Arquivos da etiqueta: Anna R. Figueiredo
Vídeo da presentación de O caderno de Rosalía, de María Xesús Blanco
Vídeo da presentación de O libro da filla, de Inma López Silva
Crónica fotográfica de O Escritor na súa Terra – Letra E 2020, dedicada a Vítor Vaqueiro
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou este ano á súa XXVI edición recaendo, por decisión unánime da súa Asemblea de Socios e Socias, na figura de Vítor Vaqueiro, que foi homenaxeado en Santiago de Compostela.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do/a homenaxeado/a ten unha presenza fundamental. É vontade da AELG honrar escritores/as procurando o contacto directo co autor/a e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Soledad Penalta), a plantación dunha árbore simbólica elixido polo propio autor (neste caso un carballo) e a colocación dun monólito conmemorativo.
Aquí pode verse a crónica fotográfica completa, da que publicamos a continuación unha pequena escolla:
Vigo: Festival Internacional Kerouac. Poesía e performance 2020
Crónica videográfica de O Escritor na súa Terra – Letra E, dedicada a Vítor Vaqueiro (I)
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou este ano á súa XXVI edición recaendo, por decisión unánime da súa Asemblea de Socios e Socias, na figura de Vítor Vaqueiro, que foi homenaxeado en Santiago de Compostela.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do/a homenaxeado/a ten unha presenza fundamental. É vontade da AELG honrar escritores/as procurando o contacto directo co autor/a e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Soledad Penalta), a plantación dunha árbore simbólica elixido polo propio autor (neste caso un carballo) e a colocación dun monólito conmemorativo.
Aquí pode verse a crónica videográfica completa, da que publicamos hoxe estes vídeos:
– Intervención de Anna R. Figueiredo, vicepresidenta en funcións da AELG:
– Intervención de Cesáreo Sánchez Iglesias, presidente da AELG:
Berta Dávila, coa Illa Decepción, gaña o XIV Premio Repsol de Narrativa Breve
Desde Galaxia:
“A obra Illa Decepción, da escritora Berta Dávila, resultou gañadora da XIV edición do Premio Narrativa Breve Repsol en Lingua Galega. Así o comunicou esta mañá en rolda de prensa a portavoz do xurado, Anna R. Figueiredo. Con este recoñecemento, Dávila, convertese por segunda vez en gañadora deste galardón, do mesmo xeito que o foi na VII edición coa súa novela O derradeiro libro de Emma Olsen (2013, Editorial Galaxia).
O acto do ditame tivo lugar na sede da Real Academia Galega na Coruña, e contou coa presenza de representantes das cinco entidades impulsoras do premio, o secretario xeral de Política Lingüística, Valentín García, a directora da Refinería de Repsol na Coruña, Natalia Barreiro, o presidente da Real Academia Galega, Víctor F. Freixanes, o director xeral da Editorial Galaxia, Francisco Castro, e o presidente da Asociación de Escritoras e Escritores en Lingua Galega (AELG), Cesáreo Sánchez.
Do mesmo xeito que en anteriores edicións, o premio está dotado con 12.000 euros e coa publicación do libro por Editorial Galaxia.
O xurado elixiu Illa Decepción por unanimidade, pero destaca, non só o alto nivel de participación, senón a innegable calidade de moitas das novelas, amais da gran variedade de temas, rexistros e estilos que estas propoñen. Figueiredo transmitiu que o xurado do XIV Premio Narrativa Breve Repsol define Illa Decepción coma “unha novela de auto representación, en que a autora navega polos lugares cotiáns cunha delicadeza estilística posuída de grande elegancia ao tempo que expón ante o lectorado cuestións de fondo calado respecto da familia, das relacións interpersoais, da maternidade e da pertenza a un lugar e unha comunidade”. Entre a realidade de Santiago de Compostela, a sutileza na representación pictórica do confinamento, as viaxes soñadas e a rutina das lavanderías de pago, emerxe o universo ficticio de Beautiful Island como metáfora dun mundo en constante redefinición que bebe da emoción das experiencias pasadas para construír o seu territorio vivencial presente. Estilisticamente, a portavoz do xurado destacou que Illa Decepción “é unha obra escrita con admirable dominio dos recursos expresivos, extraordinario aproveitamento das imaxes, símbolos e referentes, e unha prosa depurada onde nada sobra e todo é substantivo.” Por todas estas razóns o xurado considerou que a novela de Berta Dávila é unha narración que nos revela unha voz poderosa, absolutamente actual.
O Premio Narrativa Breve Repsol foi creado no 2006 pola refinería de Repsol na Coruña e desde 2010, Fundación Repsol substituíuna para convocar o premio contando coa colaboración da Secretaría Xeral de Política Lingüística, así como Editorial Galaxia, a Real Academia Galega e a Asociación de Escritoras e Escritores en Lingua Galega (AELG).
O xurado da XIV edición do Premio Narrativa Breve Repsol estivo composto por cinco prestixiosas personalidades das letras galegas:
-Carlos González de Lema.
-Antón Lopo.
–Mercedes Queixas Zas.
–Armando Requeixo Cuba.
-Anna R. Figueiredo.”
O Escritor na súa Terra: Vítor Vaqueiro. Santiago de Compostela, 2020
O Escritor na súa Terra: Vítor Vaqueiro. Santiago de Compostela, 2020
Esta actividade conta co apoio do Concello de Santiago de Compostela, CEDRO, Xunta de Galicia e Deputación da Coruña.
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chega este ano á súa XXVI edición recaendo, por decisión unánime da súa Asemblea de Socios e Socias, na figura de Vítor Vaqueiro, que será homenaxeado en Santiago de Compostela.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do/a homenaxeado/a ten unha presenza fundamental. É vontade da AELG honrar escritores/as procurando o contacto directo co autor/a e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor (unha peza escultórica de Soledad Penalta), a plantación dunha árbore simbólica (un carballo elixido polo propio autor) e a colocación dun monólito conmemorativo.
PROGRAMA DE ACTOS
SÁBADO 19 DE SETEMBRO
11:30 Parque de Galeras (Santiago)
Descubrimento do Monólito conmemorativo e plantación do carballo (árbore simbólico do escritor).
Acto de entrega da “Letra E”
– Lectura da acta de concesión, Anna R. Figueiredo, vicepresidenta da AELG en funcións.
– Intervención do presidente da AELG, Cesáreo Sánchez Iglesias.
– Xabier Paz: Laudatio.
– Entrega da peza escultórica da artista Soledad Penalta.
– Intervención do homenaxeado: Resposta á laudatio por parte de Vítor Vaqueiro.
– Intervención do Alcalde de Santiago de Compostela, ou persoa en quen delegue.
Pode descargarse o programa completo aquí.
Para adaptarse da mellor maneira posíbel á excepcional situación sanitaria que estamos vivindo, os dous actos terán lugar finalmente no mesmo espazo, o Parque de Galeras, correctamente acondicionado para este evento.
Pregamos a aquelas persoas que vaian asistir que nolo comuniquen no correo oficina@aelg.org antes do 18 de setembro, indicando o seu nome, apelidos e teléfono, de acordo coa normativa sanitaria vixente para este tipo de eventos.
Neste 2020, o xantar de confraternidade suspéndese pola situación sanitaria xerada pola Covid-19.
No desenvolvemento desta actividade aplicaranse os protocolos sanitarios vixentes en cada momento.
Arredor de 6.000 espectadores participaron nas actividades da primeira edición da FLIV
“Arredor de 6.000 espectadores participaron nas diversas actividades celebradas na primeira edición do Festival Virtual do Libro de Galicia (FLIV) durante a pasada fin de semana. O festival puxo en marcha 80 actividades reunindo nelas a 136 participantes do mundo cultural galego, con atención especial ao sector do libro. O FLIV naceu como resposta á necesidade de seguir facendo visibles as actividades de carácter cultural en tempos de dificultades para celebrar actos con público por causa da pandemia.
Os resultados desta primeira edición da FLIV, que comezou a xestarse en marzo, sinalan que hai un interese do públicos polas propostas culturais no sentido máis amplo e mesmo por aquelas que pode ser consideradas como alternativas. No mesmo sentido, para o festival é un respaldo á continuidade a boa acollida e resposta de todas as persoas convidadas a participar e da súa magnifica disposición para atender as singularidades dun festival coma este, feito con pouca marxe de tempo, por primeira vez e cun carácter novidoso para todos os participantes.
O resumo das cifras desta primeira edición do festival sinalan un interese por parte dos espectadores cara á proposta. O conxunto de actividades comprendidas dentro do festival sumaron arredor de 6.000 espectadores durante os tres días de celebración nos que puideron asistir a presentacións de libros, lecturas, videopoemas, charlas, cursos, debates e encontros con autoras e autores. Polas pantallas do FLIV20 pasaron 136 autoras de 13 editoriais e 35 títulos formaron parte do seu escaparte.
Os contidos xerados durante esta primeira edición do FLIV estarán colgados novamente na web do evento nos vindeiros días (fliv.gal) de maneira que o festival, terá unha primeira forma de continuidade ao poder ser vistos polos espectadores de novo. De cara ao futuro, o FLIV considera necesario aproveitar a necesidade dunha celebración coma esta e a experiencia desta primeira edición incorporando algunhas novidades para responder aos cambios de circunstancias. Desde a organización apúntase a un cambio de datas, para situala nos comezos da primavera e ampliar deste xeito a colaboración do sector docente. Tamén consideran posible a utilización de espazos públicos: librerías, auditorios e outros espazos representativos da cultura de Galicia. No mesmo sentido, non se descarta a celebración dalgunha actividade presencial en función da situación de cada momento para ser transmitida polo festival.
No que ten que ver cos contidos, a intención do festival é ampliar os argumentos e actividades sobre banda deseñada, teatro, ilustración, danza e música, de maneira que se vexan reflectidos no festival a maior cantidade posible de sectores culturais galegos. Para o festival tamén é importante ampliar a participación de autoras e autores que residen fóra de Galicia e aproveitar as características da FLIV para facer visibles as súas obras e contribuír a manter a relación cos lectores do país.”
Do 26 ao 28 de xuño, I edición do Festival Virtual do Libro Galego (FLIV)
