En Celanova (Casa dos poetas, Celanova), entre o 18 e o 19 de xullo do 2008, terán lugar os primeiros ENCONTROS DE POESÍA NOVA, no contexto do centenario de Manuel Curros Enríquez.
Entre os participantes figuran César Antonio Molina, Luis Alberto de Cuenca, José Antonio de Ory, Miguel Anxo Fernán-Vello, Helena de Carlos, Yolanda Castaño, Estíbaliz Espinosa, Baldo Ramos, Paulino Vázquez, Cecilia Quílez, Berta Dávila, José Ramón Trujillo, Emilio Ruiz Barrachina, José Manuel Lucía Megías, Justo Bolekia, Javier Pérez Vazo, Basilio Rodrígez Cañada e Xosé Luis Méndez Ferrín. O encontro finalizará co espectáculo poético-musical QUEN PUDERA CONVOSCO VOAR, sobre a obra poética de M. Curros Enríquez, pola Compañía teatral Casahamlet e con dirección de Manuel Lourenzo e Santiago Fernández.
Arquivo da categoría: Debates
I Encontro Cidade da Coruña
Os próximos días 18 e 19 do mes que andamos a Asociación de Escritores en Lingua Galega organiza en colaboración coa Concellaría de Cultura do Concello da Coruña e Cedro, o I Encontro Cidade da Coruña, unha actividade que nace coa pretensión de estenderse a outras cidades do país.
O venres 18 de xullo celebrarase unha mesa redonda que, baixo o título “Narrativa con memoria histórica”, contará coa presenza de Lidia Jorge, Carme Riera e Manuel Rivas. Será na Casa Museo Casares Quiroga (Panadeiras, 12).
O día seguinte, no Teatro Rosalía de Castro, con presentación de Antía Otero, está previsto un recital poético e lectura de textos a cargo de Marica Campo, Yolanda Castaño, Lidia Jorge, Luz Pozo, Carme Riera, Manuel Rivas, Xavier Rodríguez Baixeras e Xavier Seoane, alén da actuación musical de “Carmen Rey Grupo”, cun son próximo do rhythm and blues, coa esencia do funk e do jazz.
A entrada é de balde até completar aforo. (Gabinete de Comunicación da AELG – Tfno: 660 530 525 – correo-e: prensa@aelg.org)
V Diálogos Literarios de Mariñán
Os V Diálogos Literarios de Mariñán terán lugar no Pazo de Mariñán (Bergondo, A Coruña) do 4 ao 7 xuño de 2008. O coordinador será Román Raña. Para consultar o programa debe consultarse a web da Fundación Carlos Casares.
Barcelona: coloquio internacional As relaciónS entre As literaturAs ibÉriCAs
RELIBE
Coloquio internacional sobre as relacións entre as literaturas ibéricas (Barcelona, 18-20 de xuño 2009)
O Grupo de investigación, tradución, recepción e literatura (Universitat Pompeu Fabra) e o Grupo de investigación consolidado TRELIT~Tradución e recepción das literaturas (Universitat de Barcelona) organizan o Coloquio internacional sobre “As relacións entre as literaturas ibéricas, que se celebrará os días 18, 19 e 20 de xuño de 2009 na Facultade de Tradución e Interpretación da Universidade Pompeu Fabra.
O coloquio pretende analisar estas relacións desde unha perspectiva comparada e arredor dos seguintes eixos ou liñas:
· Tradución entre as literaturas ibéricas
· Autotradución (entre linguas ibéricas)
· Presenzas e interaccións entre as literaturas ibéricas
· Recepción comparada da literatura extranxeira nas literaturas ibéricas
· Recepción comparada de literaturas ibéricas nun ámbito literario extranxeiro
Aparte das liñas e eixos enunciados, o Comité científico poderá tomar en consideración outras propostas.
As persoas interesadas en participar no coloquio poden enviar un correo electrónico antes do 31 de maio de 2008 á direción: relibe@upf.edu.
O Comité organizador do coloquio remitirá aos interesados información complementaria a partir do 1 de xuño de 2008.
Outras datas de interese:
30 de setembro de 2008: data límite para o envío de propostas de comunicación segundo as especificacións que se farán públicas coa debida antelación.
2 de novembro de 2008: notificación aos interesados da aceptación da propuesta.
Comité organizador
Enric Gallén: enric.gallen@upf.edu
Francisco Lafarga: lafarga@ub.edu
Luis Pegenaute: luis.pegenaute@upf.edu
Secretaría: relibe@upf.edu
“Lectores galegos en Bos Aires”: ciclo de literatura galega no Café Tortoni
«”Lectores en Bos Aires” comprácese en convidala-o á súa primeira tertulia deste segundo ano de traballo, o vindeiro sábado día 15 de marzo no café Tortoni. Comezaremos a percorrer o universo da literatura policial coa presentación do Ciclo “Dez misterios en clave galega”. A xuntanza celebrarase o sábado 15 de marzo ás 15 na sala Alfonsina Storni do Café Tortoni, na Avenida de Mayo 825 da cidade de Bos Aires.
Confirmar presenza no enderezo lectoresenbosaires@gmail.com
Marzo 2008, Bos Aires, Arxentina»
Coloquio sobre Curros Enríquez en La Habana
A Casa de Altos Estudios Don Fernando Ortiz e a Cátedra de Cultura Gallega organizan o coloquio A cien años de Manuel Curros Enríquez en La Habana – 1908-2008. Terá lugar no CEPES, ao fondo da “Facultad de la matemática”, na Universidade de La Habana, entre as 9 e as 13 horas do 5 ao 7 de marzo.
Iolanda Zúñiga falará en Carballo sobre Vidas post-it
Iolanda Zúñiga falará no Literactúa sobre Vidas post-it o mércores 27 de febreiro ás 20:30 horas. Será no Pub A Reserva, de Carballo.
Preséntase en Compostela a Grial nº 176: Xénero, sexo e sexualidade
Será na Fundación Caixa Galicia de Santiago, o martes 26 de febreiro ás 20:00 horas, coa participación de Rosario Sarmiento, Víctor F. Freixanes, Dolores Vilavedra e María Xosé Agra.
Xulio López Valcárcel na Galería Sargadelos da Coruña
O martes 26 de febreiro, ás 20:00 horas, a Galería Sargadelos da Coruña (Rúa Real, 56) contará coa presenza de Xulio López Valcárcel nunha nova edición do ciclo quincenal “Martes Literarios”.
Club de lectura de Implicadas No Desenvolvemento en Vigo
«Este xoves día 21, ás 20:30 horas, o local de Implicadas/os No Desenvolvemento (Avda. Camelias, 49-escaleira, Vigo) acollerá o segundo dos clubs de lectura organizados por Implicadas No Desenvolvemento en Vigo, uns encontros participativos destinados a persoas amantes da
lectura e preocupadas polos problemas do mundo. Nesta sesión, na que se analizará e debaterá o libro-dvd O son das buguinas (Edicións Xerais), a escritora viguesa Dolores Ruíz contribuirá ao debate coas lectoras e lectores, en calidade de autora dun dos múltiples relatos que compoñen o libro.
Lembramos que o libro O son das buguinas conta con relatos de Rosa Aneiros, Agustín Fernández Paz, An Alfaya, Marilar Aleixandre, Dolores Ruíz, Fran Alonso e María Reimóndez, e co traballo gráfico de Xulia Barros e Paco Vila, a través dos que se rememoran as causas e consecuencias da tsunami de decembro de 2006.
Aquelas persoas que estean interesadas en participar no clubs de lectura, de xeito totalmente gratuíto, so teñen que acudir o día sinalado á sede de Implicadas No Desenvolvemento, aínda que cómpre lembrar que para poder participar no Club de Lectura é necesario ter lido todo ou unha parte do libro a debate.» (Implicada/os no Desenvolvemento)
