Desde
o Concello de Lugo:
“O xurado profesional do XXI Certame de Narración Curta Ánxel Fole, posto en marcha polo Concello de Lugo, decidiu outorgar o premio deste concurso a Xosé Antonio Neira Cruz, pola obra titulada Veleno de tinta imprensa.
Os membros do xurado reuníronse baixo a presidencia, con voz e sen voto, da Concelleira de Cultura, Turismo, Xuventude e Promoción da Lingua, Carmen Basadre. Estivo composto por Luz Darriba, artista multidisciplinar; Xosé Cid Cabido, gañador da edición anterior deste certame; Manuel Bragado, ensaísta, crítico e editor, e como representante de Edicións Xerais de Galicia.
A entidade local convoca cada ano este premio para novelas breves ou libros de relatos, que está dotado cun único premio de 4.000 euros, ademais da publicación da obra premiada a cargo da editorial Edicións Xerais de Galicia.”
Arquivos da etiqueta: Carmen Basadre
Lugo: presentación do número 21 da revista Xistral, Revista Lucense de Creación Poética
Información
achegada por Toño Núñez, coordinador da revista:
“O xoves, 28 de marzo, ás 20:00 horas, no Salón de Plenos do Concello de Lugo, presentouse o número 21 da revista Xistral, Revista Lucense de Creación Poética.
A revistra Xistral foi creada por Manuel María no ano 1949, cando tiña 21 anos e aínda non publicara Muiñeiro de Brétemas (1950). Un proxecto de xuventude que fundou en compañía do seu amigo Manuel Antonio Sopena. Pero, daquela, tan só deron sacado dous números en edición bilingüe. Aínda así, neses dous números chegaron a publicar, ademais de Manuel María, autores da talla de Cunqueiro, Pimentel e Aquilino Iglesia Alvariño.
Despois de medio século de silencio, no ano 2000, o Concello de Lugo recuperou a idea e puxo a andar de novo a Revista Xistral co subtítulo de Revista Lucense de Creación Poética. En realidade, a iniciativa quen a toma é Camilo Gómez Torres, que fora alumno de Manuel María en Monforte e, a esas alturas xa, un bo amigo do poeta. O propio Manuel María autorizou esta renacenza e, mesmo, chegou a escribir un texto de presentación para o número 3, número co que se iniciaba a segunda etapa desta revista. Será, pois, Camilo Gómez Torres, amigo persoal do poeta de Outeiro de Rei, quen se faga cargo da coordinación desta e das sucesivas edicións, dende a número 3 ata a número 20, converténdose no verdadeiro mantedor e dinamizador deste proxecto poético. Camilo Gómez Torres, exprofesor do IES Lucus Augusti de Lugo, realizou un traballo ímprobo con absoluta discreción, dándolle á revista unha personalidade singular.
Xistral é unha revista de poesía cun denominador común: a pluralidade. Poetas, homes e mulleres, de todas as idades, procedencias e con moi diferentes traxectorias poéticas e vitais; dende poetas que son xa referentes na poesía galega contemporánea, ata outros/as que comezan a dar os seus primeiros pasos na creación poética. Diversidade, igualmente, na temática, no estilo, na forma…
Pero, no ano 2017, Gómez Torres pediu o relevo e o número 21 sae baixo a coordinación de Toño Núñez, quen procurou darlle continuidade a un proxecto totalmente consolidado.
O Consello de Redacción desta publicación está integrado, dende o número 3, por Luz Pozo Garza, Marica Campo, Claudio Rodríguez Fer, Olga Novo e a concelleira de Cultura do Concello de Lugo; nestes últimos anos, Carmen Basadre.
Cabe
salientar que todos os distintos grupos políticos que tiveron responsabilidades de goberno no Concello de Lugo dende ese ano 2000, creron no proxecto e mantivérono vivo.
Xistral 21 conta coas achegas de 77 poetas (44 homes e 33 mulleres) e con 144 páxinas, ao longo das que se van debullando preto duns 150 poemas. E con sete marabillosas e poéticas ilustracións da autoría do recoñecido artista lugués Christian Villamide, que axudan a que estas 144 páxinas se fagan moito máis atractivas aos nosos ollos. Tamén poderiamos salientar que a familia Xistral segue a medrar e que son varias as voces poéticas que publican por primeira vez en Xistral neste número.
O acto estaba previsto que rematase cunha sinxela, pero sentida, homenaxe a Camilo Gómez Torres, e coa entrega duns simbólicos agasallos. Mais, un imprevisto fixo que o acto tivese que quedar interrompido cando xa faltaba pouco para finalizar. Buscarase data e lugar para poder darllle un final axeitado.”
Lugo: Homenaxe a Isidro Novo (1 de febreiro)
O 1 de febreiro terá lugar a segunda parte da Homenaxe a Isidro Novo. Nesta actividade, a colaboración da AELG fíxose co patrocinio de Centro Español de Derechos Reprográficos (CEDRO).
A AELG fai parte da comisión organizadora da homenaxe, que se retoma o 1 de febreiro, cando se lle vai dar o nome de Isidro Novo á Biblioteca Municipal de Lugo e se presenta o libro que recolle as intervencións da xornada que se desenvolveu o 3 de novembro, da que se pode ver unha reportaxe gráfica aquí.
A presentación deste libro-homenaxe a Isidro Novo supón, por tanto, o colofón aos actos organizados na súa memoria. Está prevista para o 1 de febreiro e consistirá na descuberta do rótulo que asigna o seu nome á Biblioteca Municipal, sita no Parque da Milagrosa, e na presentación desta obra, que recolle os textos dos relatorios, recitados e imaxes da emotiva homenaxe que lle dedicaron o pasado 3 de novembro de 2018 un grande número de amigos e amigas no Auditorio do Centro Cultural Vello Cárcere de Lugo.
Venres, 1 de febreiro de 2019
HOMENAXE A ISIDRO NOVO (2ª parte)
19:00 h.
Lugar: Biblioteca Municipal
Parque da Milagrosa
Acto: Descuberta do rótulo que designa a Biblioteca Municipal de Lugo como BIBLIOTECA MUNICIPAL ISIDRO NOVO (Por acordo unánime do pleno municipal en sesión celebrada a finais de outubro de 2018).
MIHL (Museo Interactivo da Historia de Lugo)
Parque da Milagrosa
Ao remate do acto precedente trasladarémonos ata o salón de actos do MIHL para a presentación do libro Isidro Novo (1951-2018).
Coordinador: J. Luis Calvo Vidal
Cuberta deseñada por Quique Bordell
Maqueta: Martiño Cabana e Darío Xohán Cabana
Imprime: La Voz de la Verdad
Edita: Concello de Lugo. Concellería de Cultura, Turismo, Xuventude e Promoción da Lingua
ISBN: 978-84-92895-36-6
Depósito legal: LU 3-2019
261 páxinas.
Este volume recolle os textos dos relatorios, recitados e imaxes da emotiva homenaxe que lle dedicaron o pasado 3 de novembro de 2018 un grande número de amigos e amigas no Auditorio do Centro Cultural Vello Cárcere de Lugo.
A obra consta de varios capítulos, ademais do saúdo institucional a cargo da concelleira, Camen Basadre, e dun limiar. No capítulo denominado “Vida e escrita” inclúense estudos e análises en profundidade arredor da vida e das distintas facetas creativas de Isidro como narrador, poeta, dinamizador e xestor cultural.
En “Alén da escrita. O outro Isidro” trátanse aspectos máis persoais, desde a perspectiva da amizade. En “A coroa poética” “A coroa narrativa”, “A coroa plástica” e “Dúas epístolas” recóllense as creación literarias e artísticas, poemas, relatos, fotografías, ilustracións… de 65 persoas que homenaxean a Isidro coas súas creacións.
Unha detallada bibliografía sobre e de Isidro Novo, elaborada por J. Luis Calvo, retratos de diferentes fotógrafos e unha ampla reportaxe fotográfica de Xosé Reigosa dos actos do 3 de novembro pechan este volume que no seu conxunto constitúe un monográfico solvente, rigoroso e afectivo para quen foi un intelectual recoñecido, extraordinario escritor e excelente amigo.
O Concello de Lugo xunto coa comisión organizadora da homenaxe a Isidro Novo convidan á cidadanía a asistir a estes actos e expresan publicamente o seu agradecemento a institucións, agrupacións, asociación e persoas que participaron dunha maneira ou doutra na boa marcha desta merecida homenaxe.
Lugo: presentación de The Making of, de Xavier Alcalá
Lugo: presentación de CO2, de Isidro Novo
Xosé Cid Cabido álzase co XX Premio de Narración Curta Ánxel Fole
Desde
o Concello de Lugo:
“(…) O xurado profesional do XX Certame de Narración Curta Ánxel Fole, posto en marcha polo Concello de Lugo, decidiu este venres outorgar o premio a Xosé Cid Cabido, residente en Vigo, pola obra Tres pintores.
Os membros do xurado reuníronse esta tarde no Salón de Comisións baixo a presidencia, con voz e sen voto, da Concelleira de Cultura, Turismo, Xuventude e Promoción da Lingua, Carmen Basadre. Estivo composto pola filóloga, escritora e guionista Carmen Conde, o mestre, dramaturgo, poeta, narrador oral e contador de historias Lois Pérez, e o ensaísta, crítico e editor, director de Edicións Xerais de Galicia, Manuel Bragado.
A entidade local convoca cada ano este premio para novelas breves ou libros de relatos, que está dotado cun único premio de 4.000 euros, ademais da publicación da obra premiada a cargo da editorial Edicións Xerais de Galicia.”
Quiosco: Xistral 20
Desde Cultura Galega:
“O Concello de Lugo acollía a pasada semana a publicación da vixésima entrega da revista Xistral, publicación histórica que botara a andar Manuel María e que voltou en 2000 da man do municipio. Nesta ocasión, o novo volume recolle textos de 63 poetas e poetisas do país acompañados de ilustracións de Quique Bordell. A coincidir co lanzamento dáse tamén un relevo na coordinación do proxecto, que pasa de Camilo Gómez Torres a Toño Nuñez que estará acompañado por un consello de redacción formado por Luz Pozo Garza, Marica Campo, Claudio Rodríguez Fer, Olga Novo e a Concelleira de Cultura, Carmen Basadre. (…)”
Crónica videográfica de A Escritora na súa Terra – Letra E, Pilar García Negro (e III)
A
Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chega este ano á súa XXIII edición recaendo, por decisión unánime da súa Asemblea de Socios e Socias, na figura de María Pilar García Negro, que será homenaxeada en Lugo, terra na que naceu e se criou.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de orixe do/a homenaxeado/a cobra un protagonismo fundamental. É vontade da AELG honrar escritores/as procurando o contacto directo co autor/a e a súa implicación persoal na xornada de homenaxe.
Unha celebración múltiple e popular na que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Mónica Alonso), a plantación dunha árbore simbólica (un magnolio elixido pola propia autora) e a colocación dun monólito conmemorativo.
Este acto conta co apoio da Deputación de Lugo, Concello de Lugo, Xunta de Galicia e CEDRO.
Aquí pode verse a crónica videográfica completa, da que publicamos hoxe estes vídeos, referentes á entrega da Letra E (no salón de plenos do Concello de Lugo):
– Laudatio: Carme Fernández Pérez-Sanjulián:
– Resposta de María Pilar García Negro á laudatio:
Crónica videográfica de A Escritora na súa Terra – Letra E, Pilar García Negro (II)
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chega este ano á súa XXIII edición recaendo, por decisión unánime da súa Asemblea de Socios e Socias, na figura de María Pilar García Negro, que será homenaxeada en Lugo, terra na que naceu e se criou.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de orixe do/a homenaxeado/a cobra un protagonismo fundamental. É vontade da AELG honrar escritores/as procurando o contacto directo co autor/a e a súa implicación persoal na xornada de homenaxe.
Unha celebración múltiple e popular na que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Mónica Alonso), a plantación dunha árbore simbólica (un magnolio elixido pola propia autora) e a colocación dun monólito conmemorativo.
Este acto conta co apoio da Deputación de Lugo, Concello de Lugo, Xunta de Galicia e CEDRO.
Aquí pode verse a crónica videográfica completa, da que publicamos hoxe estes vídeos, referentes á entrega da Letra E (no salón de plenos do Concello de Lugo):
– Intervención de Carme Basadre, Concelleira de Cultura:
– Lectura da acta de concesión da Letra E por parte de Mercedes Queixas, secretaria xeral da AELG:
– Intervención de Cesáreo Sánchez, presidente da AELG:
Crónica videográfica de A Escritora na súa Terra – Letra E, Pilar García Negro (I)
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chega este ano á súa XXIII edición recaendo, por decisión unánime da súa Asemblea de Socios e Socias, na figura de María Pilar García Negro, que será homenaxeada en Lugo, terra na que naceu e se criou.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de orixe do/a homenaxeado/a cobra un protagonismo fundamental. É vontade da AELG honrar escritores/as procurando o contacto directo co autor/a e a súa implicación persoal na xornada de homenaxe.
Unha celebración múltiple e popular na que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Mónica Alonso), a plantación dunha árbore simbólica (un magnolio elixido pola propia autora) e a colocación dun monólito conmemorativo.
Este acto conta co apoio da Deputación de Lugo, Concello de Lugo, Xunta de Galicia e CEDRO.
Aquí pode verse a crónica videográfica completa, da que publicamos hoxe estes vídeos, referentes ao descubrimento do monólito e a plantación da árbore conmemorativos (na Praza de Ferrol):
– Carme Basadre, Concelleira de Cultura do Concello de Lugo:
– Intervención de Cesáreo Sánchez, presidente da AELG:
– Intervención de Pilar García Negro:
– Descubrimento do monólito e plantación da árbore conmemorativos:
