O martes 22 de xuño,
ás 20:00 horas, na Casa Casares Quiroga (Panadeiras, 12) da Coruña, haberá un recital poético-musical, organizado por Acción contra el Hambre Galicia. Nel participan Marica Campo, Francisco Fernández Naval, Olga Patiño e Emma Pedreira, e os compoñentes do grupo folk Citania: Teresa Méndez (violín) e Brais Morán (guitarra). Este acto está enmarcado na exposición CADA PASO CONTA: pintura, fotografía, escultura, poesía, ilustración, artesanía, na que máis de 70 artistas doan as súas obras para loitar contra a desnutrición infantil. A entrada será libre até completar capacidade.
A Estrada: presentación de (Retro)visor, de Antía Otero
O martes 22 de xuño, ás 20:00 horas preséntase (Retro)visor, o novo poemario de Antía Otero, no Centro Social Setestrelo, sede da Asociación Cultural Kenkeirades, na Estrada. No acto participará a propia autora acompañada por Fran Alonso.
Santiago: presentación de Os Eidos. Libro del Caurel, de Uxío Novoneyra, en editoral Árdora
O martes 22 de xuño ás 20.00h no Salón de Actos do Hotel Araguaney, en Santiago, preséntase a edición bilingüe da editorial Ardora de Os eidos. Libro del Caurel, de Uxío Novoneyra. No acto participarán José Luis Gallero (editor), Lupe Gómez, Herminio Barreiro e Ignacio Castro.
Lalín: presentación de En castellano no hay problema, de Carlos Callón
En castellano no hay problema (Xerais), de Carlos Callón, presentarase o venres 18 de xuño ás 20:30 horas no Museo Municipal Aller Ulloa de Lalín.
Carlos Callón: “A mellor defensa dunha lingua sempre é o seu uso”
A Fundación Manuel María adquire a casa natal do poeta
Madrid: Xavier Alcalá presentou a tradución de “Unha falsa luz”
Mar Guerra: “Ao escribir para nenos procuro tratalos como iguais”
O caboverdiano José Luiz Tavares gaña o Premio de Poesía Cidade de Ourense
A Coruña: presentación do proxecto da Casa Museo Manuel María na sede da Real Academia Galega (rúa Tabernas, 11)
O xoves 17 de xuño, ás 20:30 h., na sede da Real Academia Galega, terá lugar a presentación do proxecto da Casa Museo Manuel María. No acto intervirán o Vicepresidente da Deputación da Coruña, Pablo Villamar, os responsábeis do proxecto, Xan Casabella e Xosé Díaz Vieites, o Secretario da Fundación, Alberte Ansede, e a Presidenta, Saleta Goy García. No transcurso do acto presentarase tamén a obra inédita de Manuel María “Cecais hai unha luz“.
