O 
luns 2 de maio, a partir das 20:15 h., na Aula de Cultura do Liceo de Ourense, comeza o IX Ciclo de Conferencias Visións de Galicia, organizada pola Sección de Literatura desa entidade, con Cunqueiro narrador, a cargo de Dolores Vilavedra. Deixamos aquí este .pdf coa programación completa: Ciclo Visións de Galicia Liceo de Ourense.
Arquivos da etiqueta: Dolores Vilavedra
Ames: presentación de A narrativa galega na fin de século, de Dolores Vilavedra
O 
sábado 30 de abril, ás 17:00 h., na Praza do Concello de Ames, presentación de A narrativa galega na fin de século, de Dolores Vilavedra, publicado en Galaxia. No acto estará acompañada por Carlos Lema e Inma López Silva.
Santiago: Homenaxe a Xosé Neira Vilas
Presentación de O xogo das cadeiras, manifesto pola entrada de mulleres na Real Academia Galega
O 
manifesto O xogo das cadeiras presentouse en Santiago polas escritoras María Reimóndez, Yolanda Castaño e Inma López Silva e pola crítica literaria Dolores Vilavedra, xunto a Helena González, investigadora universitaria. Reclaman que medre a presenza feminina na Real Academia Galega e quéixanse de que se teime en discriminar nesa institución a creación e a investigación femininas. Defenden que o único fin que buscan é que as próximas vacantes que haxa na institución académica se cubran con personalidades da cultura femininas. Na súa presentación o manifesto conta con 52 sinaturas de destacadas mulleres dos ámbitos da creación, a crítica literaria, a universidade e o xornalismo. As promotoras animan os interesados en adherirse á iniciativa que o fagan a través da súa web. Vía A Nosa Terra. Tamén en Galicia Hoxe e Xornal.
Dolores Vilavedra: “Non se deixen enganar polas apariencias”
(El País)
Lectores Galegos en Bos Aires: V Ciclo de literatura galega en 2011
O 
V Ciclo de literatura galega dos Lectores Galegos en Bos Aires celebrarase no Café Tortoni de Bos Aires, estando especialmente dedicado á prensa galega, percorrendo unha serie de tópicos sobre os que a literatura galega semella volver unha e outra vez, pero agora dende outro espacio: a prensa. Analizaranse e debateranse a realidade da lingua, da cultura, do territorio, da memoria, ou da identidade sobre a base dun feixe de artigos e entrevistas xornalísticos publicados por autores galegos. Este é o cronograma de encontros:
– 19 de marzo, 16:00 horas: Análise do artigo Galicia contada a un extraterrestre, de Manuel Rivas.
– 16 de abril, 16:00 horas: Conferencia sobre Xornalismo e Literatura, a cargo de Mariela Sánchez.
– 30 de abril, 15:00 horas: Conferencia aberta sobre Xornalismo Periodismo en Galicia, a cargo de Víctor F. Freixanes.
– 21 de maio, 15:00 horas: Conferencia sobre Bilingüísmo, diglosia e linguas minorizadas. O caso arxentino a cargo de Mariana D’Agostino, e Historia da lingua galega: da ‘doma e castración’ al plurilingüísmo, a cargo de Andrea Cobas Carral.
– 25 de xuño, 16:00 horas: A lingua na prensa – Parte II.
– 13 de agosto, 15:00 horas: A terra na prensa (territorio e historia).
– 17 de setembr, 16:00 horas: A cultura na prensa (territorio e historia).
– 1 ou 8 de outubro, 16:00 horas: (A Confirmar). Conferencia de Dolores Vilavedra.
– 15 de outubro, 16:00 horas: A emigración na prensa – Parte I (quen somos, como somos e donde estamos), a cargo de Antón Rey.
– 12 de novembro, 15:00 horas: A emigración na prensa – Parte II (como nos ven e como nos vemos nós), a cargo de Claudia Amigo.
– 10 de decembro, 15:00 horas: A identidade na prensa. Presentación do Ciclo 2012.
Vigo: seminario de traballo A narrativa galega na fin de século. Unha ollada crítica dende 2010, con Dolores Vilavedra
O 
xoves 17 de marzo, ás 17:00 h., na aula A12-B da Facultade de Filoloxía e Tradución da Universidade de Vigo, terá lugar un seminario de traballo arredor do libro A narrativa galega na fin de século, con Dolores Vilavedra, chamado Unha ollada crítica dende 2010. A entrada é libre para profesorado, investigadores, alumnado e público interesado.
María Xosé Queizán, Marilar Aleixandre e Dolores Vilavedra optan á Real Academia
Dolores Vilavedra: “É falaz dicir que a literatura de éxito é superficial”
Entrevista 
a Dolores Vilavedra en El País:
“- El País (EP): Sostén que o gran cambio é que o capital simbólico, agora, fíxano o número de lectores e o beneficio económico.
– Dolores Vilavedra (DV): Agora é a novela a que se salva ou a que se perde, é a literatura a que pelexa por si mesma. E isto ten que ver con ese gran cambio do que falamos, a perda dunha certa centralidade no protagonismo social do autor.
– EP: O éxito, medido así, non condiciona a crítica?
– DV: Penso que cómpre xa reivindicar o dereito ao éxito. Se revisamos un pouco as últimas décadas, cales foron as novelas de máis éxito? Foron novelas que poderiamos definir, dalgunha maneira, como comprometidas. Ou, se queres, novelas cunha profunda dimensión ética. Estou a pensar n’O lapis de carpinteiro e en Herba moura. É falaz que a literatura de éxito sexa unha literatura superficial, light, etcétera. Os lectores non somos idiotas. (…)
– (EP): Ampliarase a base lectora, sequera en narrativa, cando se deixe de falar diso?
– DV: Penso que o noso país ten un teito de lectores potenciais que, sendo un pouco realistas, podería ser de 200.000. O gran desafío neste momento é ampliar os lectores entre a sociedade castelán falante. Ata agora viviamos dun lector escolar e dun lector libre case monolingüe, moi concienciado. Agora temos que pescar noutros caladoiros, nos da xente que é amante da lectura, sexa de novelas ou de libros de micoloxía, e que comparte a lectura en galego e a de castelán dun xeito natural.”
Dolores Vilavedra: “O establishment da cultura galega desconfía da xente moza, é suicida”
Entrevista 
a Dolores Vilavedra no Xornal:
“- Xornal (X): O Estatuto está nunha vía morta e a LNL abertamente cuestionada pola Xunta. Mesmo reparece o debate sobre que é ou non é literatura galega. É o final da literatura postautonómica?
– Dolores Vilavedra (DV): Ese é un debate pechado. A literatura galega é a literatura en galego, non podemos entrar nese xogo. Temos unha literatura consolidada, así que podemos abandonar de vez as posicións defensivas, que tampouco nos favorecen. Os desafíos son o libro electrónico e os novos lectores, a gran materia pendente nunha literatura que vai sempre tan xusta. (…)
– X: Que cambiou nos repertorios a entrada da muller no sistema literario galego?
– DV: Quen escribe dende a conciencia de subalternidade non pode facelo doutra maneira que non sexa poñendo todo o protagonismo nos espazos da subalternidade, sexa de xénero, sexa social ou cultural ou lingüística, e estou a pensar por exemplo na última novela de Iolanda Zúñiga, que é un clamor por facer visíbel a subalternidade. A muller contribúe a renovar os repertorios dun xeito complexo, sutil e profundo, e por tanto revolucionario. (…)
– X: Nesa lóxica, tamén é banal hoxe a polémica arredor do ciclo O ceo das letras?
– DV: Si, é banal, e ademais é unha polémica montada por persoas que o que quererían é estar coordinando ese ciclo. E ten que ver tamén coas dificultades do establishment para confiar na xente nova. É suicida. Este país e esta cultura, se se salvan, é pola xente moza.
– X: Habería outro affaire Xurxo Borrazás, na medida en que Arte e parte ou incluso Prosa vertical parecen reivindicar a autonomía do escritor?
– DV: Máis ben vexo na súa actitude, nos seus artigos, na campaña que montou contra Freixanes, unha reclamación: que se lle devolva ao escritor esa función de salvagarda da ética. É un rol periclitado, e por moito que non lle guste, non é algo que teñamos que lamentar.
