O 
sábado 25 de setembro, a partir das 19:00 h., preséntase na Libraría Couceiro (Praza de Cervantes, 6) de Santiago de Compostela o novo libro de relatos de Séchu Sende: Animais, publicado en Através Editora.
Arquivo da categoría: Presentacións de libros
Ribeira: presentación do especial A Voz de Barbantia
O 
venres 24 de setembro, ás 20:30 h., no auditorio de Ribeira, a Asociación Cultural Barbantia, La Voz de Galicia e o Concello de Ribeira presentan o especial A Voz de Barbantia, que recompila os números que van do 26 ao 50 do suplemento cultural que se edita co xornal La Voz de Galicia o último venres de cada mes. No acto estarán presentes Antón Riveiro Coello, presidente de Barbantia; X. Ramón Ares Noal, delegado no Barbanza de La Voz de Galicia; Xesús Laíño, socio de Barbantia; e José Luís Torres Colomer, alcalde de Ribeira.
Lalín: presentación de Máis vidas, de Xosé Vázquez Pintor
O venres 
24 de setembro, a partir das 20:30 h., no Museo Ramón María Aller Ulloa, en Lalín, preséntase o libro de narrativa de Xosé Vázquez Pintor Máis vidas, publicado por Espiral Maior. No acto intervirá, co autor, o poeta e editor Miguel Anxo Fernán-Vello, tendo lugar despois un recital de canto e de piano, coa cantareira Begoña Fernández Lorenzo e o músico e escritor Iago Mouriño.
Ourense: presentación de Filhos da brêtema, de Artur Alonso Novelhe
O 
xoves 23 de setembro, a partir das 20:00 h., Artur Alonso Novelhe presenta Filhos da brêtema, publicado por Edições da Galiza, na Livraria Torga de Ourense (rúa da Paz, 12, baixo).
Santiago: presentación de Menú de enganos, de Manuel Núñez Singala
O mércores 
22 de setembro, a partir das 20:00 h. na Libraría Couceiro de Santiago (Praza de Cervantes, nº 6), Manuel Núñez Singala o libro Menú de enganos, publicado en Galaxia. No acto participará, acompañando ao autor, Francisco Castro.
Presentacións de Parecia não pisar o chão, de Carlos Taibo
O 
libro de ensaios de Carlos Taibo sobre a figura de Fernando Pessoa, Parecia não pisar o chão, publicado en Através Editora preséntase esta semana en catro cidades galegas:
A terza-feira 21 de setembro ás 20:00 h. no Local Social A Gentalha do Pichel, en Santiago, presentado por Carlos Quiroga.
A quarta-feira 22, ás 20:30 h., no Centro Social Gomes Gaioso da Coruña (rúa Marconi, 9, Monte Alto), presentado por Valentim R. Fagim.
A quinta-feira 23, ás 20:00, na Escola Oficial de Idiomas de Vigo, presentado por Salvador Mourelo.
E, por último, a sexta-feira 24, ás 19:30 h., na Escola Oficial de Idiomas de Lugo, presentado por Joseph Ghanime e Valentim R. Fagim.
Vigo: presentación de A voz da auga, de María do Carme Kruckenberg
O 
venres 17 setembro, a partir das 20:30 h., preséntase no Verbum (Avenida de Samil, 17) de Vigo o que, pola propia vontade de María do Carme Kruckenberg, será o seu derradeiro poemario, A voz da auga, publicado por Barbantesa, completando unha singradura poética comezada moitos anos atrás. Haberá un recital da autora coa participación de Susana Blanco (violonchelo) e Leonardo Blanco (violín) tocando As catro estacións de Antonio Vivaldi.
Vigo: presentación de Sétimo andar, poesía alén
O sábado 1
8 de setembro, a partir das 21:00 h., preséntase en “A Cova dos Ratos” (na rúa Romil, 3) de Vigo o libro Sétimo andar, poesía alén, publicado por A Porta Verde do Sétimo Andar, no que participan Miguel Ángel Alonso, Ana Cibeira, Rosa Enríquez, Alfonso Láuzara, Alba Méndez, Alberte Momán, María N. Soutelo, Manolo Pipas e Ramiro Vidal. O deseño da portada é de Roberto Alonso.
Betanzos: presentación de Os libros prestados, de Xabier López
O venres 
17 de setembro, ás 20:00 h., na Sala Azul do Edificio Liceo de Betanzos, Xabier López presenta Os libros prestados, publicado por Galaxia. No acto participan, co autor, Gabriela Rodríguez, presidenta da Asociación Cultural Eira Vella, Carlos Lema, director de edicións de Galaxia, e Santiago Jaureguizar, xornalista e escritor.
Vigo: presentación de Penúltimo acto
O venres 
17 de setembro, a partir das 18:30 h., preséntase na Galería Sargadelos de Vigo (rúa Urzaiz, 17), o libro Penúltimo acto. No acto participarán, alén dos autores, Antonio Alonso Fontán e o editor, Fernando L. Pérez Poza.
