“O 
venres 13 de setembro, ás 20:30 horas, en The Room (Rúa Santiago, 7) da Coruña, terá lugar o recital poético Fotomecánicas baixo palabra, artellado por Antía Otero e Dores Tembrás que, nas súas poéticas tanto individuais como compartidas, xirarán ao redor do verso e o reverso, do oco e a forma, o positivo e o negativo, da materia e o baleiro, do cuarto escuro, a luz vermella, as sombras que desvelan o espazo en off… Ese inventario de tecidos e papeis salgados na vertixe polo encontro. No evento contaremos co convidado especial Federico Flesfa Dublé ou Roberto Casteleiro (Koroiev, Fagot y Popota, Krkt, Primrose) tamén coñecido como o enxeñeiro-poeta creador do “bricotrance”, xénero musical do-it-yourself de construción en vivo de loops, que co emprego de instrumentos acústicos e electrónicos, algunhas cousas do fogar e de altas doses de imaxinación para a creación sonora, semella ser unha proposta fora do común, non só pola cuestión da construción, do facer musical, senón tamén pola narrativa e a poética dos temas. No evento aproveitaremos tamén para anunciarvos a convocatoria dos obradoiros de creación poética que no primeiro trimestre impartiremos en The Room.”
Arquivos da etiqueta: Antía Otero
A Coruña: Revelar para rebelarse: escribir neste tempo, obradoiro de creación poética con Antía Otero
“Achegarse
ao feito literario facendo fincapé no poético. Arrincar o medo á palabra, desbloquear a escrita. Atopar a voz propia e afrontar a rebelión do texto. Revelar o entramado poético dende unha visión lúdica, interdisciplinar e contemporánea. Colocar o poético en relación co interdisciplinar: cinema, música, artes plásticas. Bucear nas propias creacións ao redor da imaxinación, a escoita, o concreto, o diálogo, o eu, o contorno, a periferia, o tempo, o espazo, o silencio. Escoitar o proceso. Aportar chaves que axuden a escoitar e mirar dende o aquí e o agora do cotián, do preciso, do inmediato… facendo fincapé na grandeza do poético.
Escribir para revelar e rebelarse.
Bloques temáticos:
1.- Cartografías do Eu.- Margarite Duras, Boris Vian, Silvia Plath, Tess Gallagher, Lois Pereiro.
2.- A cidade na presión do tópico.- Paul Éluard, Jean-Luc Godard, José Luis Guerín, Sophie Calle.
3.- Road Movie.- Win Wenders, Nick Cave, Antonio López.
4.- O silencio.- John Cage, Kazuo Ohno, O paseo sonoro.
5.- Diálogo continuo. Entre a tradición e o contemporaneidade.
6.- Formatos Rebelados.- Videoarte, Videopoemas, Espazos -trans, Escrita dixital.
** Ademáis das clases, cada alumn@ terá a oportunidade de recibir tres titorías personalizadas ao longo dos tres meses de duración do obradoiro.
** O día 2 de outubro de 20:00 a 22:00 horas comezamos facendo a primeira aula dun xeito completamente gratuíto. Podes vir, probar e, só se che gusta, quedar.
Duración: Trimestral (outubro, novembro, decembro).
Imparte: Antía Otero.
Días e hora: Mércores de 20:00 a 22:00 h.
Lugar: The Room (Rúa Santiago, 7 – 15001 – A Coruña)
Prezo: 60 euros ao mes.
Máis información, cuestións e matrícula en: obradoiroantiaotero@gmail.com.
Vigo: VIII Ciclo de mesas redondas Escritoras/es na Universidade: Unha outra literatura para un outro tempo
Do
26 de setembro ao 7 de novembro terá lugar o VIII Ciclo de mesas redondas Escritoras/es na Universidade, baixo o título de Unha outra literatura para un outro tempo, actividade da Asociación de Escritoras e Escritores en Lingua Galega, co patrocinio da Secretaría Xeral de Política Lingüística e a colaboración da Facultade de Filoloxía e Tradución da Universidade de Vigo.
Terá lugar a partir das 12:00 horas dos días sinalados, no Salón de actos da Facultade de Filoloxía e Tradución.
26 de setembro. Narrativa.
– Ser ou non ser posmoderno? As oportunidades perdidas e os ciclos pechados. Con Alberto Lema e Samuel Solleiro.
Sobre a relación coa posmodernidade.
3 de outubro. Poesía.
– Furia estratéxica para un tempo salvaxe? Precariedade e poesía. Con Berta Dávila e Gonzalo Hermo.
Da incidencia da situación económica e política no modo en como se concibe o discurso poético.
7 de novembro. Teatro.
– Teatro impuro para tempos bastardos. Con Antía Otero e Vanesa Sotelo.
Sobre o hibridismo de linguaxes nas novas tendencias escénicas.
Santiago: recital colectivo Ollando fóra
A Casa das Crechas (Vía Sacra, 3), en Santiago de Compostela, organiza dúas sesións de recitais Ollando fóra. Poesía galega para galeg*s de adopción, a partir das 20:00 horas.
– O martes 9 de xullo participan Branca Novoneyra, Olalla Cociña, Antía Otero, Lorena Souto, Mario Regueira, Ismael Ramos, Estevo Creus e Lucía Novas.
– O mércores 10 de xullo participan, na segunda sesión, Naír García Abelleira, Chus Pato, Francisco Cortegoso, Antón Lopo, Agustín Delicias, Alicia Fernández, María do Cebreiro, Alba Cid e Andrea Nunes.
A Coruña: recital poético como feche do obradoiro A escrita do poema, dirixido por Dores Tembrás
O 
xoves 20 de xuño, ás 19:30 horas, na Biblioteca do Centro Ágora da Coruña, con motivo do feche do obradoiro A escrita do poema: da técnica ao sen alento, guiado por Dores Tembrás, os asistentes a este curso, organizado pola Escola de Escritor@s da AELG, amosarán algúns dos textos froito das sesións previas no recital de clausura da actividade. Ponse así o ramo a uns encontros onde o traballo coa palabra poética volveu poñer de relevo algunhas das chaves precisas para a construcción do poema. A entrada é libre e gratuíta.
Neste acto de clausura, con entrada libre, estará a Vicepresidenta da AELG, a poeta Antía Otero.
A Escola de Escritoras e Escritores da AELG é unha iniciativa que ten como obxectivo, cos autores/as como guías, transmitir a experiencia da paixón do acto de crear:
• afondando nos motivos que alimentan a literatura
• proporcionando estratexias para a escrita de ficción
• destacando o desenvolvemento da capacidade de observación, reflexión e intercomunicación, no propio interior e na relación que mantemos coa realidade
• partillando orientacións e metodoloxías de achegamento literario para a mocidade xunto con escritores e escritoras da literatura galega de hoxe
• concienciando a sociedade da necesidade de estimulación creativa na escrita que complemente a formación do individuo
• poñendo en valor as olladas subxectivas xeradoras de materia prima literaria
A Escola de Escritoras e Escritores da AELG basea a súa actividade na impartición, por concellos de todo o país, de obradoiros, que terán diversos formatos en canto a xéneros literarios, contidos temáticos, idade dos destinatarios…
Vídeos da Gala das Letras 2013 (VIII): entrega dos premios ás Institucións e encerramento do acto
A
Asociación de Escritoras e Escritores en Lingua Galega celebrou o 4 de maio, no Centro Ágora da Coruña, a Gala das Letras 2013.
Seguimos dando a coñecer nesta Axenda os vídeos onde se recollen as intervencións que tiveron lugar ese día. Pódense consultar todos aquí.
– Entrega do premio ás Institucións, coa intervención de Xosé Manuel Sánchez Rei en representación de todas as entidades premiadas. Pódese ver nesta ligazón.
– Encerramento da Gala das Letras 2013, por Antía Otero. Pode verse aquí.
Vídeos da Gala das Letras 2013 (II): entrega dos premios de Literatura Infantil e Xuvenil a Ledicia Costas e Xornalismo Cultural a Ana Romaní
A Asociación de Escritoras e Escritores en Lingua Galega celebrou o 4 de maio, no Centro Ágora da Coruña, a Gala das Letras 2013.
Seguimos dando a coñecer nesta Axenda os vídeos onde se recollen as intervencións que tiveron lugar ese día. Pódense consultar todos aquí.
– Intervención de Ledicia Costas, como gañadora do Premio de Literatura Infantil e Xuvenil. Pódese ver nesta ligazón.
– Intervención de Ana Romaní, que recibiu o Premio de Xornalismo Cultural, desde aquí.
Vídeos da Gala das Letras 2013 (I): Presentación de Antía Otero e Discurso da Presidencia da AELG
A Asociación de Escritoras e Escritores en Lingua Galega celebrou o 4 de maio, no Centro Ágora da Coruña, a Gala das Letras 2013.
Desde hoxe damos a coñecer nesta Axenda os vídeos onde se recollen as intervencións que tiveron lugar ese día. Pódense consultar todos aquí.
– Presentación de Antía Otero. O vídeo pode verse nesta ligazón.
– Discurso de Cesáreo Sánchez, presidente da AELG. O vídeo pódese visualizar aquí.
A Coruña: performance Só se derivas, arribas, con Antía Otero e Antonio Rodríguez
“Antía Otero 
e Antonio Rodríguez Velasco, baixo o nome colectivo de derodríguez, plantexan para o Incoruña unha performance que durará ao longo de dous días e que se basa na deriva como lugar de recoñecemento e experimentación dentro da cidade da Coruña.
Dende dentro dun dos contedores colocados nos Xardíns de Méndez Núñez e ao longo de dous días, os 29 e 30 de maio, entre as 12:00 e as 22:00 horas, derodríguez recibirán individualmente a cada un dos participantes, e entablarán con eles un encontro de un a un, personalizado e intransferible durante 15 minutos, ao redor daqueles lugares da cidade elexidos previamente.
Se nos dis cal é o teu percorrido favorito pola cidade da Coruña, cóntasnos unha anécdota que che ocorreu en este ou aquel lugar ou simplemente nos falas daqueles espazos que para ti evocan algo ou que transitas tódolos días….Nós faremos que volver a camiñar por eles se convirta nunha experiencia nova a través dun paseo virtual, dun concerto personalizado, dunha reivindicación do anecdótico como paisaxe.
Un encontro individual a través do presente, da improvisación e da cidade.
Para inscribirte e poder participar nesta experiencia diseñada individualmente para ti, pedímosche que nos escribas ao correo derodriguez@incoruna.es : comentándonos cal dos dous días che ben mellor encontrarte con nós (29 ou 30 de maio), e contándonos de que punto a que punto da cidade da Coruña vai o percorrido que elixirías para que nos diseñemos a túa experiencia, intervindo e performando sobre el.
A data límite para inscribirse será o 28 de maio ás 00:00 horas.”
Manuscritos: Antía Otero
Desde o blogue Caderno da crítica, de Ramón Nicolás.
