Arquivo da categoría: Audiovisual

Redondela: proxección de 100% CEF e coloquio co seu director, Aser Álvarez

Publicado o por

O mércores 24 de abril, ás 20:30 horas, na Casa da Cultura de Redondela, nun acto coorganizado polas Bibliotecas de Redondela e o Servizo de Normalización Lingüística dese Concello, terá lugar a proxección do filme documental 100% CEF e posterior coloquio co seu director, Aser Álvarez.

Cantares Gallegos revisitado

Publicado o por

Desde Sermos Galiza:
“No video recóllese o proceso creativo de Pepe Barro á hora de elaborar a súa visión creativa de Cantares Gallegos. O 15 de maio inaugurarase en Vigo a exposición No principio foi o verso. Rosalía de Castro comisariada por Pepe Barro, que se artella en oito espazos temáticos, desde os inicios en Vigo, cidade na que foi publicado o libro, até o último titulardo Muller bandeira que recollerá fitos, documentos e obxectos da recepción da figura de Rosalía de Castro. (…)

Ferrol: o venres 19 de abril comeza a Feira do Libro

Publicado o por

O venres 19 de abril comeza a Feira do Libro de Ferrol (na Praza da Constitución, con horarios de 11:00 a 14:00 h. e de 17:00 a 21:00 horas), cos seguintes actos literarios destacados:

– 19:30 h. Dentro dos actos inaugurais, actuación de Celso Fernández Sanmartín, contador de historias tradicionais con gran sentido de humor, cos seus relatos Bicoca de boca en boca.
– 20:00 h. Presentación do libro e audiovisual Un chapeu negro e un nariz de paiaso. Tras os pasos de Roberto Vidal Bolaño, con textos de Montse Pena Presas e imaxes e son de Gonzalo Enríquez Veloso, publicado en Galaxia.

A Coruña: conferencia de Aurora Marco nos VI Encontros Cidade da Coruña

Publicado o por

A Asociación de Escritoras e Escritores en Lingua Galega (AELG) anuncia que este xoves 18 de abril, a partir das 20:00 horas, no Salón de Actos da Real Academia Galega (Rúa Tabernas, 11), terá lugar a segunda conferencia dos VI Encontros Cidade da Coruña, organizados coa colaboración da Real Academia Galega e a Concellaría de Cultura do Concello da Coruña. Nela, a profesora Aurora Marco tratará o tema Elas, as invisíbeis. Silencios e voces das represaliadas.
A conferencia vai xirar en volta do exilio das mulleres galegas, silenciadas pola historia tradicional. Tras unhas consideracións xerais sobre as palabras das mulleres e sobre a escrita autobiográfica feminina, analisaranse e comentaranse dous textos que recuperan as voces da memoria democrática: Éxodo (1940), de Silvia Mistral, e Memorias dunha republicana (2012), de Teresa Alvajar López. Para finalizar, proxectarase un capítulo do documental As silenciadas, de Pablo Ces, Premio Mestre Mateo 2012.