(Rúa Educación, 1, A Coruña)
Ribeira: presentación da carpeta solidaria Luva negra. 4 gravados e 5 poemas, de Xosé Poldras e Alicia López
Sabela González publica a terceira entrega de As crónicas de Landereina
Desde
o Zig-zag da Televisión de Galicia:
“As crónicas de Landereina. Libro III: Sangue de Lúa é a terceira entrega da saga fantástica que asina Sabela González. Coa apócema da destrución da Pedra de Lúa nas mans de Berenguela e Güenaela, a escritora Sabela González retoma as aventuras destas dúas veciñas de Landereina, que agora deben escapar da illa dos sabios para volver á capital do reino e rescatar o príncipe Ohn, onde a traidora segue a gañar terreo aterrorizando a todos co seu goberno tiránico. Pode accederse á entrevista aquí.”
Xosé Ramón Mariño Ferro, antropólogo, autor de Autobiografía dun labrego
Desde
o Zig-zag da Televisión de Galicia:
“O profesor de Antropoloxía Cultural da Universidade de Santiago de Compostela, Xosé Ramón Mariño Ferro, visita o programa para falar do seu libro Autobiografía dun labrego. Estudo novelado de Antropoloxía. Trátase do relato real da vida dun campesiño desde o seu propio punto de vista. Este innovador formato permítelle ao lector descubrir os costumes e cultura popular de Galicia en eidos coma o noivado, o sexo, o casamento, a morte, as aparicións ou a enfermidade. Pode accederse á entrevista aquí.”
Entrevista audiovisual a Teresa Moure, por Estela Pan
“O cuarto de Beatriz Maceda Abeleira”
Desde A Sega:
“Son filla única e nai de fillo único. Como filla sempre gocei dun cuarto para min soa, como nai, deixaron de existir os espazos privados durante anos. A noite, e non sempre, converteuse nese cuarto silencioso no que en ocasións as palabras agromaban con xenerosidade.
Cando era pequena e viñan amigas a casa o primeiro que dicían era que apenas había xoguetes e a súa cara de decepción, co tempo, deixou de molestarme. Para xogar prefería a rúa, no meu cuarto os libros eran o máis valioso que tiña e co que máis gozaba.
Sempre me custou compartir espazos e segue sendo así. Só o meu fillo conseguiu que fose xenerosa nese punto durante uns anos.
Agora vivo exiliada na cidade, nun ático, cun recuncho no dormitorio co mar en fronte. Ese mar herculino que é o que me dá un espazo infindo, que algún día tamén terei que abandonar.
Escribindo acado rodearme dunha esfera case infranqueabel na que loito cos meus personaxes, que saen e entran dela con desvergoña. Mais en ocasións, alguén, cos seus poderes afectivos, logra traspasala. Porque sempre hai un personaxe principal, real, ao que é imposible non deixar pasar.
Por onde ía eu?”
Vigo: presentación de 4 xinetes, de Anxo Fariña
O
xoves 16 de marzo, ás 19:30 horas, na Casa do Libro de Vigo (Rúa Velázquez Moreno, 27), terá lugar a presentació do libro 4 xinetes, de Anxo Fariña, publicado en Xerais. No acto, xunto ao autor, participa Anaír Rodríguez. Haberá unha sorpresa doce de “La Artesa. Pastelería creativa” e uns agasallos para as persoas asistentes.
Re-inicio da Residencia de escritores e escritoras de Rianxo
Desde
Axóuxere Editora:
“(…) Asentándonos na aldea de Brión (Rianxo), no mesmo sitio no que fora deseñada unha Residencia de escritores e escritoras, entre os anos 2012 e 2014, lugar tamén onde unha vida comunitaria e creadora se dera entre as persoas da editora e as persoas amigas, concebimos outra vez a idea de darlle pulo a unha nova andaina daquel querido proxecto das residencias. Tras ter traballado nos últimos meses sobre esta cuestión, xunto co Concello de Rianxo, finalmente podemos dar a coñecer unha dupla convocatoria de residencias para o vindeiro verán do 2017.
A singularidade desta nova xeira radica en que continuamos co vello programa da Residencia de escritores e escritoras, pero engadimos un novo tipo de concepto residencial no espazo da casa que Axóuxere Editora dispón na parroquia de Leiro, en Rianxo. Desta vez, e tentando con isto sentar un precedente no quefacer intelectual galego, ideamos un espazo de acollida para pensadores e pensadoras, para que poidan adicarse durante o tempo da súa estada á reflexión e ao pensamento crítico e teórico, sen necesidade de ningunha conclusión ou produción escrituraria.
Xa que logo, abrimos o tempo de recepción de propostas, tanto para a Residencia de escritores e escritoras, como para a de pensadores e pensadoras, que rematará o día 16 de abril. Podedes atopar toda a información sobre estas dúas convocatorias nas ligazóns que aparecen embaixo. Agardamos que, desta vez, o camiño que se abra sexa coma o dun perpetuum mobile que na vagarosa quietude do espazo rianxeiro se dispoña cara ao infinito soñado polo poeta do mar, ese infinito no que pensamento, literatura e vida se funden e confunden.
Pontevedra: recital poético con Arancha Nogueira, Lara Dopazo, Macky Chuca e Tamara Andrés
Premio honorífico dos músicos para Dorothé Schubarth
Desde
Sermos Galiza:
“Segundo a directiva de Músicos ao Vivo Schubarth é merecedora deste galardón “polas súas novidosas achegas metodolóxicas, a súa xenerosidade, a súa condición de muller intrépida e empoderadora doutras mulleres, así como o insuficiente coñecemento do alcance do seu legado por parte da sociedade galega”. Recolleráo na gala de entrega dos IV Premios Martín Códax da Música, o vindeiro 3 de maio no Pazo da Cultura de Pontevedra.
Hai case corenta anos chegaba a Galiza de vacacións Dorothé Schubarth. Alguén lle falara da riqueza do noso folclore, sen esquecer referirlle a pobreza característica do noso país. A viaxeira era autora de destacados traballos sobre a música popular europea e, movida pola vocación, comezou a buscar as escasas recompilacións que existían no noso país sobre o tema. Ante esa insuficiencia, non o dubidou e comezou un traballo de colleita que se iría ampliando e enleando até dar lugar, seis anos máis tarde, á publicación do Cancioneiro Popular Galego, a máis importante recompilación do noso folclore musical, coñecida como a biblia da música popular galega.
Dorothé Schubarth desempeñaba desde 1971 a cátedra de harmonía e contrapunto na Academia de Música de Lucerna, en Suíza. Desde este posto desenvolvera unha intensa tarefa de investigación da música popular europea, dedicándose especialmente á zona dos Balcáns e do Cáucaso, así coma aos cancioneiros de Alemaña e de Francia. A partir deste material elaborou o volume O Canto Popular en Europa, que analizaba as formas que adoptaba a música do pobo ao longo do continente, e que foi publicado en 1978. Nese mesmo ano, chegou a Galiza e comezou a súa colleita segundo entrou no país, polo Cebreiro. Os seus coñecementos sobre a cultura musical galega e sobre a nosa lingua eran mínimos, e axiña se fixo evidente que precisaba de alguén para comprender os temas e transcribilos. Deste xeito entrou en contacto con Antón Santamarina, catedrático de Filoloxía Galega en Santiago de Compostela. (…)”
