Arquivo da categoría: Premios teatro: convocatorias

Convocado o I Concurso de creación teatral Manuel Rey Posse

Publicado o por

Convócase o I Concurso de creación teatral Manuel Rey Posse, organizado polo Liceo Casino de Vilagarcía de Arousa, coas seguintes

BASES

1.- O Liceo Casino de Vilagarcía de Arousa convoca o I Concurso de creación teatral Manuel Rey Posse, en homenaxe a este querido, popular e lembrado artista local e socio de honra da nosa sociedade. Poderán participar nel todas as persoas que así o desexen e o xulguen oportuno, nunha única categoría, aberta a todas as idades e que someten as súas obras ao indicado nestas bases e á valoración do xurado do concurso que serán quen de xulgar a calidade e mérito suficiente das obras, para seren no seu caso agraciadas cos distintos premios.
2.- As obras poderán ser de calquera xénero e modalidade de teatro, a condición necesaria e indispensable é que estean escritas en lingua galega, seguindo a normativa vixente para a nosa lingua emanada das directrices da Real Academia Galega.
3.- Cada autor/a só poderá participar cunha única obra, que será presentada mecanografada a doble espazo, encadernada e coas páxinas numeradas.
4.- A temática será totalmente libre; pero, ha ser respectuosa coas persoas e institucións e non atentará contra os valores de defensa dos Dereitos Humanos e de Igualdade de Xénero, o que non impedirá que sexa crítica, chea de creatividade e orixinalidade.
5.- Estableceranse tres premios:
– 1º) Premio, que será dotado con 600 €.
– 2º) Premio, dotado con 300 €.
– 3º) Premio, cunha dotación de 150 €.
Os premios non poderán ser declarados desertos, agás que non haxa o número suficiente de obras para adxudicalos todos. A súa adxudicación será sempre partindo do primeiro.
6.- As obras premiadas pasarán a ser propiedade do Liceo Casino, que poderá, se hai lugar e oportunidade, publicalas ou representalas (xestionándose as estreas con grupos locais de teatro e para representar na seguinte edición da Semana de Teatro Manuel Rey Posse, que organizará cada ano o Liceo Casino. Os dereitos da primeira posible edición e da estrea serán cedidos polos autores en beneficio do Liceo Casino de Vilagarcía de Arousa. As seguintes, devengarán en beneficio dos propios autores/as.
7.- O veredicto do xurado será inapelable e será o único autorizado para a interpretación e execución destas bases.
8.- O xurado estará formado por:
a) O Presidente do Liceo Casino de Vilagarcía de Arousa, quen poderá delegar en calquera membro da súa Xunta Directiva. Exercerá como Presidente do Xurado.
b) Un docente especialista en lingua e literatura galega ou un escritor/a, designado polo Liceo Casino.
c) Un representante da Administración Pública ou Entidade privada que subvencione esta actividade, designado por elas mesmas.
d) Un representante dos grupos de teatro locais, nomeado polo Liceo Casino.
e) Un representante dos medios de comunicación locais, designado polo Liceo Casino.
f) O Xerente do Liceo Casino, que actuará como Secretario do Xurado con voz, pero sen voto.
O xurado para poder actuar, estará alomenos constituido pola metade dos seus compoñentes, este será o quorum mínimo.
Ao final das deliberacións elaborarase unha acta, comunicarase o resultado aos premiados e aos medios de comunicación social.
9.- As obras serán enviadas ao Liceo Casino, R/ Castelao, 5 – 36600 Vilagarcía de Arousa por correo ordinario, indicando no sobre o nome do concurso. Enviaranse baixo plica con lema, incluindo nun sobre pechado co mesmo lema os datos identificativos do participante (nome e apelidos, NIF, enderezo postal, números de teléfono, correo electrónico).
10.- O prazo de entrega de orixinais rematará o 15 de marzo de 2011, as obras que cheguen fóra de prazo non serán tidas en conta baixo ningún concepto.
Os orixinais non premiados poderán ser retirados nas instalacións do Liceo Casino en horario de oficina, demostrando co NIF a súa identidade e asinando un recibí. Transcorridos tres meses despois da entrega de premios, as obras non premiadas serán totalmente destruidas.
11.- A entrega de premios será o día 25 de marzo de 2011, no transcurso da clausura da Semana de Teatro Manuel Rey Posse, que se celebrará dito día a partires das 21:00 h, no Salón de Actos do Liceo Casino. Prégase encarecidamente a tódolos premiados/as acudan a ese acto a recibir persoalmente o seu premio, previa a correspondente identificación. (Os premiados asinarán un recibí e un documento de cesión de dereitos, tal como se recolle nestas bases).
12.- Os premios, se é o caso, estarán suxeitos á fiscalidade vixente.
13.- O galardonado/a co 1º premio será invitado a participar no xurado da seguinte edición.
14.- A participación neste concurso implica a aceptación plena e absoluta das presentes bases.

Vilagarcía de Arousa, 31 de xaneiro de 2011.

A A. C. O Facho convoca o Concurso de Teatro Infantil

Publicado o por

“Assumindo como próprias as palavras de Juan Ramón Jiménez quando afirmava que “Teatro infantil é aquele que também lhe gosta aos nenos”, a Junta Directiva da Associaçom Cultural O Facho acordou convocar de novo o Concurso de Teatro Infantil, que, nesta nova etapa, se regerá polas seguintes

BASES:

1º) Poderám optar ao devandito prémio todas as pessoas que pressentem obras inéditas –em qualquer tipo de suporte- nom representadas, nem premiadas noutros certames e que esteiam escritas em língua galega.
2º) Estabelece-se como prémio único, a ediçom da obra ganhadora, da que o autor ou autora receberá 500,.- € e como mínimo o 40% da ediçom..
3º) A obra, que nom poderá exceder os 80 fólios, será presenteada por quintuplicado, em formato DIN A4, a dobre espaço e mecanografados por umha soa cara.
4º) Os originais para o Concurso enviaram-se por correio á sé da Associaçom Cultural O FACHO. R/ Frederico Tápia n.º 12-1º A Corunha (15005) ou a Caixa de Correios n.º 46, Oficina Principal de A Corunha. Apresentarám-se sob um lema, que figurará na portada dos textos enviados, e virám acompanhados de um envelope fechado que contenha no exterior o lema da obra e, no interior, o nome, apelidos e telefone do autor ou autora.
5º) O prazo de admissom de originais finaliza o dia 31 de Março de 2011 às doce da noite. O falho do prémio fará-se público no mês de Maio.
6º) Os ganhadores serám elegidos por um júri nomeado pola Associaçom Cultural O FACHO. O mesmo está composto por pessoas de reconhecido prestigio no âmbito teatral galego: Xosé Manuel Rabón, director teatral; Susana Longueira, actriz; Francisco Pillado Maior, director de Edicoes Laiovento.
7º) O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as duvidas que podam existir na sua interpretaçom.
8º) A participaçom neste Certame implica assumir as bases do mesmo.
9º) Os originais nom premiados poderám ser retirados, no prazo de 30 dias, no local de O Facho, prévio correio dirigido ao endereço postal da Agrupaçom. No caso de que o autor o autora nom resida na Corunha poderá solicitar que lhe sejam enviados por correio postal.
10º) Esta convocatória entrará em vigor ao dia seguinte da sua publicaçom nos médios.

J. Alberte Corral Iglesias
Secretário d’O Facho

Na cidade d’A Corunha, Janeiro 2011.”

Convocado o XV Premio de Teatro Rafael Dieste

Publicado o por

“Coa intención de incentivar a creatividade no ámbito do teatro, por ser unha das formas artísticas de maior incidencia social e en lembranza do xenial autor rianxeiro, a Deputación Provincial da Coruña convoca o XV Premio de teatro Rafael Dieste, de acordo coas seguintes:

BASES

Primeira.- Poderán optar ao premio todos os autores de calquera nacionalidade, que presenten obras inéditas e non premiadas con anterioridade, que estean escritas en lingua galega.
Segunda.- Establécese un premio único e indivisible, dotado con 6.500 euros. Esta cantidade está suxeita ás retencións legais que lle sexan aplicables. A Deputación publicará a obra premiada, reservándose durante un prazo de dezaoito meses os dereitos de editala e de representala, e entregaralle ao gañador trinta exemplares. A Deputación poderá contratar unha compañía teatral galega para realizar a montaxe e a representación da obra premiada, sen que isto supoña unha compensación complementaria para o autor.
Terceira.- O tema e a extensión da obra será libre, e a súa presentación será feita por quintuplicado, en exemplares separados, en tamaño DIN A 4, tamaño de letra 10, espazo 1 ½, polas dúas caras, numerados, grampados ou encadernados. Cada obra será presentada baixo o sistema de plica, polo que será enviada achegada dun sobre aparte; no exterior do sobre figurará o título da obra e o lema ou pseudónimo do seu autor; no interior incluirase unha copia do DNI, o enderezo, teléfono de contacto e correo electrónico e, ademais, unha declaración expresa de que a obra é inédita e que non foi premiada, ata a data da súa presentación, en ningún outro certame ou premio.
Cuarta.- O prazo de presentación de orixinais comezará o día seguinte ao de publicación desta convocatoria no Boletín Oficial da Provincia e rematará o día 15 de febreiro de 2011. Os orixinais enviaranse á Deputación da Coruña, Avda. Alférez Provisional 2, 15006 A Coruña, indicando no sobre XV Premio de teatro Rafael Dieste.
Quinta.- O xurado estará presidido polo presidente da Deputación da Coruña e formarán parte del: a deputada presidenta da Comisión de Cultura, Xuventude e Patrimonio Histórico e Artístico, catro persoas de recoñecido prestixio no ámbito teatral e un dos gañadores de anteriores edicións, que poderá ser substituído por outra persoa no caso de que, a ningún deles, lle fose posible aceptar a súa participación. O nomeamento do xurado será feito polo presidente da Deputación, e actuará como secretario o da Corporación ou o funcionario no que delegue. A composición do xurado farase pública con anterioridade á súa reunión no taboleiro e na páxina web da Deputación, co fin de que se poidan interpor, se é o caso, os recursos legais pertinentes.
Sexta.- Os participantes terán a obriga de comunicarlle á Deputación a concesión de calquera premio que obteña a obra presentada, no momento en que esta situación se produza, o que dará lugar á súa exclusión do concurso. O xurado actuará en pleno, en sesión a ser posible única, sendo necesaria a asistencia da maioría simple dos seus membros. Para os efectos da validez da súa constitución aplicarase o disposto no art. 26.1 da Lei 30/1992 do réxime xurídico das administracións públicas e do procedemento administrativo común. As deliberacións serán secretas e delas redactarase a acta correspondente. Sendo un dos obxectivos deste concurso a representación da obra premiada, valoraranse positivamente os factores que incidan na súa viabilidade escénica: número de personaxes, condicións técnicas, etc. O xurado non poderá declarar deserto o premio e presentará a súa proposta ao presidente da Deputación, que é o órgano competente para resolvelo. A decisión do xurado terá lugar no primeiro trimestre do ano 2011 e darase a coñecer no taboleiro de anuncios e na páxina web da Deputación, e a través dos distintos medios de comunicación. A plica correspondente á obra que resulte finalista poderá ser aberta polo secretario do xurado co fin de que, se o seu autor o permite, poida darse a coñecer o seu nome.
Sétima.- Non se devolverán os orixinais non premiados que, a partir da decisión do xurado, serán destruídos.
Oitava.- A participación nesta convocatoria supón a total aceptación destas bases.

A Coruña, 20 de decembro de 2010.”

Convocado o V Premio Diario Cultural de Teatro Radiofónico

Publicado o por

O Diario Cultural da Radio Galega e o Centro Dramático  Galego, co patrocinio da AGADIC, organizan a quinta edición do Premio Diario Cultural de Teatro Radiofónico, que pretende fomentar a escrita de textos dramáticos para  a radio e contribuír á recuperación do formato de teatro radiofónico. Trátase de estimular a creación de pezas dramáticas contemporáneas e facilitar unha plataforma de creación aberta ás novas linguaxes artísticas na radio. As bases, en pdf,  poden baixarse neste arquivo: V Premio Diario Cultural de Teatro Radiofónico. (Vía Xerais).

Premios: XIX Álvaro Cunqueiro para textos teatrais, V Manuel María de literatura dramática infantil e VIII Barriga Verde de textos para teatro de monicreques

Publicado o por

Lémbrase que o vindeiro 11 de xuño remata o prazo de recepción de orixinais dos premios XIX Álvaro Cunqueiro para textos teatrais, V Manuel María de literatura dramática infantil e VIII Barriga Verde de textos para teatro de monicreques, convocados pola Axencia Galega das Industrias Culturais. (DOG nº 49, 12 de marzo de 2010). Aquí o PDF da convocatoria.

V PREMIO ABRENTE DE TEXTOS TEATRAIS

Publicado o por

A Mostra Internacional de Teatro de Ribadavia comprácese en convidar ao seu medio de comunicación á presentación pública das bases do V Premio Abrente de Textos Teatrais (Bases 2010 en PDF), que contará coa asistencia das seguintes autoridades:

Sr. Jesús Vázquez Abad, Conselleiro de Educación e Ordenación Universitaria.
Sr. Anxo Lorenzo Suárez, Secretario Xeral de Política Lingüística.
Sr. Marcos Blanco Jorge, Alcalde de Ribadavia.
Sr. Anxo Collarte Pérez, Concelleiro de cultura e educación de Ribadavia.
Sr. Roberto Pascual Rodríguez, Director da Mostra Internacional de Teatro de Ribadavia.

A MIT Ribadavia, o festival de artes escénicas máis significado de Galicia, continúa a apostar e a fomentar a nova creación dramática en lingua galega a través da convocatoria do seu V Premio Abrente para Textos Teatrais. O Premio Abrente conta co apoio institucional da Secretaría Xeral de Política Lingüística e está dotado cunha cantidade de 3.000 euros para o autor ou autora da obra gañadora máis unha estatuíña realizada polo artista Manuel Rodríguez Alonso (Sampedro), o compromiso da dirección da MIT de apoio á escenificación do texto por parte daquela compañía que presente o proxecto
artístico de mellores cualidades escénicas e a edición da obra na colección Abrente de teatro da editorial ourensá Difusora de Letras, Artes e Ideas.
A dirección da MIT promoveu en 2009 a creación dunha nova colección editorial de literatura dramática na editorial Difusora, dirixida por Roberto Pascual e cuxos obxectivos fundamentais son: elaborar volumes cun selo especial na calidade do seu deseño que atraian a un maior número de lectores cara ao xénero dramático, presentar os textos prologados por especialistas en artes escénicas e contribuír á construción dun catálogo editorial rigoroso, con periodicidade e criterio artístico que contribúa positivamente ao traballo dos principais axentes do sistema teatral galego: compañías profesionais de teatro, centros de ensino e colectivos amadores.

Premios AELG: este sábado na Cea das Letras

Publicado o por

OS GAÑADORES DOS PREMIOS AELG 2010 DARANSE A COÑECER NA CEA DAS LETRAS

Durante o evento faráselle entrega a Juan Gelman dunha pluma en calidade de “Escritor Galego Universal”. Tamén se celebrará un acto de recoñecemento aos Consellos Directivos da AELG ao longo destes xa 30 anos de existencia.

Achégase a data de celebración dun dos actos máis importantes na vida da Asociación de Escritores en Lingua Galega: os Premios AELG, uns galardóns que, concedidos por escritores/as para escritores/as, levan camiño de se afianzar como uns dos de máis prestixio no noso panorama literario.

No transcurso da Cea das Letras, que se celebrará o sábado 17 de abril no Hotel Palacio del Carmen de Santiago de Compostela (Rúa Oblatas s/n), recoñecerase a mellor obra publicada no 2009 en cadanseu xénero: Ensaio, Literatura Infantil e Xuvenil (en colaboración con Gálix), Poesía, Narrativa, Tradución (en colaboración coa Asociación Galega de Tradutores), Teatro e Traxectoria Xornalística (que premiará o/a autor/a coa mellor traxectoria xornalística do 2009, e para cuxa elección se contará cos votos dos/as membros do Colexio de Xornalistas), e o blog literario. Igualmente, entregarase o Premio AELG para Institucións, que nesta edición levará o Salón do Libro Infantil e Xuvenil de Pontevedra.

Aproveitarase a ocasión para facer un acto de recoñecemento aos Consellos Directivos da AELG ao longo destes xa 30 anos de existencia, personificados nas respectivas presidencias, secretarías xerais e vicepresidencias.

[Ver Finalistas Premios AELG 2010]

Gabinete de Comunicación da AELG
Tfno: 660 530 525
Correo-e: prensaarrobaaelg.org

4º Premio Meiga Moira 2010

Publicado o por

Baía Edicións convoca o 4º premio Meiga Moira de creación literaria infantil-xuvenil, que se rexe polas seguintes bases (PDF). O premio, que poderá quedar deserto, considerará un único galardón, ao que se lle asigna unha dotación económica de 2.500 euros. A obra será publicada por Baía Edicións na súa colección Meiga Moira. O prazo de recepción de orixinais remata o 17 de Maio e a súa resolución darase a coñecer o 1 de outubro de 2010.

Mais información aquí: 981 174 296; comercialarrobabaiaedicions.net