Vídeo do Pleno do Día das Letras Galegas 2020 – Ricardo Carvalho Calero
Yolanda Castaño obtén o premio ao mellor poemario de 2020 da revista Estandarte
Desde La Voz de Galicia:
“Yolanda Castaño obtivo o premio Estandarte ao mellor libro de poesía de 2020 pola súa antoloxía Un cobertizo lleno de significados sospechosos, que publicou o selo catalán Milenio.
Segundo argumenta o fallo, Milenio publicou «unha antoloxía que se botaba en falta». Grazas a ela, apunta, é posíbel facerse unha idea do mundo de Yolanda Castaño, que, lembra, tamén «é activista cultural e promove numerosas iniciativas e proxectos relacionados con distintas disciplinas artísticas, pois o seu radio de acción vai máis alá do verso». (…)”
A Coruña: recital de Miriam Ferradáns e Xuan Bello no Ciclo Poetas Di(n)versos
A segunda feira 14 de decembro, ás 20:00 horas, no Auditorio do Centro Ágora continúa o Ciclo Poetas Di(n)versos, coordinado por Yolanda Castaño e promovido polo Concello da Coruña, cun recital de obra propia nun man a man de Miriam Ferradáns e o poeta asturiano Xuan Bello. Máis información aquí: Folletas Poetas Di(n)versos decembro 2020. Ademais, o evento poderá seguirse por streaming dende a web das Bibliotecas Municipais da Coruña.
Compostela: charla-concerto “O pouso da violencia contra as mulleres no cancioneiro tradicional e popular galego”, con Branca Villares e Pablo Pintor, o 18 de decembro
Crónica videográfica da V Xornada de Literatura Dramática (V)
A V Xornada da Sección de Literatura Dramática. As artes escénicas e as súas literaturas ante crises e pandemias foi unha actividade organizada pola AELG co patrocinio do Concello da Coruña, Deputación Provincial da Coruña e CEDRO, e a colaboración da Universidade da Coruña e o Centro Camões de Vigo.
Aquí pode verse a crónica videográfica completa, da que publicamos hoxe o seguinte vídeo:
– III Festival Pezas dun teatro do porvir. Obras galegas:
Presentación virtual de Gramo Stendhal, de María Lado
Elviña, A Coruña: presentación de Pangalaica, de Xurxo Souto
Compostela: acto do Día das Letras Galegas 2020
A sesión poderá seguirse en directo a través da web da Real Academia Galega.
Rexina Vega: “Lembro ler Os Cinco á luz dunha lanterna debaixo das sabas”
Entrevista de César Lorenzo Gil a Rexina Vega en BiosBardia:
“(…) – BiosBardia (B): Que novela a reconciliou coa literatura?
– Rexina Vega (RV): Eu sempre estiven namorada da literatura, non precisei de ningunha obra que me reconciliase con ela, pero se teño que escoller unha obra especial que cifre o que para min é isto de inventar mundos a través de palabras escollo El año del cometa de Álvaro Cunqueiro, unha historia de historias onde aparecen todas as posiblidades do artificio e todos os ángulos da verdade da condición humana.
– B: Que libro lle gustaría ter escrito?
– RV: A paixão segundo G. H. de Clarice Lispector. En realidade calquera dos escritos por ela, levito con cada unha das súas frases. Non se parece a nada e xoga sensorialmente contigo para que abras a mente e o instante estoupe. (…)
– B: Que autor/a considera vostede responsable de que vostede se dedique á literatura?
– RV: Pois unha especie de Frankenstein feito por anacos de Gloria Fuertes, Rosalía de Castro, Kafka, Ferrín e Cunqueiro. (…)
– B: E un libro galego posterior ao 1970 que adora?
– RV: Mal Mor de Emilio Araúxo. Vellez e silencio, non se pode dicir mellor nin máis fondo. Tamén Cativa no seu Lughar de Luz Pichel. (…)”
