Entre o 6 e o 28 de febreiro a Galería Sargadelos de Ferrol exporá algunhas das fotografías de Eduardo Estévez que conforman o traballo Os veos da paisaxe. Na Galería compartirá espazo con Igor Lugrís, que amosará parte dos seus poemas visuais Poesía para ver Poesía para ler. A inauguración, que incluirá un recital poético, terá lugar o venres 6 de febreiro ás 20 horas. Unha semana despois, o venres 13, presentarán no mesmo escenario a primeira edición en papel d’Os veos da paisaxe, oitenta exemplares artesanais que conteñen, cada un, cinco fotografías orixinais (diferentes en cada exemplar), da mesma serie das que se expoñen.
