O 
venres 1 de abril, ás 20:30 h., na Casa da Cultura de Noia (Rúa Luís Cadarso, s/n.), terá lugar un acto conxunto do Colectivo Literario Sacou e A porta verde do sétimo andar. No evento falarase sobre o pasado e futuro de ambas asociacións culturas, presentarase a obra dos respeitivos membros e farase un recital poético para finalizar a sesión. O nome da xuntanza será Cartafol do serán en homenaxe a aqueles recitais que, ás tardiñas, Sacou realizaba semanalmente. Entre outros estarán: Alberte Momán, Soutelo Vazquez, Betula Alba, Nacho Suárez, Anxo Otero, Manuel L. Rodrigues, Óscar Sendón, Rosa Enríquez, Ramón Blanco, Manolo do Río, etc.
Arquivo da categoría: Coloquios
Moaña: coloquio e recital sobre Un poema de amor, de Kiko Neves
O 
venres 18 de marzo, ás 21:00 h., no Centro Sociocultural Daniel Castro (Biblioteca Municipal) de Quintela (Moaña), Kiko Neves falará e recitará poemas do seu libro Un poema de amor, publicado en Egasur.
Lectores Galegos en Bos Aires: V Ciclo de literatura galega en 2011
O 
V Ciclo de literatura galega dos Lectores Galegos en Bos Aires celebrarase no Café Tortoni de Bos Aires, estando especialmente dedicado á prensa galega, percorrendo unha serie de tópicos sobre os que a literatura galega semella volver unha e outra vez, pero agora dende outro espacio: a prensa. Analizaranse e debateranse a realidade da lingua, da cultura, do territorio, da memoria, ou da identidade sobre a base dun feixe de artigos e entrevistas xornalísticos publicados por autores galegos. Este é o cronograma de encontros:
– 19 de marzo, 16:00 horas: Análise do artigo Galicia contada a un extraterrestre, de Manuel Rivas.
– 16 de abril, 16:00 horas: Conferencia sobre Xornalismo e Literatura, a cargo de Mariela Sánchez.
– 30 de abril, 15:00 horas: Conferencia aberta sobre Xornalismo Periodismo en Galicia, a cargo de Víctor F. Freixanes.
– 21 de maio, 15:00 horas: Conferencia sobre Bilingüísmo, diglosia e linguas minorizadas. O caso arxentino a cargo de Mariana D’Agostino, e Historia da lingua galega: da ‘doma e castración’ al plurilingüísmo, a cargo de Andrea Cobas Carral.
– 25 de xuño, 16:00 horas: A lingua na prensa – Parte II.
– 13 de agosto, 15:00 horas: A terra na prensa (territorio e historia).
– 17 de setembr, 16:00 horas: A cultura na prensa (territorio e historia).
– 1 ou 8 de outubro, 16:00 horas: (A Confirmar). Conferencia de Dolores Vilavedra.
– 15 de outubro, 16:00 horas: A emigración na prensa – Parte I (quen somos, como somos e donde estamos), a cargo de Antón Rey.
– 12 de novembro, 15:00 horas: A emigración na prensa – Parte II (como nos ven e como nos vemos nós), a cargo de Claudia Amigo.
– 10 de decembro, 15:00 horas: A identidade na prensa. Presentación do Ciclo 2012.
A Coruña: coloquio Falemos de casas, con Manuel Rivas e Gonçalo Byrne
O xoves 
10 de marzo, ás 20:00 h., na Fundación Barrié (Cantón Grande, 9) da Coruña, e con entrada libre até completar capacidade, e dentro do ciclo Conversas con Gonçalo Byrne, terá lugar o coloquio Falemos de casas, con Manuel Rivas e o propio arquitecto portugués, Gonçalo Byrne. O moderador será Javier Armesto.
A Coruña: Charla Un libro, unha película, unha canción, con Ánxel Vázquez de la Cruz
O 
xoves 24 de febreiro, a partir das 20:30 h., na A. C. Alexandre Bóveda (Rúa Olmos, 16-18, 1º) da Coruña, e con entrada libre, prosegue o ciclo de charlas titulado Unha película, unha canción, un libro, no que se amosarán as vivencias de distintos persoeiros desde un punto de vista totalmente separado da súa profesión, contando cales son os seus libros, películas e cancións preferidas e como incluso marcaron momentos importantes das súas vidas. Nesta ocasión falará o médico e escritor Ánxel Vázquez de la Cruz.
A Coruña: Congreso Uxío Novoneyra, do 17 ao 19 de febreiro
Do xoves 
17 ao sábado 19 de febreiro celébrase na Coruña o Congreso Uxío Novoneyra, organizado pola Real Academia Galega, coa colaboración da Universidade da Coruña e da Concellaría de Cultura do Concello da Coruña. A inscrición é gratuíta, e para formalizala cómpre enviar un correo electrónico a secretaria@realacademiagalega.org en que figuren os seguintes datos: nome, apelidos, DNI, enderezo postal completo, correo electrónico e teléfono. Admitirase un número máximo de 100 solicitudes por rigorosa orde de inscrición. Solicitáronse dous créditos de libre configuración na Universidade da Coruña (20 horas). Entregarase un diploma de asistencia aos inscritos que acrediten ter participado en todas as sesións. O Congreso ten o seguinte programa:
* Xoves 17. Salón de Actos da Real Academia Galega.
– 9:00 a 9:30 h.: Recepción e entrega de documentación.
– 9:30 a 10:00 h.: Inauguración.
– 10:00 a 10:45 h.: Conferencia inaugural de Pilar García Negro: Novoneyra. Nova xeira. A poesía como antídoto contra o ruído.
– 10:45 a 12:00 h.: Comunicacións:
Ana Acuña. Presenza de Uxío Novoneyra en Madrid.
Chus Nogueira. A lingua literaria de Uxío Novoneyra.
Olivia Rodríguez. Uxío Novoneyra, recitador.
– 12:30 a 13:00 h.: Relatorio de Xosé Benito Reza: Natureza e paisaxe no Courel.
– 13:00 a 14:00 h.: Coloquio cos relatores intervenientes.
– 16:30 a 17:00 h.: Relatorio de Luís Cochón: Romanceiro e cancioneiro tradicional en Uxío Novoneyra.
– 17:00 a 17:30 h.: Relatorio de Antón Patiño: Uxío Novoneyra: a escrita do corpo.
– 17:30 a 18:00 h.: Relatorio de Luís Alonso Girgado: Diversidade interno-externa e multiplicidade textual en Uxío Novoneyra.
– 18:00 a 19:00 h.: Coloquio cos relatores intervenientes.
* Venres 18. Salón de Actos da Real Academia Galega.
– 10:00 a 10:30 h.: Relatorio de Carlos Paulo Martínez Pereiro: A palabra deseñada.
– 10:30 a 11:00 h.: Relatorio de Anxo Angueira: Un poeta con terra e pobo.
– 11:00 a 11:30 h.: Relatorio de Claudio Rodríguez Fer: Correspondencia entre Valente e Novoneyra: poetas da fala no labirinto das linguas.
– 12:00 a 12:30 h.: Relatorio de Carme Blanco: A liberdade das amadas mulleres.
– 12:30 a 14:00 h.: Coloquio cos relatores intervenientes.
– 16:30 a 17:00 h.: Relatorio de Teresa López: Uxío Novoneyra: os camiños á Idade Media.
– 17:00 a 17:30 h.: Relatorio de Antón Lopo: Uxío Novoneyra na distancia do lobo.
– 17:30 a 18:00 h.: Relatorio de Xesús Alonso Montero: O primeiro libro de Novoneyra: ‘Abrojos’ (1948).
– 18:15 a 19:00 h.: Recital poético con Yolanda Castaño, Salvador García-Bodaño, Luz Pozo e Manuel Rivas.
* Sábado 19. Paraninfo da Universidade da Coruña (Maestranza).
– 10:00 a 10:30 h.: Relatorio de Xosé Ramón Freixeiro Mato: Lingua e estilo na obra de Uxío Novoneyra.
– 10:30 a 11:00 h.: Relatorio de Branca Novoneyra Rei: Ata cando este tempo de elexía.
– 11:00 a 11:30 h.: Relatorio de Darío Xohán Cabana: Aspectos formais da poesía de Uxío Novoneyra.
– 11:30 a 12:00 h.: Relatorio de Uxío Novoneyra Rei: Língoa sen maos.
– 12:30 a 13:15 h.: Conferencia de clausura de Ramón Lorenzo Vázquez: Polos eidos poéticos de Novoneyra.
– 13:15 a 14:00 h.: Clausura.
O comité organizador está formado por Xosé Luís Axeitos, Carlos Paulo Martínez Pereiro e Carme Vilariño.
Deixamos aquí o programa completo en .pdf para ser descargado libremente: Congreso Uxio Novoneyra.
En relación con este Congreso: Galicia Hoxe, Xornal e Cultura Galega. Posteriormente aparecen novas relacionadas en Galicia Hoxe e Xornal. Posteriormente, fanse crónicas das actividades do día 17en Galicia Hoxe, Xornal e La Voz de Galicia, do día 18 en Galicia Hoxe, La Opinión. Véxase tamén este artigo de Antón Patiño no Xornal.
A Coruña: charla-coloquio con Teresa Moure, Entre o individual e o colectivo
O 
sábado 19 de febreiro, a partir das 17:00 h., no Kiosko Alfonso da Coruña, e dentro das actividades Espazo Solidario, terá lugar unha charla-coloquio con Teresa Moure baixo o título de: Entre o individual e o colectivo: os infinitos espazos para a transformación social, onde reflexionará conxuntamente co público asistente sobre como “poñer o mundo patas arriba. Para que os tópicos non boten raíces”. Para participar é preciso inscribirse previamente nesta páxina web: Espazo Solidario.
A Coruña: faladoiro con Xurxo Souto, sobre A canción tradicional popular galega e coruñesa
O venres 
4 de febreiro, a partir das 21:00 h., na Asociación de Veciños da Agra do Orzán (Rúa Entrepeñas, 38) da Coruña, e con previa inscrición no local da asociación ou 981-200869 (horario de tarde), Xurxo Souto falará sobre “A canción tradicional popular galega e coruñesa”. Organizado en colaboración coa A. C. Alexandre Bóveda.
Santiago: coloquio arredor de As rulas de Bakunin, con Antón Riveiro Coello
O 
mércores 2 de febreiro, a partir das 19:30 h., na Biblioteca Ánxel Casal (Avenida Xoán XXIII, s/n.) de Santiago de Compostela, Antón Riveiro Coello, dentro das actividades do club de lectura Compostela conversará cos lectores arredor da súa novela As rulas de Bakunin, publicada en Galaxia.
O Temple, Cambre: “A Libreira” organiza un vermú literario sobre Asasinato no Consello Nacional, de Diego Ameixeiras
(Xerais)
