Acta do xurado do XXV Certame Literario A Pipa da Alta Montaña Luguesa 2016

En Becerreá, a luns 26 de decembro de 2016, a Xunta Directiva da Asociación Cultural A Pipa de Becerreá (CIF. G-27441708) e o seu Presidente, Afonso Becerra Arrojo, toman o acordo de nomear a Xesús Bermúdez Tellado Presidente do Xurado do XXV Certame Literario A Pipa 2016 da Alta Montaña Luguesa e, así mesmo, aos dous tribunais avaliadores:
O Xurado para a modalidade de DRAMATURXIA BREVE está formado por:
INMA LÓPEZ SILVA. Escritora. Crítica Teatral. Membro do Consello de Redacción da Revista Galega de Teatro. Doutora en Filoloxía. Profesora da ESAD de Galicia.
ROBERTO PASCUAL. Director da Mostra Internacional de Teatro de Ribadavia. Membro do Equipo de Dirección da Revista Galega de Teatro. Licenciado en Filoloxía Galega. Profesor da ESAD de Galicia.
ROI VIDAL PONTE. Dramaturgo, Director de escena, Poeta e Crítico Teatral. Titulado Superior en Arte Dramática, na especialidade de Dirección escénica e dramaturxia pola ESAD de Galicia. Licenciado en Filoloxía Galega pola Universidade de Santiago de Compostela.
O Xurado para as modalidades de POESÍA e RELATO está formado por:
XESÚS BERMÚDEZ TELLADO. Poeta. Licenciado en Filoloxía Galego-Portuguesa.
SABELA PÉREZ MARTÍNEZ. Licenciada en Filoloxía Galego-Portuguesa. Profesora de Educación Secundaria.
RAFAEL RAMOS FERNÁNDEZ. Membro da Xunta Directiva da Asociación Cultural A Pipa de Becerreá. Licenciado en Ciencias da Educación (Pedagoxía Socioeducativa). Mestre de Educación Primaria.
MARTA RODRÍGUEZ LÓPEZ. Membro da Xunta Directiva da Asociación Cultural A Pipa de Becerreá. Licenciada en Xornalismo.
Este ano recibíronse un total 99 traballos. Logo de facer lectura dos 99 traballos recibidos e conforme ás bases establecidas deste Certame, o Xurado acorda concede-los seguintes premios:

– Na Categoría Infantil (dos 8 ós 14 anos), modalidade de RELATO:
2º PREMIO INFANTIL DE RELATO A PIPA 2016, para o texto titulado “A MIÑA VIDA NA IMAXINACIÓN”. O Xurado destaca: O feito de ser un manifesto a favor da ecoloxía cheo de imaxinación. A autora é NURIA DEVESA NÚÑEZ, de Lugo.
1º PREMIO INFANTIL DE RELATO A PIPA 2016, para o texto titulado “OS TRES BISPOS”. O Xurado destaca: A calidade literaria nunha narración chea de maxia e imaxinación. O autor é MARTÍN RODRÍGUEZ DÍAZ, de San Pedro de Furco. Becerreá (Lugo).

– Na Categoría Infantil (dos 8 ós 14 anos), modalidade de POESÍA:
ACCÉSIT INFANTIL DE POESÍA A PIPA 2016, para o texto titulado “O INVERNO”. O Xurado destaca: A descrición da estación de forma sinxela e o xeito en que transforma a vida da xente. A autora é AMELIA PÉREZ LÓPEZ, de Santalla, Cervantes (Lugo).
2º PREMIO INFANTIL DE POESÍA A PIPA 2016, para o texto titulado “OS ANCARES”. O Xurado destaca: A súa sinxeleza e naturalidade á hora de expresar o amor do autor pola súa terra. A autora é ANDREA LÓPEZ AMIGO, de Cela, Cervantes (Lugo).
1º PREMIO INFANTIL DE POESÍA A PIPA 2016, para o texto titulado “MEU IRMÁN”. O Xurado destaca: A súa espontaneidade, tenrura e sinceridade na expresión dos sentimentos por unha persoa que lle serve de exemplo ao autor. O autor é HIGINIO RODRÍGUEZ CEDRÓN, de Dumia, Cervantes (Lugo).

– Na Categoría Xuvenil (dos 14 ós 18 anos), modalidade de RELATO:
ACCÉSIT XUVENIL DE RELATO A PIPA 2016, para o texto titulado “O CAMIÑO CARA ÓS ANCARES”. O Xurado destaca: O feito de presentar outro xeito de narrar o drama dos refuxiados que foxen de Siria. O autor é JAVIER GALLARDO SILVA, de Filloval de Torés. As Nogais (Lugo).
2º PREMIO XUVENIL DE RELATO A PIPA 2016, para o texto titulado “A MATANZA”. O Xurado destaca: A súa magnífica redacción e reflexo dun tema tradicional galego. O autor é JAVIER MÉNDEZ TRABADO, de Quindous, Cervantes (Lugo).
1º PREMIO XUVENIL DE RELATO A PIPA 2016, para o texto titulado “AQUEL ANACO DE CARTA”. O Xurado destaca: A orixinalidade dunha historia dolorosa pero entrañable. O autor é ADRIÁN NOIA VÁZQUEZ, de Santiago de Compostela (A Coruña).

– Na Categoría Xuvenil (dos 14 ós 18 anos), modalidade de POESÍA:
ACCÉSIT XUVENIL DE POESÍA A PIPA 2016, para o texto titulado “CAMIÑOS”. O Xurado destaca: O feito de plasmar dun xeito poético e envolvente o drama dos refuxiados. O autor é XOEL RODRÍGUEZ POY, de Becerreá (Lugo).
2º PREMIO XUVENIL DE POESÍA A PIPA 2016, para o texto titulado “MURALLA DE ARAMES”. O Xurado destaca: A claridade e limpeza expresivas, sen concesións ao obvio. A capacidade de suxestión arredor das contradicións do mundo no que vivimos. A autora é GABRIELA RODRÍGUEZ DÍAZ, de Becerreá (Lugo).
1º PREMIO XUVENIL DE POESÍA A PIPA 2016, para o texto titulado “ESPIDO DE SENTIMENTOS”. O Xurado destaca: A forza e a carga de imaxes na descrición da dor por un amor perdido. O autor é XAVIER SIMÓN MONTERO, de Cabeiras (Pontevedra).

– Na Categoría Revista A PIPA para Maiores de 18 anos, modalidade de RELATO:
ACCÉSIT Revista A Pipa de Relato 2016 para o texto titulado “O VELLO VEREDE”. O Xurado destaca: O feito de ser un canto á ecoloxía e á liberdade, amosando o contraste entre a vida moderna e a clásica. A autora é CLARA VILA AMADO, de San Cibrao, Nogueirosa, Pontedeume (A Coruña).
2º PREMIO Revista A PIPA 2016 DE RELATO, para o texto titulado: “O LAIO DA MONTAÑA”. O Xurado destaca: O feito de ser un precioso canto a favor da natureza e a liberdade. A autora é MARÍA SALINAS GARCÍA, de A Guarda (Pontevedra).
1º PREMIO Revista A PIPA 2016 DE RELATO, para o texto titulado: “CHANZOS PARA UNHAS BADALADAS”. O Xurado destaca: O canto ás raíces e ao apego á terra. O autor é GONZALO LOIZAGA LATORRE, de Doncos. As Nogais (Lugo).

– Na Categoría Revista A PIPA para Maiores de 18 anos, modalidade de POESÍA:
ACCÉSIT Revista A Pipa de Poesía 2016 para o texto titulado “LADEIRA DA SERRA”. O Xurado destaca: O reflexo, cheo de imaxes impactantes, dun momento dramático da Guerra Civil española. O autor é AGUSTÍN LORENZO FIDALGO, de Ourense.
2º PREMIO Revista A PIPA 2016 DE POESÍA, para o texto titulado “AS VÍSCERAS DA TERRA”. O Xurado destaca: As metáforas ben artelladas, que nos contan o devir máis íntimo da terra. A autora é IRIA ACEVEDO PÉREZ, de Lugo.
1º PREMIO Revista A PIPA 2016 DE POESÍA, para o texto titulado “ABALANDO BRÉTEMAS”. O Xurado destaca: O feito de enlazar coa poesía máis tradicional no que atinxe á forma e á temática. O autor é JOSÉ M. GARCÍA MIGUÉLEZ, de Lugo.

– Na modalidade de DRAMATURXIA BREVE.
ACCÉSIT A PIPA 2016 DE DRAMATURXIA BREVE, para a peza titulada “ARA E IRA”. O Xurado destaca: Dramaturxia experimental superminimalista que xoga coa hibridaxe entre o poético e o teatral por medio da linguaxe musical. As repeticións, as aliteracións, os xogos de palabras e os silencios conseguen xerar un ritmo coherente coa temática da peza, que racha ao final con escintileos metatextuais. O autor é JOSE F. CASTILLO ALLEN, de Vigo (Pontevedra).
2º PREMIO A PIPA 2016 DE DRAMATURXIA BREVE, para a peza titulada “CATIÚSCAS”. O Xurado destaca: A capacidade para expresar, a través da estrutura dramatúrxica, a desazón que caracteriza unha relación baseada no machismo e no maltrato, así como a dificultade para resolver un problema estrutural. Minimalismo teatral posdramático no que sorprende o recurso á repetición exacta da mesma partitura de accións. A autora é MARTA PÉREZ de Vigo (Pontevedra).
1º PREMIO A PIPA 2016 DE DRAMATURXIA BREVE, para a peza titulada “ENVASADAS AO BALEIRO”. O Xurado destaca: A forza simbólica tanto da acción coma do espazo dramático. As personaxes amosan un bo dominio na construción dunha situación de cinismo, tensión e ironía fronte á sedución tópica e preciosa dun mesmo home, o personaxe masculino latente. Trátase da típica historia do odio entre irmás, pero está contada, nesta ocasión, cunha dureza verdadeira e unha linguaxe suxerente que afinca as súas raíces en Beckett, Genet e o esperpento. A autora é IRIA ACEVEDO PÉREZ, de Lugo.

O Xurado acorda que os galardóns deberán ser recollidos durante o acto de entrega que máis abaixo se sinala, ou nun prazo máximo que conclúe na data de presentación dos traballos da edición seguinte deste Certame. De non ser así o agasallo outorgado á persoa premiada pasaría a formar parte dos fondos da Asociación Cultural A Pipa de Becerreá.

Esta 25 Edición do Certame Literario A Pipa 2016 da Alta Montaña Luguesa, conta coa colaboración da Xefatura Provincial de Cultura da Xunta de Galicia, da Área de Cultura da Vicepresidencia Primeira da Deputación Provincial de Lugo e do Concello de Becerreá.

Asdo. Afonso Becerra Arrojo.
Presidente da Asociación Cultural A Pipa de Becerreá, co visto e prace de Xesús Bermúdez Tellado, Presidente do Xurado do XXV CERTAME LITERARIO A PIPA 2016 DA ALTA MONTAÑA LUGUESA
En Becerreá, a 26 de decembro de 2016.”

Vilalba: recital poético solidario internacional Verso, ¿que traes? Esperanza

O vindeiro venres 16 de decembro ás 19:30 horas, no Centro Cultural e Recreativo de Vilalba, agardamos por vós na celebración do III Recital Poético Solidario Internacional, baixo o lema “Verso, ¿que traes? Esperanza”.
Todo o recadado no evento irá destinado á Campaña de Xoguetes da Asemblea Comarcal de Cruz Vermella en Vilalba, cuxa iniciativa se chama “Os seus dereitos en xogo”. Con esta causa solidaria pretendemos levar xoguetes a máis dun cento de nenos e nenas da comarca da Terra Chá de entre 0 e 12 anos.
A venda de entradas realízase na Casa da Cultura de Vilalba e no Centro Cultural e Recreativo. Prezo: 3€.
Despois do recital farase un sorteo de libros cedidos e asinados polos autores que van recitar entre os asistentes ó acto.

Autoras e autores premiadas/os no XXIV Certame Literario A Pipa da Alta Montaña Luguesa 2015

Desde12360428_935729553185668_3063674544381310750_n A Pipa:
“En Becerreá, a mércores 23 de decembro de 2015, a Xunta Directiva da Asociación Cultural A Pipa de Becerreá (CIF. G-27441708) e o seu Presidente, Afonso Becerra Arrojo, toman o acordo de nomear a Rafael Ramos Fernández Presidente do Xurado do XXIV Certame Literario A Pipa 2015 da Alta Montaña Luguesa e, así mesmo, aos dous tribunais avaliadores:
– O Xurado para a modalidade de DRAMATURXIA BREVE está formado por:
JOAN CHIRALT BAILACH. Dramaturgo. Máster en Artes Escénicas pola Universitat Autònoma de Barcelona. Titulado Superior en Arte Dramática polo Institut del Teatre de Barcelona. Profesor de Dramaturxia e Escrita Dramática na Escola Superior de Arte Dramática de Galicia.
PEDRO PABLO RIOBÓ SANLUIS. Dramaturgo e ensaísta. Membro do Consello de Redacción da Revista Galega de Teatro. Licenciado en Filoloxía Galega. Profesor de Educación Secundaria.
GONZALO RODRÍGUEZ CALVO. Membro do Consello de Redacción da Revista Galega de Teatro e da Asociación de Amigos do Teatro Jofre de Ferrol.mó
– O Xurado para as modalidades de POESÍA e RELATO está formado por:
XESÚS BERMÚDEZ TELLADO. Poeta. Licenciado en Filoloxía Galego-Portuguesa.
SABELA PÉREZ MARTÍNEZ. Licenciada en Filoloxía Galego-Portuguesa. Profesora dríde Educación Secundaria.
RAFAEL RAMOS FERNÁNDEZ. Membro da Xunta Directiva da Asociación Cultural A Pipa de Becerreá. Licenciado en Ciencias da Educación (Pedagoxía Socioeducativa). Mestre de Educación Primaria.

No Acto de Entrega de Premios, que se celebrou o domingo 27 de decembro de 2015 ás 19:00 h. na Casa da Cultura de Becerreá, revelarase o premio concedido a cada un dos traballos que se mencionan a continuación segundo a orde alfabética dos apelidos das autoras e autores:
CABALEIRO, JONATÁN de Ponferrada (León): “UNHA PALABRA PERDIDA”.
CALVAR GIRÁLDEZ, MARÍA de Cerdedelo, Torroso. Mos (Pontevedra): “INVISIBLE SEN SABELO”.
COMUÑAS LÓPEZ, CARLOS de Cervantes (Lugo): “A PRIMEIRA MISA DE MANOLIÑO”.
DEVESA NÚÑEZ, NURIA de Lugo: “CHEGOU A BELEZA”.
LEIRIZ BRANCO, LOURDES de Compostela (A Coruña): “MALEVICH”.
LOIZAGA LATORRE, GONZALO de Doncos. As Nogais (Lugo): “DON CECILIO E DONA PLÁCIDA”.
PARDEIRO ÁLVAREZ, LAURA de As Nogais (Lugo): “O PAPORRUBIO DE NADAL”.
RODRÍGUEZ CEDRÓN, HIGINIO de Cervantes (Lugo): “OS ANCARES”.
ROMERO SUÁREZ, XULIO de Arteixo (A Coruña): “O POMBAL DE MUIÑOS”.
SÁNCHEZ VARELA, JOSÉ RAMÓN de Carballo (A Coruña): “TATUAXE NA FERIDA”.
SANDOVAL, RAMÓN de Sober (Lugo): “AXUSTE DE CONTAS”.
SUÁREZ IS, ERNESTO de Xixón (Asturies): “FÍOS”.
TOMÉ PIÑEIRO, ABEL de Cando. Outes (A Coruña): “AUSENTE”.
TRABADO NÚÑEZ, MIRIAM de Vilapún, Cervantes (Lugo): “O INVERNO”.”

Lugo: presentación do libro colectivo Alén do silencio

O venres 7 de marzo, ás 19:00 horas, no IES Lucus Augusti (Avenida Rodríguez Mourelo, s/n) de Lugo, preséntase o libro colectivo Alén do silencio. No acto participan, entre outras/os, Natalia Alonso, Inma Alonso Rodríguez, Beti Arias, Xesús Bermúdez, Ana Croas, Luz Darriba, José Estévez, María José Fernández López, Montse González, Xosé Iglesias, Catarina Laxe, Iria López, Beatriz López Dorado, Aarón López Pereiro, Manuel Celso Matalobos, Ani Modia, Toño Núñez, Sara Otero, Carmen Pardo, Luísa Paz, Mónica Pérez Llenderrozos, Evinha de la Torre e Eva Xanín.

A Coruña: actos literarios destacados na Feira do Libro para o sábado 10 e domingo 11

O sábado 10 e domingo 11 de agosto serán os últimos días desta edición da Feira do Libro da Coruña (nos Xardíns de Méndez Núñez, con horario de 11:00 a 14:00 h. e de 18:00 a 22:00 horas), cos seguintes actos literarios destacados para eses dous días:

Sábado 10
19:30 h. Francisco Pillado asina exemplares das súas obras na na caseta da Libraría Couceiro.
21:00 h. Presentación do libro Los mejores poemas de amor, editado por Pigmalión. Participarán no acto: Luz Pozo Garza, Olga Patiño Nogueira, Miguel Anxo Fernán-Vello, Chema Paz Gago, Basilio Rodríguez Cañada e Antonino Nieto Rodríguez. Xosé Taboada e Paco Campos intervirán coa música e voz no acto.

Domingo 11
13:00 h. Encontros da literatura fantástica entre Contos Estraños e Urco Editora.
18:30 h. Presentación do libro pedras de Plastilina, de Moncho Iglesias, publicado por Toxosoutos. Ao remate do acto, o autor asinará exemplares do seu libro na caseta da Libraría Cartabón.
19:30 h. Presentación do libro Viaxe sen cancelas, de Xesús Bermúdez Tellado, publicado por Redelibros.
20:00 h. Na Ponte ao vivo. O radio … visual de Ponte nas Ondas, conducido por Xurxo Souto con convidados/as do disco/libro/DVD.
20:00 h. Presentación do libro Nada se esquece, de Puri Ameixide, publicado en Redelibros.
21:00 h. Presentación do libro Podería falar de nubes, de Francisco Castiñeira, publicado en Redelibros.
Xesús Bermúdez Tellado, Puri Ameixide e Francisco Castiñeira asinarán exemplares dos seus libros na caseta da Libraría Cartabón.

Vigo: actos destacados do sábado 29 e domingo 30 na Feira do Libro

O sábado 29 e domingo 30 de xuño prosegue a súa andadura a Feira do Libro de Vigo (na Praza de Compostela), cos seguintes actos literarios destacados para estes días:

Sábado 29
18:00 h. Contacontos: O Cullarapo Croque, de Miguel Ángel Alonso Diz, actividade organizada por Nova Galicia Edicións.
19:00 h. Alfonso Eiré presenta o seu libro Infiltrados, publicado por Biblos Clube de Lectores.
19:30 h. O escritor Miguel Ángel Alonso asinará na caseta de Andel do Libro Galego e Portugués.
19:30 h. O escritor Pedro Feijóo, asinará exemplares do seu libro Os fillos do mar, publicado por Edicións Xerais de Galicia.
20:00 h. Presentación do libro A cociña dos Cunqueiro, con prólogo de César Cunqueiro e receitas da dona do escritor, Elvira González-Seco Seoane, editado por Galaxia. Participan no acto Carmen Freire, Miguel Vila, César Cunqueiro e Víctor Freixanes.

Domingo 30
19:30 h. O escritor Moncho Iglesias presenta o seu libro Pedras de plastilina, publicado pola editorial Toxosoutos.
20:00 h. Presentación do poemario Viaxe sen cancelas, de Xesús Bermúdez Tellado, publicado pola editorial Redelibros.
21:15 h. Presentación do libro Nada se esquece, de Puri Ameixide, publicado pola editorial Redelibros
– A partires das 19:00 horas, os autores asinarán exemplares dos seus libros na caseta da Libraría Cartabón.

Ourense: actividades literarias destacadas do sábado 8 e domingo 9 na Feira do Libro

O sábado 8 e domingo 9 de xuño remata a edición de 2013 da Feira do Libro de Ourense (na Alameda, de 11:00 a 14:00 horas e de 18:00 a 22:00 h.), cos seguintes actos literarios destacados:

Sábado 8
13:00 h. As marionetas do mundo e os mundos de Barriga Verde. Charla coloquio sobre os títeres galegos realizada por Comba Campoy, investigadora sobre a tradición de títeres galegos e Anxo García, titiriteiro e recuperador do espectáculo de Barriga Verde. Presentación do libro-DVD Morreu o demo, acabouse a peseta, publicados pola Asociación Cultural Morreu o Demo.
19:00 h. Teatro Antroido representa Vida e obra de Roberto Vidal Bolaño, charla posta en escena entre a actriz Laura Ponte e o dramaturgo e fillo do autor, Roi Vidal Ponte.
20:00 h. Presentación do libro A máscara de Ulises, de Xosé Carlos Caneiro, publicado por Galaxia. Xunto co autor, participará no acto Víctor Freixanes, director da editorial.

Domingo 9
20:00 h. Presentación do poemario Viaxe sen cancelas, de Xesús Bermúdez Tellado, publicado por Redelibros.
20:30 h. Presentación do libro Nada se esquece, de Puri Ameixide, publicado por Redelibros.
A partir das 19:00 horas, os autores asinarán exemplares dos seus libros na caseta da Libraría Cartabón.