Arquivos da etiqueta: Museo Provincial de Lugo

Lugo: presentación dos Circuítos Teatrais Buxiganga 2013

Publicado o por

O venres 21 de xuño, ás 20:30 horas, comeza na Praza da Soidade (diante da fachada principal do Museo Provincial de Lugo) a presentación dos Circuítos Teatrais Buxiganga para este ano 2013 que promoven a área de Cultura e Turismo e a vicepresidencia primeira da Deputación de Lugo.
Nota: En caso de chuvia, as representación terán lugar no Salón de Actos da Deputación, Praza de San Marcos.

No acto, que se desnvolverá polas rúas de Lugo, intervirán 9 compañías teatrais que ofrecerán ao público fragmentos de 5 minutos de duración, anacos das pezas que representan nos Circuítos Buxiganga.
1. Presentación e actuación do grupo Hipócrita Teatro de Lugo no adro do MPLugo, Praza da Soidade.
2. Presentación e actuación Os Trocos de Castro de Rei, Praza da Soidade.
3. Presentación e actuación Achádego de Lugo, na Praza de Armañá, diante da subdelegación do Goberno.
4. Presentación e actuación A Rabela de Baralla, na Praza do Campo.
5. Presentación e actuación Nova Escena de Lugo, na Praza de Sta. María.
6. Presentación e actuación Parápono Teatro de Lugo, na Praza de Sta. María.
7. Presentación e actuación Os Palimoquiños de Lugo, na Praza Maior (fronte a NovaGalicia Banco)
8. Presentación e actuación Teatro Lucho Hospital Xeral-Calde de Lugo diante do concello, na Praza Maior.
9. Presentación e actuación Do Miolo e Cía de Lugo, na Rúa San Marcos (diante da Deputación).

Lugo: edición número 32 de O pazo das musas

Publicado o por

O xoves 21 de marzo, ás 20:00 horas, no Refectorio do Museo Provincial de Lugo, terá lugar a edición número 32 da revista oral de periodicidade trimestral O pazo das musas, editada polo Museo Provincial de Lugo (Rede Museística da Deputación de Lugo), e coordinada por Antonio Reigosa, con entrada libre. Este número estará dedicado a lembrar aqueles días de 1963 nos que a vila histórica de Portomarín foi desaparecendo, mergullada, baixo as augas do Miño. Nas transparencias do Miño (Memorias do vello Portomarín, no 50º aniversario do asolagamento).

SUMARIO Nº 32

– Portada musical. Alborada, por Os Minhotos (2:25’).
– Portomarín nas letras (I). Nas transparencias do Miño (lectura dun fragmento), por Andrés Pociña (6’).
– Música. Na Eira, por Os Minhotos (3’).
– Portomarín no Museo Provincial de Lugo. “Pedras” do vello Portomarín no Museo Provincial de Lugo, por Mª Ofelia Carnero Vázquez (10’).
– Música. Currupia, por Os Minhotos (3:15’).
– O vello Portomarín en imaxes. Instantes asolagados (Arquivo fotográfico de Pepe Pereira), por José López López (10’)
– Música. Cova Nuada, por Os Minhotos (3:48’).
– Memoria da historia (e das xentes) do vello Portomarín. Portomarín. Monografía geográfica de una villa medieval (de Gonzalo Paz López), polo doutor Gonzalo Paz Doel (10’).
– Música. Vals de Arousa, por Os Minhotos (4’).
– Portomarín no cine documental. Imaxes esquecidas do vello Portomarín (películas inéditas en Lugo). Presentación: Fernando Arribas Arias (20’).
– Portomarín nas letras (e II). Nas transparencias do Miño (lectura dun fragmento), por Andrés Pociña (6’).
– Música. Mazurca de Bretoña, por Os Minhotos (2:25’).
– Opinión. Intervención do público (5’).
– Epílogo. Encarna Lago, xerente da Rede Museística (3’).
– Contraportada musical. Cambeando, por Os Minhotos (5:52’).

Actos do Día de Rosalía para o sábado 23

Publicado o por

O sábado 23, ás 12:00 horas, na Librería Lila-Lilith e Ciranda (Rúa da Travesa, 7) de Santiago de Compostela, terá lugar un acto coas poetas Rosalía Fernández Rial, Helena Salgueiro e Luz Fandiño, onde recitarán obra propia alternando con poemas de Rosalía. No acto proxectarase tamén Todas con Rosalía.

Lugo: exposición Ben-Cho-Shey. 50 anos de maxisterio cultural (1918-1968)

Publicado o por

O xoves 14 de febreiro, ás 20:00 horas, na Sala de Exposicións do Museo Provincial de Lugo (Praza da Soidade, s/n), inaugúrase a exposición Ben-Cho-Shey. 50 anos de maxisterio cultural (1918-1968), promovida pola Área de Cultura e Turismo da Deputación de Lugo, que estará aberta ao público até o luns 20 de maio, con entrada gratuíta e horario de luns a venres de 09:00 a 21:00 horas; sábados de 10:30 a 14:00 h. e de 16:30 a 20:00 h.; e domingos e festivos de 11:00 a 14:00 h.
No acto intervirán Antonio Veiga, Mario Outeiro, Xoán R. Cuba, comisario da exposición. Haberá tamén unha lectura dramatizada do Diario de Lugo de Ben-Cho-Shey, a cargo de Paloma Lugilde e Tareixa Campo, e a actuación musical de Mini e Mero.
A mostra estrutúrase en 4 apartados:
1. Fotobiografía: un percorrido cronolóxico pola vida de Ben-Cho-Shey con máis dun cento de fotografías e ilustracións.
2. Andar e aguzar. Os traballos e os días de Ben-Cho-Shey: As distintas vertentes do seu labor como polígrafo, cunha ampla información gráfica, bibliográfica e documental (o escritor, o xornalista, o etnógrafo, o arqueólogo, o político…).
3. O Partido Galeguista en Lugo 1931-1936. A constitución do Partido Galeguista en Lugo e o seu avance e consolidación na etapa en que Ben-Cho-Shey preside o Grupo local. Documentos inéditos: O Diario de Lugo de 1936, correspondencia co Comité Executivo do Partido, con militantes de distintas localidades, carta de Ben-Sho-Shey a Castelao dende Lugo, propaganda política orixinal da época e varios documentos gardados, nun arquivo clandestino, polo secretario do Grupo local de Chantada, Leonardo Fernández Souto.
4. Sociedade e cultura en Lugo 1918-1968. Unha cronoloxía da vida social e cultural de Lugo, nos 50 anos claves da traxectoria vital e intelectual de Ben-Cho-Shey, acoutada por dous anos simbólicos: o 1918, no que se celebra en Lugo a Asemblea Nacionalista, auspiciada polas Irmandades das Fala, e o 1968, ano de efervescencia política e cultural, no que Ben-Cho-Shey declara no TOP (Tribunal de Orde Pública) a favor de tres mozos lucenses detidos en Madrid a finais do ano anterior, pola campaña Libertade pra Galicia.

Lugo: presentación do catálogo do Roteiro artístico-literario Fiz Vergara Vilariño

Publicado o por

O venres 28 de decembro, ás 20:00 horas, no Museo Provincial de Lugo, preséntase o catálogo do Roteiro artístico-literario Fiz Vergara Vilariño, con obras de Primitivo Lareu, Jesús Otero-Yglesias, Buciños, Álvaro de la Vega, Violeta Bernardo, Miguel Macía, Fernando Yáñez, Mónica Alonso, Paco Poy, Caxigueiro, Eudardo Valiña, Paco Pestana e Manolo Caamaño. O acto está convocado pola Asociación Cultural Ergueitos, co patrocinio da Área de Cultura e Turismo, vicepresidencia primeira da Deputación de Lugo.

Lugo: edición nº 31 da revista oral O Pazo das musas

Publicado o por

O xoves 27 de decembro, a partir das 20:00 horas, no Refectorio do Museo Provincial de Lugo, terá lugar unha nova edición, a número 31, da Revista oral O pazo das musas, de periodicidade trimestral, editada polo Museo Provincial de Lugo (Rede Museística da Deputación de Lugo), coordinado por Antonio Reigosa, e que estará centrado nos centenarios de Manuel Lerias Pulpeiro (Mondoñedo, 1854-1912) e Celso Emilio Ferreiro (Celanova, 1912- Vigo, 1979). O sumario é o seguinte:

– Portada musical. Pilocha (3 minutos).
– Proxección. Deitado frente ao mar (Celso Emilio Ferreiro). Video creado polo alumnado de 3º ciclo de E. Primaria do CEIP da Barqueira, Cerdido (A Coruña) (2 minutos).
– Celso Emilio. A Di-versíada de Celso Emilio Ferreiro, por Armando Requeixo (10 minutos).
– Música. por Pilocha (3 minutos).
– O son da nosa fala (Radio Lugo), por Paco Nieto e Tania Lombao (10 minutos).
– Música. por Pilocha (3 minutos).
– Proxección. Monólogo do vello traballador (Celso Emilio Ferreiro). Videopoema creado por Andrea Nunes, Lorena Souto e Mario Regueira con motivo do recital poético Ergueremos a esperanza, celebrado na Universidade de Deusto o 26 de abril de 2012 (3 minutos e 22 segundos).
– M. Leiras Pulpeiro. Manuel Leiras Pulpeiro: o poeta que amou a Verdade e practicou o Ben, por Armando Requeixo (10 minutos).
– A obra de M. Leiras Pulpeiro na voz do alumnado do IES Leiras Pulpeiro, de Lugo. Participan alumnos/as e profesores/as deste centro, coordinados polo Departamento de Lingua e Literatura Galega (12 minutos).
– Música. Pilocha (3 minutos).
– Lecturas da obra de Leiras Pulpeiro (Banco de Voces de Radio Lugo). Convidaremos aos asistentes a ler un poema de M. Leiras Pulpeiro, converténdose así nos primeiros colaboradores dun ambicioso proxecto da emisora Radio Lugo para que a poesía teña presenza continuada na súa programación e, ademais, ir facendo realidade un arquivo oral que se vai denominar Banco de Voces de Radio Lugo (10 minutos).
– Opinión. Intervención do público (5 minutos).
– Epílogo. Encarna Lago, xerente da Rede Museística (3 minutos).
– Contraportada musical. Pilocha (3 minutos).

Crónica posterior de Armando Requeixo no seu blogue, Criticalia.

Lugo: Dramaturxias do Baúl, no Museo Provincial

Publicado o por

O venres 14 de decembro, ás 20:30 horas, terá lugar no Museo Provincial de Lugo (Praza da Soidade, s/n.), a segunda edición das Dramaturxias de baúl, unha representación teatral que ademais serve como acto de clausura das accións formativas do ano 2012 do Proxecto teatral Buxiganga (II Premio da FEGATEA á animación teatral 2012) que promove a área de Cultura da Deputación de Lugo. Os participantes no obradoiro de dramaturxia, impartido por Rubén Ruibal (Premio Nacional de Literatura), foron elaborando entre os meses de xuño e decembro diferentes pezas teatrais que serán representadas e lidas en diferentes espazos e salas do Museo Provincial. A representación está coordinada por Rubén Ruibal e conta coa participación de Brian Rodríguez, Anxo Manoel Lamelo, Pablo Iglesias (Germán Frasio), Elvira Velasco, Iria Acevedo, Conchi Madrina, Rubén Pérez, María Grandío e Simón Piñón. A entrada é libre e gratuíta.

Lugo: xornada dedicada á vixencia de Castelao na arte e no pensamento galego

Publicado o por

PROGRAMA

Martes 27 de novembro
– 18:00 h. Presentación a cargo de Mario Outeiro, deputado delegado da Área de Cultura e
Turismo da Deputación de Lugo.
– 18:10 h. Táboa redonda con Xoán Carlos Garrido Couceiro e Pilar García Negro: VIXENCIA DE CASTELAO: NA ARTE, NO PENSAMENTO GALEGO.
– 19:00 h. Debate.
– 19:30 h. A restauración da obra en papel de Castelao no Museo Provincial de Lugo, por Blanca Besteiro García.
– 20:00 h. Visita técnica guiada á nova disposición da sala monográfica de Castelao a cargo da directora do MPL, Aurelia Balseiro García.

– No Museo Provincial de Lugo.
– Aforo: 80 asistentes.
– Información e contacto: direccion@museolugo.org Tlfno: 982 242 112 (Museo Provincial de Lugo).

Lugo: edición nº 30 da revista oral O pazo das musas

Publicado o por

O xoves 27 de setembro, a partir das 20:00 horas, no Refectorio do Museo Provincial de Lugo, terá lugar unha nova edición, a número 30, da Revista oral O pazo das musas, de periodicidade trimestral, editada polo Museo Provincial de Lugo (Rede Museística da Deputación de Lugo), coordinado por Antonio Reigosa, e que estará dedicado ao Barroco, termo (do francés baroque) que dá nome ao movemento cultural e estilo artístico que se desenvolveu desde o século XVII ata mediados do XVIII na arquitectura, pintura, música, literatura … e outras moitas disciplinas. O sumario é o seguinte:

– Portada musical. Sonata nona per due soprani e fagotto (D. Castello), por Il Combattimento (Músicas e instrumentos do barroco) (5 minutos).
– A pegada do barroco na cidade de Lugo. Lugo barroco, por Fernando Arribas (10 minutos).
– Música. La Bataglia (F. Biber), por Il Combattimento (Músicas e instrumentos do barroco) (5 minutos).
– Letras do barroco (I). Fermoso Tejo meu e Vilancete (textos de Francisco Rodrigues Lobo), por Isidro Novo (5 minutos).
– Música. Les voix humaines (M. Marais), por Il Combattimento (Músicas e instrumentos do barroco) (5 minutos).
– A memoria do barroco no Museo Provincial de Lugo. Obra do barroco no Museo Provincial de Lugo, por María Quiroga (10 minutos).
– Música. Concerto in La minore per fagotto (A. Vivaldi), por Il Combattimento (Músicas e instrumentos do barroco) (5 minutos).
– Letras do barroco (II). En dia de cinza, sobre as palabras -quia pulvis es e Antes da confissậo (textos de Francisco M. de Melo), por Isidro Novo (5 minutos).
– Música. Suitte en Mi menor (J. Hotteterre) (Le Romain), por Il Combattimento (Músicas e instrumentos do barroco) (5 minutos).
– Letras do barroco (e III). Coloquio en 1201 coplas galegas (selección) (texto Fr. Martin Sarmiento), por Isidro Novo (5 minutos).
– Música. Música acuática (G. F. Haendel), por Il Combattimento (Músicas e instrumentos do barroco) (15 minutos).
– Opinión. Intervención do público (5 minutos).
– Epílogo. Por Encarna Lago, xerente da Rede Museística (3 mnutos).
– Contraportada musical. Taffelmusik (G. P. Telemann), por Il Combattimento (Músicas e instrumentos do barroco) (5 minutos).