 18:00 horas, na Arca de Noe (Rúa do Forno, 13), Vilar de Santos, Ugia Pedreira e Marina Oural actuarán coa súa performance poético-musical Unha faba, unha vida, espectáculo de poesía, música e danza.

Mondoñedo: performance poético-gastronómica Untares galegos, con Estíbaliz Espinosa e Marina Oural

O xoves 17 de novembro, entre as 12:00 e as 14:00 horas, no mercado de Mondoñedo, terá lugar unha performance poético-gastronómica baixo o título de Untares galegos, a cargo de Marina Oural e Estíbaliz Espinosa, dentro do ciclo cultural organizado pola Central Folque baixo o título Cunqueiro. Estación Mondoñedo. Vía Poesía Galega.

Santiago: presentación de Noente Paradise, de Ugia Pedreira

A sexta-feira, 19 de novembro, a partir das 20:00 h., na Libraría Pedreira (Rúa do Home Santo, 55) de Santiago de Compostela, preséntase o libro-CD Noente Paradise, de Ugia Pedreira, publicado por Através Editora. No acto intervirán Marina Oural (Rapsoda), Martázul Busto, Raquel Miragaia e a propia autora.